Stutt í dag

Er algjörlega tóm í dag en fannst ég þurfa henda inn nokkrum línum. 

Við Skari vorum að ræða það í gærkveldi þegar hjón/pör lenda í svona aðstæðum einsog við eða eiga langveik börn þá höfum við næstum því bara heyrt að þessi pör skilji því þau höndla ekki álagið saman.  Þá vorum við líka að pæla en hvernig þola þau álagið "alein" það myndi ég aldrei nokkurn tíman geta gert, það besta í heimi er að hafa Skara minn mér við hlið í þessari baráttu og ég gæti ekki hugsað mér að vera ein.  Það myndi virkilega fara með mig þótt þetta álag sé að fara með mig en þá hef ég samt Skara minn til að hugga mig, knúsa, gráta með mér og tala um hlutina.  Þetta er skrýtið líf!!

Útí annað þá ætlum við ÖLL fjölskyldan að fara í leikhús á morgun á uppáhaldið á þessu heimili eða Skoppu og Skrítlu og stelpurnar bíða svakalega spenntar eftir að fá að fara, tala ekki um neitt annað.  Theodór fær að koma með líka en leikritið er fyrir 9mánaða og eldri þannig litli pungurinn okkar rétt sleppur yfir aldurstakmarkið eheh.  Verður bara gaman!!

Ætla láta þetta duga í bili, góða helgi allir saman og njótið helgarinnar.
Slauga og co

Athugasemdir

[Vigga (IP-tala skráð) 3.11.2006 kl. 10:41]

Þið hafið verið alveg ótrúlega sterk saman og þið eruð mjög heppin að hafa fundið hvort annað!!

Góða skemmtun í leikhúsinu það verður pottþétt alveg æðislega gaman að sjá uppáhaldið á sviði og það er alltaf svo gaman að sjá hve Þuríður gleðst yfir svona hlutum. Og ég er viss um að "kellan" hún Oddný Erla fer á kostum:)

Knús til ykkar allra.
Vigga

[Bára frænka (IP-tala skráð) 3.11.2006 kl. 11:38]

Hlakka svo til tónleikanna..
Langar að fara að sjá ykkur!

Eruð hetjur!;*

Bára Frænka..

[Anna Lilja (IP-tala skráð) 3.11.2006 kl. 16:34]

Góða skemmtun í leikhúsinu.
Þið standið ykkur ótrúlega vel í þessari erfiðu baráttu.
Knús
Anna Lilja

[Katrin Ösp (hans magna) (IP-tala skráð) 4.11.2006 kl. 09:59]

já því miður eru það alltof mörg pör sem þola ekki álagið, og staðreyndirnar tala sínu máli en það var gerð rannsókn á þessu í DK og 80-90 % para með börn sem eiga við fötlun eða veikindi að stríða hætta saman. Annað sem kom mér mjög á óvart var að 70 % para hætta saman innan við ár frá fæðingu fyrsta barns, þrátt fyrir að það sé \"heilbrigt\". Ótrúlegt! það var reyndar ekki tekið fram hvort eitthvað af þessum pörum tóku saman aftur. Þið eruð einstök:)

[Elsa NIelsen (IP-tala skráð) 4.11.2006 kl. 23:31]

Góða helgi kæra fjölskylda! Þið Óskar eruð ætluð saman!! ;)