Geta, ætla, skal

Ég vissi ekki að það væri nokkurn tíman hægt að líða svona illa einsog mér hefur liðið síðustu rúmar tvær vikur og ég vissi ekki heldur að nokkurn tíman gæti ég grátið jafn mikið. 

Þuríður mín hefur verið mjög slöpp síðustu daga, hún þarf að mjög mikið að sofa og orkar ekki mikið að gera eitthvað að ráði.  Finnst mjög erfitt að sjá hana svona, jú hún hefur oft áður verið svona en þá hafa helstu ástæðurnar verið að hún er að fá of stóra skammta af flogalyfjunum sínum en þannig er það ekki núna.  Æjhi ég er eithvað svo hrædd núna að sjá hana svona, hjartað mitt er gjörsamlega kramið. 

Ég get mjög lítið einbeitt mér að gera eitthvað annað en að hugsa um hana og framtíðina, ótrúlega sárar hugsanir.  Ég veit samt að hún Þuríður mín er kraftakerling og hún getur, ætlar sér og skal vinna sér úr þessum veikindum.  Ég ætla mér að grenja úr mér augun við Lindu frænku og fá hana til að elta Þuríði mína í þann skóla sem hún mun fara í í framtíðinni og vera henni til stuðnings, þá veistu það Linda mín þú færð ekkert um það ráðið ehe.  Eða ég læt bara Þuríði mína horfa í augun hennar þá bræðir hún hana pottþétt og það verður ekki hægt að neita.

Ég hef mikið verið að hugsa hvað ég get gert til að reyna lyfta mér eitthvað upp en ég get bara ekki fundið neitt, finnst ekki neitt geta lyft mér eitthvað upp að ráði.

Oddný Erla mín er búin að vera ómögleg hérna heima eiginlega síðan við fengum þessar hræðilegu fréttir þannig núna leyfði ég henni að eiga mömmu sína "eina", fékk að vera heima í dag og langar að fara í kringluna að skoða hálsmen og armband og að sjálfsögðu ætla ég að fara með hana þangað og reyna lyfta henni aðeins upp.  Hún passar vel uppá mig, ég má ekki halda á neinum nema henni og ef hún sér mig gráta sem gerist kanski aðeins of oft þá er hún ekki lengi að koma og knúsa mig og ég þarf nú ekki að biðja hana um það.  Yndislegust!!  Ef hún væri sirka átta árum eldri hefði ég hringt í Dísu skvísu í London og pantað gistingu fyrir okkur og farið í smá verslunarferð með hana en stúlkan er nú bara tveggja þannig við bíðum aðeins með svoleiðis ferð ehe.  Þótt ég viti alveg að hún Oddný mín elski að vera í búðum, skoða glingur og föt, þegar við förum í búðir þá þarf hún alltaf að skoða allar flíkur sem verða í vegi hennar(en hún er bara tveggja).  Mjög gaman að fylgjast með!!

Ég á eiginlega ekki til aukatekið orð hvað tónleikarnir hafa fengið mikil viðbrögð, ég hef frétt að þeir eru auglýstir útum allt á netið og það er alveg sama á hvaða síðu ég fer inná svona án gríns þá eru þeir auglýstir þar.  Oh mæ!!

Best að fara hringja nokkur læknasímtöl......

Athugasemdir

[María Valdimarsdóttir (IP-tala skráð) 2.11.2006 kl. 09:22]

Já það er erfitt að horfa uppá barnið sitt veikjast meira og meira án þess að geta nokkuð gert, ætli það sé ekki það versta sem maður lendir í. Ég skil svo vel að ykkur líði illa. Hún Þuríður (og hinir gríslingarnir) eru svo sannarlega heppin að eiga jafn yndislega foreldra og þið eruð. Sendi hlýja strauma og hugsanir ásamt bænum sem vonandi koma að einhverju gagni. Kveðja frá Stykkishólmi.

[Guðrún Bergmann og co. (IP-tala skráð) 2.11.2006 kl. 09:34]

Elsku Áslaug og stór fjölskylda
Ég hugsa mikið til ykkar og reyni að senda stórt búnt af orku og bjartsýni vona að eitthvað af henni skilist.
En Þuríður Arna hefur greinilega valið sér rétta foreldra þið standið ykkur eins og hetjur og við munum halda áfram að biðja fyrir ykkur.
Guð veri með ykkur.
Baráttukveðjur
Guðrún Bergmann,Anney Birta og co.

[katrín (IP-tala skráð) 2.11.2006 kl. 10:31]

vonandi mæta margir á tónleikana:*

[Magga K (IP-tala skráð) 2.11.2006 kl. 12:58]

Hæhæ

Það eru nokkrir hérna í vinnunni minn sem hafa fengið tölvupóst um tónleika og þessi tölvupóstur gengur manna á milli. Ég hef nú bara nokkrar áhyggjur hvort það sé pláss fyri alla sem ættla að koma!!!

