Ekki hætt

Well búin að fá nokkrar skammir hvað ég er léleg að blogga og fólkið mitt farið að heimta blogg frá mér hehe, ég er bara engan veginn að nenna þessu þessa dagana en hef samt frá svo mörgu að segja.  Er með margar hugmyndir í kollinum sem ég ætla nú ekkert að uppljóstra allavega ekki strax, sorrý!!

Einsog ég hef sagt þá er sjúkraþjálfunin hennar Þuríðar minnar farin að vera á hestum sem hún mætir í 2x í viku sem er sko að gera sitt.  Bæði því henni finnst þetta alveg meiriháttar gaman og þessi þjálfun er að gera góða hluti fyrir hana.  Ég fór t.d með henni í fyrsta sinn á föstudaginn en pabbi hennar fór alltaf með hana í sínu fæðingarorlofi sem er búið í bili og það var alveg yndislega gaman að fylgjast með henni, hún var eitt bros í framan og þegar henni fannst hún standa sig vel þá laumaði hún alltaf þumlinum upp í áttina til mín og var alveg skælbrosandi.  Þjálfarinn einmitt sagði það við mig þegar hún var að byrjað rann hún alltaf útí aðra hliðina eða þá sem hún lamaðist algjörlega í en núna þrem vikum síðar er hún hætt því, jibbíjeij!!  Hún sýnir framfarir á hverum degi þetta kraftaverk.

Á föstudaginn þegar við vorum að bíða eftir að sjúkraþjálfunin byrjaði ákváðum við að gera stafina eða ég ætlaði svona að testa hana aðeins því einsog þið vitið þá er ekki langt síðan að þessi stúlka gat gert stafinn sinn.  Áður en ég vissi af þarna var hún búin að gera alla þá stafi sem ég sagði henni að gera og ég átti mjög erfitt með að halda tárunum inni.  Vááááávvvvhhh!!  Ef hún ætlar sér eitthvað þá hættir hún ekki fyrr en henni tekst það enda mjög þrjósk sem hefur verið mjög gott í hennar baráttu.  Henni einmitt langar svo að læra lesa og ég veit að það mun takast ekki eftir svo langan tíma.

Nýjasta æðið á þessu heimili er búið að vera Abba eða síðan í kringum jólin, Þuríður mín elskar þennan disk og farin að kunna hann utan af, meira að segja enskusletturnar í myndinni og svo eru systkin að leiðrétta hvort annað á ensku sko ehhe.  Bara fyndið að hlusta á þau.  Svo reynir Þuríður mín að dansa við hvert lagið eða einsog þau gera í myndinni, hún minnir mig dáltið á mig þegar Söndru Kim æðið var þá stóð ég fyrirframan imbann og hermdi eftir henni.  thíhí!!  Þannig næsti draumur minn er að fara með þau til London á Abba-showið sem verður væntanlega eftir einhver ár. 

Hinrik minn fór í sína fyrstu klippingu á föstudaginn enda hárið allt að hrynja af og þá fannst foreldrunum bara tími til að raka það allt af.

Hérna er einmitt búið að raka það nánast allt af, hann var svona líka góður enda vel uppalinn.

Svo er hérna ein af gaurnum mínum honum Theodóri, var að máta öskudagsbúninginn sinn.  Endalaust flottur.

Við Þuríður hittum eina hetju í síðustu viku sem hefur ekki verið að fá góðar fréttir af sínum sjúkdómi, þannig mig langar að biðja ykkur að hugsa fallega til hennar Bjarkar okkar og megið alveg kveikja á kerti á kertasíðunni hennar Þuríðar minnar tileinkað henni.

Þetta átti nú bara að vera færsla sem ég var að láta ykkur vita að ég væri ekki hætt, bara bissí kona.  Ætla að læra smotterí áður en drengurinn kallar á mjólkurbúið sitt.

Athugasemdir

[Linda Linnet Hilmarsdóttir, 9.2.2009 kl. 13:11]

Innlitskvitt,Knús og kossar:=)

[Þórunn Eva , 9.2.2009 kl. 14:09]

Skemmtilegt blogg sætust ;) er einmitt líka alltaf að fá skammir fyrir blogg leti hehehehehe ;)

[Sólveig Jónsdóttir (IP-tala skráð) 9.2.2009 kl. 19:20]

Já, ég kveiki á kerti, og bið fyrir Björk.  Hún sýndi mér þessa fallegu gjöf frá Þuríði Örnu. Mjög falleg gjöf. Fín myndin af þeim hetjunum, á blogginu hennar Bjarkar. Hafið það sem allra best. Kv.Sólveig

[Halldór Jóhannsson, 9.2.2009 kl. 22:26]

Kveðja

[Aprílrós, 10.2.2009 kl. 00:50]

Glæsilegt að það sé gaman að allt gangi vel í sjúkraþjálfuninni ;)

[Elsa Nielsen, 10.2.2009 kl. 09:09]

Kvitt kvitt og KNÚS - flottur litli skallapopparinn ... og þið öll hin líka ;)