Draumur Þuríðar

Allt að gerast, fékk aðra hringingu í gær og ræddi við manneskjuna og ég veit hvað Þuríður mín getur gert og hvað ekki þannig við komumst að smá niðurstöðu.  Fæ samt annað símtal í dag og þá fæ ég að vita meira um þetta en allavega er smá draumur samt ekkert smár í hennar augum er að fara rætast á föstudaginn.  Auðvidað reynum við að gera allt sem við getum til að láta drauma barnanna okkar rætast en ég kom ekki nálægt þessum, gekk smá um á facebookinu en þar er maður alla daga.  Þvílíkur tímaþjófur!!  En ég er rosalega spennt fyrir föstudeginum hvað þá systurnar sem telja niður dagana en við ætlum að leyfa þeim bara að njóta þess og Theodór (held að hann hafi ekki þolinmæði í svona) ætlar að vera í partýi hjá mömmu og pabba á meðan ásamt rjómabollunni minni sem hann er líka spenntur fyrir.  Bara gaman!!  Segi ykkur frá þessu betur væntanlega á morgun.

Hinrik minn er allur að hressast þó svo það er ennþá mikið slím í honum en hann er farinn að borða einsog hann er vanur að gera og það skiptir miklu máli.  Sem sagt farinn að vakna 4x á nóttinni til að fá rjómann sinn, úúúfffhh!!  En hey hann er farinn að borða þannig mér er nákvæmlega sama.

Þuríður er ennþá hressari, sýnir svo miklar framfarir á hverjum degi.  Sjúkraþjálfinn átti varla til orð í fyrradag og þarf víst að leggja höfuðið í bleyti til að gera æfingarnar hennar ennþá erfiðari sem er bara gaman, hún leikur sér léttilega að þeim sem hún er að gera í dag.  VÁÁÁÁÁVVVHHH!!  Þvílíkt og annað eins kraftaverk þessi stúlka.  Stuðningsfulltrúinn hennar í skólanum hefur svo mikla trú á henni þannig hún ætlar að láta hana fara lesa, hmmmm hver hefði trúað því allavega ekki ég.  Líka ótrúlega þolinmóð gagnkvart Þuríði minni að hálfa væri miklu meir en nóg enda erum við þeim heppnustu hvað við fáum gott fólk í kringum okkur eða réttara sagt Þuríður mín sem skiptir mestu máli fyrir hana.

Mín annars byrjuð í ræktinni og tími til komin, get varla notað hendurnar er með svo miklar harðsperrur hehe.  Núna verður sko tekið á því og Hinrik minn að byrja í ungabarnasundi en veit samt ekki alveg hvort hann byrji á morgun einsog hann á að gera vegna slímsins í honum? ..og stelpurnar mínar byrja æfa fótbolta og við ætlum að keyra alla leið uppá Skaga, jebbs og fólk mikið "hneykslað" á því en vitiði það jú ég þekkir þær sem eru að þjálfa litlu krakkana þar, treysti þeim og þær þekkja alla sjúkrasögu Þuríðar minnar því ég nenni ekki að byrja á því að útskýra ALLT fyrir einhverjum nýjum betra að keyra aðeins lengra og bara byrja en ekki þurfa útskýra allt.  Orðin frekar þreytt á útskýringum.

Farin að sinna rjómabollunni minni og baka eitt stk bananabrauð.

Athugasemdir

[Björk töffari (IP-tala skráð) 1.4.2009 kl. 09:17]

Yndislegt að lesa að allir eru þokkalegir og að litli kútur er að jafna sig...já ræktin hummmmm ég er að spá í að fara að reyna aftur,en ertu í hreyfingu eða einhversstaðar annarsstaðar?Þuríður er löngu hætt að koma mér á óvart þar sem þessi stelpa er eitt allsherjar kraftaverk og ekkert sem stoppar hana og ég sendi þér knús sætasta hetjan mín.Vona að við getum hittst í næstu viku og að allir verði hressir og kátir...luv u

[4 barna mamman (IP-tala skráð) 1.4.2009 kl. 10:03]

Falleg færsla hjá þér Áslaug..ég var að lesa utan á mjólkurfernu í morgun og hugsaði í leiðinni til ykkar...  Þú gerir hlutina eins og þín sannfæring og þinn einstaki kærleikur segir þér að gera og  haltu því árfam, t.d. að keyra upp á Skaga skil þig vel og svo er líka svo gaman að syngja í bílnum.......enn að mjólkurfernunni :

Að vera ég er eins og að vera

sólin fyrir ofan fjöllin

Að vera ég er eins og að vera

skærasta stjarnan á himnum

Svo las ég næstu...og hugsaði ég til Þuríðar

Að vera ég er eins og að vera

rauðasta rósin í beðinu

Að vera ég er eins og að vera

fallegasti hesturinn í stóðinu

 Þið eruð yndisleg og alltaf jafn gott að koma hér við og lesa. Hlakka til að sjá drauminn rætast

Tendra ljós og fer með bænir til handa ykkur

með kærleiksknúsi 4 barna mamman

[Hólmfríður Bjarnadóttir, 1.4.2009 kl. 11:29]

Gott að allt gengur vel.

[Guðrún unnur þórsdóttir, 1.4.2009 kl. 19:46]

[Anna (IP-tala skráð) 1.4.2009 kl. 21:21]

Mann gæti grunað hvað fjölskyldan á í vændum.  Gott mál.

[Súsanna (IP-tala skráð) 1.4.2009 kl. 23:31]

Ertu nokkuð lengur að keyra upp á Skaga en vestur í bæ??? ;) hehe

Það er frábært að lesa hvað Þuríður er orðin hress og dugnaðarforkurinn sem hún er :D