Hlakka til að koma á tónleikana
luv Magga K

p.s. góða skemmtun á laugardaginn, vildi að ég kæmist með ykkur

[Arnar (IP-tala skráð) 2.11.2006 kl. 13:06]

Kemst því miður ekki á tónleikana, en hef millifært andvirði miðans á reikning ykkar og sendi ykkur og sérstaklega litlu dömunni baráttukveðjur.
Mæli með að fleiri geri þetta sem ekki komast á tónleikana sleppum bara einni bíóferð og hjálpum þessu baráttufólki.

Kveðja

[Bára frænka (IP-tala skráð) 2.11.2006 kl. 13:10]

Hæhæ, Ég hlakka mikið mikið til tónleikanna gaman gaman:D:D

Hlakka voða til að sjá ykkur og knúsa ykkur svo fast!.. Ferðin mín til ykkar, klikkaði algjörlega.. en ég fylgist alltaf með ykkur..!.. Elsku Óskar og Áslaug, haldiði áfram að vera svona sterk og æðisleg.. Þið eruð gullmolar!..;*

Ætlaði líka að skjóta inn.. að ég gerði rosaflotta færslu um þessa tónleika! http://blog.central.is/vitvelin endilega kíkið á hana og kommentið!;)

Sé ykkur fljótlega!;*

[Jói (IP-tala skráð) 2.11.2006 kl. 15:36]

Þetta er afskaplega sárt að lesa um Áslaug. Ég vona innilega að þetta fari allt betur en á horfist.

[Bebba (IP-tala skráð) 2.11.2006 kl. 16:59]

Sæl kæra fjölskylda.
Ég veit ekki hvað ég á að skrifa, þrátt fyrir að hafa lesið sjálf mörgþúsund baráttukveðja til okkar.

Ég hef oft dáðst, og dáist enn, að stelpunni ykkar jafnt sem ykkur því þið eruð búin að standa ykkur ótrúlega vel í þessari erfiðu og löngu baráttu.
Ég sá ykkur nokkrum sinnum uppi á spítala en þorði ekki að heilsa ef þið þekktuð mig ekki :) Þið eigið ótrúlega falleg börn og megið svo sannarlega vera stolt af hetjunni ykkar.

Ef ykkur langar til að spjalla þá getiði sent mér meil. Dóttir mín veiktist þegar hún var 7 mánaða og kom aldrei til baka þrátt fyrir að hafa þraukað í 9 mánuði til viðbótar.
Reynsla okkar er auðvitað mjög ólík, en að mörgu leiti er hún samt lík.

Gangi ykkur ótrúlega vel kæra fjölskylda.
Hikið ekki við að hafa samband ef þið hafið áhuga...

Kveðja, Bebba.

[Sólrún Ásta (IP-tala skráð) 2.11.2006 kl. 22:10]

Kæra fjölskylda!!
Það er hræðilegt að þurfa að horfa upp á litlu frænku sína þurfa að ganga í gegnum svona hræðilega hluti. Maður hugsar um það hvað það er óréttlátt fyrir lítið barn sem veit ekkert af hverju því líður svona. En ég veit að Guð mun koma inn í aðstæður ykkar, hann er að vinna í ykkur núna. Ég er búin að biðja mikið fyrir ykkur og læt fleiri biðja sem ég þekki. Ég er búin að setja Þuríði Örnu sem fast bænarefni á Lindinni (kristileg útvarpsstöð) www.lindin.is og þar er beðið fyrir henni 3 sinnum á dag þar sem margir kristnir eru að hlusta og biðja með.
Ég trúi því að Jesús muni lækna Þuríði Örnu. Hann hefur sjálfur sagt að hann muni taka sjúkdóma okkar á sig.
Ég kemst því miður ekki á tónleikana á miðvikudaginn en er búin að leggja inn á reikninginn hennar Þuríðar í staðinn.
Gangi ykkur allt í haginn og Guð veri með ykkur og styrki á þessum erfiða tíma.
Kær kveðja,
Sólrún Ásta Haraldsdóttir.

[Linda og strákarnir (IP-tala skráð) 3.11.2006 kl. 08:24]

Elsku Áslaug mín þú veist að ég mun gera allt sem ég get fyrir hana Þuríði mína. Það var ekkert smá gaman að hitta hana í gær, hún tekur alltaf svo vel á móti okkur. Knús og kossar.
Linda

[adda (IP-tala skráð) 3.11.2006 kl. 08:46]

hugsa til ykkar elskurnar.þið eruð hetjurnar mínar