Jan'07

Þessi mynd var tekin af hetjunni minni í janúar'07 og þarna erum við stödd á Flórída.  Í þá ferð var okkur boðið (af ættingjum) og við í kapp við tímann að búa til sem flestar minningar því okkar læknar búnir að segja við okkur að hún ætti bara nokkra mánuði ólifaða.  Þuríður mín er þarna orðin mjög veik, nýkomin úr fyrri geislameðferð sinni og krampandi endalaust sem hún hætti að gera í ca mars'07.  Læknarnir segja að ástæðan fyrir því er að geislarnir hittu nákvæmlega á rétta staðinn.

Þessi er af hetjunni minni í jan'08 og þvílíkar breytingar á stúlkunni minni.

Þuríður mín er hress og kát í dag, við erum alveg meðvituð um það að þetta getur alltaf tekið sig upp aftur og erum líka þakklát fyrir hvern dag sem við fáum.

Af öðru en þá verða saumarnir teknir úr honum Theodóri mínum í dag og þegar ég tilkynnti honum það í gær þá heyrist í mínum "yesss þá get ég farið að slást aftur" hehehe, ótrúlegur þessi gaur. Hann "græddi" markmannshanska í fyrra dag og að sjálfsögðu tók hann systur sínar beint útí fótbolta en það leið ekki langur tími þegar minn maður kemur frekar fúll inn því það vantaði dómara í leikinn hehheh.

Hinrik minn er orðinn mikill skriðdreki, elskar að róta í dvd-skápnum og kúra í mömmukoti.  Honum finnst heldur ekki leiðinlegt að fá að "hanga" með krökkunum inní herbergi og verður frekar fúll þegar honum er hent út.  Hann er samt sá allra rólegasti sem ég hef kynnst, fólk trúir því oft ekki hvað drengurinn er rólegur.

Oddný Erla mín er á fullu í fimleikunum 3x í viku einn og hálfan tíma í senn og eeeeelskar það.  Skilur reyndar oft ekki í því afhverju hún er með verki hér og þar en þá er hún "bara" með strengi eftir æfingarnar enda næstum því bara komin í atvinnumennskuæfingar þar að segja af 5 ára barni.  Hún er nánast farin að lesa, henni og Theodóri finnst alveg geðveikt að fá að læra með Þuríði þar að segja þegar hún er að æfa sig að lesa og oft kitlar í puttana hjá Oddnýju þegar Þuríður getur ekki e-ð þá langar henni svo að segja hvað stendur heheh.

Annars ætlum við Skari að senda börnin í pössun ALLA helgina og njóta þess bara að vera ein heima, hmmm hvað getum við gert?  Hlakka mikið til helgarinnar!  Langar nefnilega að gera e-ð annað um helgina en "bara" læra.  En núna er Hinrik minn farinn að kalla á knús...

Athugasemdir

[Kristín (IP-tala skráð) 23.9.2009 kl. 17:54]

[Aprílrós, 23.9.2009 kl. 20:18]

[Hólmfríður Bjarnadóttir, 23.9.2009 kl. 23:32]

Já það er oft holt að líta til baka og skoða hvað hefur áunnist. Og það er ekki svo lítið á ykkar bæ. Njótið helgarinnar

[Dagrún (IP-tala skráð) 25.9.2009 kl. 09:04]

Góða helgi kæra fjölskylda

[Karitas Ósk (IP-tala skráð) 25.9.2009 kl. 13:45]

Passar ekki einmitt að skella í einn nýjan fjölskyldu meðlim um helgina til að halda við tveggja ára reglunni?

[Þorgerður (IP-tala skráð) 25.9.2009 kl. 16:40]

Njótið helgarinnar kæru hjón-Kveðja Þorgerður.