Ég á mér uppáhalds flík

Uppáhalds flíkin mín er kápan mín sem ég fékk frá Skara mínum í jólagjöf fyrir nokkrum árum en það er einn "galli" með hana eða kanski mig hehe en ég get eiginlega aldrei notað hana almennilega því ég er "alltaf" ólétt eða með barn á brjóst.  Sko málið er núna þegar ég var ólétt af hnoðra mínum þá gekk ég í kápunni minni sem er ekki frásögufærandi en þá gat ég bara hneppt henni yfir brjóstinn en ekki yfir bumbuna sem er náttúrlega ekkert skrýtið.  Núna Þegar ég er búin að eiga hnoðrann minn þá get ég hneppt yfir magann en ekki brjóstinn því ég lít út einsog Dolly Parton mhohoho!!  Þannig kápan mín fær aldrei að njóta sín þannig séð og mér er alltaf kalt einhversstaðar á líkamanum því aldrei get ég hneppt henni almennilega.  Dóóhh!!  Spurning hvort ég get kanski notað hana næsta haust og hneppt ÖLLUM tölum? 

Það er brjálað að gera hjá okkur fjölskyldunni, ég myndi ekki bjóða í það ef ég hefði átt að kaupa allar jólagjafirnar í des því þá þyrfti ég ansi marga auka tíma í sólarhringinn, sem betur fer er ég ALLTAF það skipulögð að ég dreifi jólagjafakaupunum yfir árið því einsog ástandið er í dag veit ég ekki hvort ég hefði meikað það?  Ég er bara snillingur, fór meir að segja á Toys'rus útsöluna áður en allt hækkaði þar um 100% og keypti handa krökkunum mínum, ohh það er svoooo gott að vera ég.

Við krakkarnir sendum Skara í að kaupa jólatréð í gærkveldi sem er kanski ekki frásögufærandi en fyrir nokkrum árum sendi ég líka hann einan og hann kom með stærsta tréð sem var til í búðinni og þá hét ég því að ekki senda hann einan aftur en núna var ekkert annað í boði.  Viti menn Skari kom AFTUR með stærsta tréð í búðinni hahaha!!  Well spurning hvort jólaskrautið okkar dugi á tréð, oh boy!!  Reyndar elska ég stór tré en stofan okkar er nú ekkert hægt að hrópa húrra fyrir en hverjum er ekki sama, jólin eru bara 1x á ári og við ELSKUM jólin en verst að pakkarnir munu týnast undir trénu.  Eins gott að mamma og pabbi komi með marga pakka með sér en þau verða með okkur, bara gaman!!  Oh god hvað ég er orðin spennt að sjá börnin mín yfir hátíðirnar, þau eru líka svoooo spennt. 

Krakkarnir eru búin að fara á tvö jólaböll en það þriðja er á morgun hjá Styrktarfélaginu, litli naglinn minn hann Theodór er alveg skíthræddur við sveinka einsog hann getur verið mikill gaur og mikill töffari en þegar það kemur að sveinka þá snappast hann.  Greyjið litli!!  Við fórum einmitt á jólaball í skólanum hjá Þuríði minni í gær og það var svo gaman að fylgjast með henni en hún þekkir hálfan skólann, heilsaði og knúsaði aðra hverja manneskju sem labbaði framhjá okkur.  Hún var svo glöð að hitta alla og náttúrlega allir glaðir að hitta hana en ekki hvað?  Það er ekki annað hægt en að vera glöð innan hetjuna mína, lífið er svo skemmtilegt hjá henni að hálfa væri miklu meir en nóg.  Bara gott og gaman!!

Útskrift í dag, oh mæ god!!  Loksins komið að henni og að sjálfsögðu fór ég annað sinn á þessu ári og verslaði mér eina flík fyrir hana (ok tvær).  Ég bara varð ástfangin um leið og ég sá flíkina, mjög flott fyrir konur sem líta út einsog Dolly Parton.  Þuríður mín er líka komin í jólafrí og finnst ekki leiðinlegt að tjilla bara ein með mömmu sinni og hnoðra litla sem hún dýrkar og elskar að sýna fólki hann sem ég geri að sjálfsögðu líka enda bara flottastur.

Well hnoðrinn minn farin að kalla á Dollyjarnar, eigið góða helgi. Mín mun pottþétt verða góð og mjög upptekin ALLA helgina sem er bara gott.  Knús í hús!!

Athugasemdir

[Sólveig (IP-tala skráð) 19.12.2008 kl. 10:08]

Það er betra en nokkurt vítamín að kíkja inná síðuna þína þessa dagana og mikið er dásamlegt að allt gengur svona vel.

Hjartans hamingjóskir með að vera útskrifuð í dag það sýnir að þú ert engin venjuleg því það sem þú hefur haft að fást við síðustu misseri er meira en nóg fyrir venjulegt fólk,  þó það bæti ekki við sig námi.

En það er bara endalaust gaman að fylgjast með ykkur STÓRFJÖLSKYLDUNNI. Og ég sendi kærleikskveðju í húsið.

frá Sólveigu

[Guðrún (Boston) (IP-tala skráð) 19.12.2008 kl. 14:44]

Langaði bara að segja Gleðileg jól og takk fyrir allar skemmtilegu og uppörfandi færslunar sem maður hefur fengið að lesa hér hjá þér.  Yndislegt að heyra hvað allt gengur vel og til hamingju með útskriftina kjarnorkukona.  Mikð væri heimurinn góður ef allar fjölskyldur væru svona jákvæðar eins og ykkar.  Knús í hús.

[Björk töffari (IP-tala skráð) 19.12.2008 kl. 16:30]

Hæ sæta mín....innilegar hamingjuóskir með útskriftina og það eru orð að sönnu,þú ert ekkert venjuleg....ihaaaaaaaaa

Knús á línuna og eigið þið dásamlega helgi,verð í bandi eftir jól þar sem tíminn er að hlaupa í burtu.Elsku Þuríður mín hafðu það áfram svona gott og ég bið guð að gefa þér falleg jól.Knús

[Hólmfríður Bjarnadóttir, 19.12.2008 kl. 17:29]

Já satt segir hún Sólveig, það er á við góðan vitamínkúr að lesa færslurnar þínar.

Innilegar hamingjuóskir með Útskriftina og allt hitt. Og kápan slitnar ekki á meðan þú gefur ekki notað hana, svo hún endist bara lengur. Það eru alltaf góðir kostir í stöðunni. Knús í kotið.

 = Áslaug

 = Óskar

 = Þuríður Arna

 = Oddný Erla

 = Theodór (jólasveinar eru hættulegir)

 = Hnoðri

[Ein Sólveig í viðbót (IP-tala skráð) 19.12.2008 kl. 19:30]

Já, ég gleymdi vítamínunum í morgun. Og þá er innlit á þessa síðu bráðnauðsynlegt. :) Bjargar deginum, algjörlega. Kærleikskveðjur á ykkur stórfjölskylduna, frá Sólveigu.

[Linda Linnet Hilmarsdóttir, 20.12.2008 kl. 23:12]

Knús í hús og ljúfar kveðjur

[Vala Dögg (IP-tala skráð) 22.12.2008 kl. 09:24]

Sæl skoða stundum bloggið þitt..til að frá fréttir af hetjunni og finnst líka gaman að lesa, þú ert svo góður penni;)

Eftir þessa færslu er jólaspenningurinn að hríslast um mig, ég er búin að sakna hans en hann er kominn núna þökk sér þér :)

Takk og gleðileg jól :)