Tónleikar til styrktar Styrktarfélagi krabbameinssjúkra barna

25 MILLJÓNIR KOMNAR OG NÚ BÆTUM VIÐ UM BETUR

Fyrir tíu árum síðan voru haldnir fyrstu árlega tónleikarnir til styrktar Styrktarfélagi krabbameinssjúkra barna í Háskólabíó. Það var Einar Bárðarson athafnamaður sem átti hugmyndina að tónleikunum en hann ásamt samtarfsmönnum í tónlistarheiminum og rjóma íslenskra poppara töldu svo í fyrstu tónleikanna í desember 1998. Það var engin annar en Jóhannes Jónsson stórkaupmaður sem kynnti tónleikanna það árið en meðal þeirra sem komu fram það árið voru Sálin hans Jóns míns og Skítamóral

25 MILLJÓNIR Á 9 ÁRUM TIL STYRKTARFÉLAGSINS

Á þessum tónleikum hefur skapast hefð fyrir því að allur aðgangseyrir eru afhentur fulltrúum SKB í hléi tónleikanna. Þannig er það gert í votta viðurvist en nú er gaman að segja frá því að í fyrra náðist að koma heildartölunni aðgangseyris á níu árum í 25.000.000.

ALLIR GEFA VINNU SÍNA OG ÖLL TÆKI KOMA OG FARA ÁN ENDURGJALDS

Að gefnu tilefni er rétt að láta það fylgja að á tónleikunum í gegnum tíðina hefur komið fram rjómi þekktustu tónlistarmanna landsins á hverjum tíma og hafa allir þeir sem komið hafa að tónleikunum gefið vinnu sína til fulls. Háskólabíó gefið húsnæðið. Um leið hafa allir tæknimenn og aðrir starfsmenn tónleikanna gefið vinnu sína. Öll fyrirtæki sem að verkefninu hafa komið hafa líka gefið alla sína vinnu. Að sjálfssögðu er engin breyting þar á.

Tónleikarnir fara sem fyrr segir fram í Háskólabíói sunnudaginn 27. desember og hefjast stundvíslega kl. 16:00

Lay Low, Sálin hans Jóns míns, Sprengjuhöllin, Bubbi Morthens, Páll Óskar, Skítamórall, Ragga Gröndal, Ingo Veðurguðirnir, Stuðmenn, Friðrik Ómar og Regína, Klaufarnir og Helgi Björnsson

Miðasala er hafin á www.midi.is og á útsölustöðum þeirra en þeir gefa líka alla sína vinnu í kringum tónleikanna og ekkert miðagjald er lagt ofan á söluna. Miðaverð er aðeins 2.500 kr.

Ég vil líka minna ykkur á að það eru til sölu jólakort til styrktar Styrktarfélagsins sem þið getið nálgast eða pantað á síðunni www.skb.is endilega styrkið gott málefni.

Athugasemdir

[Helga Magnúsdóttir, 4.12.2008 kl. 17:54]

Æðislegt að heyra þetta. Verst að ég verð ekki í bænum en ég skal kaupa jólakort.

[Hólmfríður Bjarnadóttir, 4.12.2008 kl. 22:30]

Kemst ekki á tónleikana, en vona að margir mæti. Guðsblessun í bæinn

[Aprílrós, 5.12.2008 kl. 07:51]

Kærleiks faðmlag ;)

[Eygló Sara , 5.12.2008 kl. 17:19]

Þetta er alveg frábært framtak,,, get hjálpað til ef þið viljið!

[Linda Linnet Hilmarsdóttir, 6.12.2008 kl. 23:06]

Innlitskvitt og kveðjur

[Guðbjörg frá Selfossi (IP-tala skráð) 7.12.2008 kl. 01:15]

Sæl Áslaug. Ég er Guðbjörg vinkona Áslaugar frænku þinnar. Varð að kíkja á litla fallega drenginn þinn og til hamingju með hann.  Ég á einmitt lítinn tveggja ára gaur sem á afmæli þennan sama dag og þið frænkurnar eignuðust ykkar og það sem meira er að við Áslaug eignuðumst börnin á sömu mínútunni, báðar í baði... alveg magnað.

 Bestu kveðjur Guðbjörg

[Gunnar Helgi Eysteinsson, 7.12.2008 kl. 22:43]

[Elsa Nielsen, 8.12.2008 kl. 10:12]

Vííí - búin að kaupa miða ;) KNÚS

[Hulda Klara (IP-tala skráð) 8.12.2008 kl. 13:49]

Til hamingju með litla prinsinn.

[Margrét Ingibjörg Lindquist, 9.12.2008 kl. 18:33]

Yndislegt vitalið við þig á visir.is... alltaf sama jákvæðning og gleðin í kringum ykkur... þið eruð frábær fyrirmynd okkar allra..