Helgin framundan

Við fjölskyldan ætlum ásamt mjög stórum hópi að fara í útilegu um helgina, búin að panta svæði fyrir okkur í Húsafelli svo það mun vera endalaust gaman hjá okkur.  Alltaf gaman að fara í útilegu og stelpurnar að farast úr spenningi, ætluðu sko ekki að vilja fara í leikskólann í morgun því þær voru að fara sofa í tjaldi eheh  Þannig núna er mín á fullu að pakka fyrir familíuna, bara gaman!!

Já annars sáu þið í gær þá vorum við á fundi með læknateaminu okkar og væntanlega erfitt ár framundan hjá henni Þuríði minni og ég veit að það mun ö-a vera erfitt hjá mér líka bara öðruvísi erfitt.  Ég er sem sagt komin í vinnu næsta vetur og það er að sjá um börnin mín, vera uppá spítala, við vitum ekkert hvernig þetta mun fara í hana Þuríði mína og svo bara sjá um allt sem viðkemur börnum mínum þótt það verði ö-a mest Þuríður mín en maður reynir eftir bestu getu að sjá jafn mikið um hin.  Einsog hjúkkan hennar Þuríðar minnar sagði við mig "Áslaug þú getur gleymt skólanum næsta vetur og svo held ég að það sé bara best fyrir þig að koma með fjórða barnið" eheh jámm einmitt!!  Sko bara þannig mín fengi "laun" fyrir að vera heima en það er ekki alveg á næstu ára dagskrá, þannig núna get ég verið alveg snar útí hana Siv plebba Friðleifs.  Hvernig ætli hún myndi fara að ef hún þyrfti að vera heima í einhver ár með mjög veikt barn sitt án þess að fá laun?  Ég bara spyr?  Hvernig fara foreldrar að langveikra barna að?  Eiga allir svona góða að einsog við?  Býr það bara útí tjaldi í Laugardalnum og lifir á vatni og núðlum? 

Við höfum verið ótrúlega heppin með fólkið í kringum okkur hvað það hefur hjálpað okkur endalaust mikið, við höfum getað lifað "eðlilegu" fjölskyldulífi.  Fólk hefur hjálpað okkur að gera hluti sem við hefðum aldrei geta gert, sem við verðum endalaust þakklát fyrir.  Ég ætla nú ekkert að fara telja upp þessa hluti en þið eruð best og ég veit að ég get alltaf leitað til "ykkar".  Ég t.d. horfi aðdáendaraugum á gjöfina sem gömlu bekkjarfélagar Skara gáfu okkur í vor og hlakka mikið til að nota þetta gjafabréf en okkar tími kemur, fyrr en síðar!! 

Jæja ætli það sé ekki best að fara pakka fyrir útileguna frægu sem ég hlakka mikið til að fara í, brjálað stuð og brjálæðislega gaman

Eigið góða helgi!!

Athugasemdir

[Guðný (IP-tala skráð) 23.6.2006 kl. 12:41]

gaman að lesa þetta hjá þér... svo bara upp með sólglerugun og í stuttbuxurnar og sandalanna ... það er komið að geggjuðu helgarfríi...með sumri sól og tilheyrandi.. vííííii...góða ferð og góða skemmtun öll.

[Dísa (IP-tala skráð) 23.6.2006 kl. 16:16]

Eg er bara lesandi.. tekki ykkur ekki neitt. En eg man eftir henni Turidi af tvi ad eg var ad vinna nidri a barnaspitala.. En mig langadi bara ad segja ad mer finnst tid øll hetjur og alveg rosalega dugleg. Hun Turidur er einstakt barn og svo rosalega dugleg og falleg, eg bid tess heitt og innilega ad henni muni batna sem allra fyrst.
Bestu kvedjur...