Munum að...

"Það sem máli skiptir er ekki að við getum lifað í voninni heldur hitt að líf án vonar er ekki þess virði að lifa því"

Síðustu daga hef ég verið að lesa gamlar færslur frá mér eða síðan Þuríður mín veikist, allt sem ég hef skrifað síðustu árin og það sem þið hafið skrifað til mín hef ég varðveitt vel enda allt mjög mikilvægt og verður gott fyrir Þuríði mína þegar hún eldist að geta lesið um veikindin sín.  Ég t.d fann nokkur ljóð sem mitt fólk hefur samið til okkar eða um Þuríði í hennar baráttu, ég fékk t.d. þetta ljóð sem ég ætla að birta hérna í nóv'04 frá Óskari "bróðir" mömmu (nenni ekki að útskýra tengslin enda óþarfi) sem hann samdi.

Þrautin er þung
þá barist er við
alvarleg veikindi barna
til almáttugs drottins
ég auðmjúkur bið
að batni þér Þuríður Arna.

Svo á svipuðum tíma í nóv'04 fengum við þetta ljóð frá Ásu vinkonu mömmu.

Ó góði guð nú bið ég þig
að þú munir bænheyra mig
að Óskar og Áslaug verði sterk
og Þuríður Arna verði kraftaverk.

Það hefur svo sannarlega ræst úr þessum ljóðum og bænum frá þessu flotta fólki.  Ég á nokkur svona ljóð sem hafa verið tileinkuð hetjunni minni og allar þessar færslur úúúfffhh þær eru endalaust margar, er búin að liggja yfir þessum og lesa útí gegn.  Þvílíkar þjáningar sem barnið hefur barist við en er endalaust kraftaverk og endalausar framfarir sem hún hefur sýnt.  Flottust!!


Yndislegust komin í öskudagsbúning sinn.

Athugasemdir

[Halldór Jóhannsson (IP-tala skráð) 10.2.2009 kl. 13:02]

 Eruð kraftaverk elskurnar...maður felldi bara tár að lesa ljóðin...og allt tilbúið fyrir öskudaginn...þvílík kona ert þú......ER EKKI ERFITT AÐ VERA SVONA klár og skynsöm.....Takk fyrir allt frábæra kona....Kveðja 

[4 barna mamman (IP-tala skráð) 10.2.2009 kl. 13:05]

Falleg færsla frá þér Áslaug. 

Netknús í bæinn með bæn um endalaust góða daga

kveðja 4 barna mamman

[Hólmfríður Bjarnadóttir, 10.2.2009 kl. 13:29]

Stundum er gott að skoða fortíðina til að sjá hvað nútíðn er góð og yndisleg. Hafið það alltaf sem best.

[Kristín (IP-tala skráð) 10.2.2009 kl. 15:24]

Takk fyrir fallega færslu.  Flott mín kona í búningnum sínum, Kærleikskveðja.

[Aprílrós, 10.2.2009 kl. 16:49]

Alveg yndisleg í Pippi settinu ;) Kraftaverka kveðjur sendi ég ykkur, þið hafið sínt það og sannað að kraftaverk gerast enn ;) sem betur fer.

[Hildur Helga Sigurðardóttir, 11.2.2009 kl. 02:16]

Gangi ykkur sem allrabest, kæru mæðgur...  Gott að fylgjast með ykkar baráttu ...

[Ylfa Mist Helgadóttir, 11.2.2009 kl. 18:54]

Bestu kveðjur með óskum um að batinn haldi áfram, alltaf. Knús til öskudagsdrottningarinnar og allra hinna barnanna.