Fallega hetjan mín

Þuríður Arna mín er alveg að meikaða þessa dagana, er ofsalega hamingjusöm og kát.  Hún var að byrja í fimleikum og finnst það ÆÐI.  Er að byrja í sjúkraþjálfun á hestum sem hún getur ekki beðið eftir og svo skólinn að sjálfsögðu á fullu hjá henni.  Við vorum reyndar að fá útur hreyfiþroskaprófinu hennar sem kom ekkert sérlega vel út, engar framfarir síðan fyrir ári síðan en hey við erum samt að sjá framfarir í öllu hjá henni.  Hún er orðin SNILLINGUR að lesa, teiknar rosalega fallega og hvað þá skriftin hennar sem varð að meistaraverki eftir að hún fékk gleraugun sín.  Hún er alltaf að æfa sig og er orðin vel meðvituð um það að hún getur ekki alla hluti sem jafnaldrar hennar geta en það er auka atriði því hún kann marga aðra hluti sem þau kunna ekki.  Hún er bara snillingur í öllu sem hún tekur að sér.

Athugasemdir

[Sólveig (IP-tala skráð) 12.1.2010 kl. 15:11]

Ég er hjartanlega sammála, hún Þuríður Arna veit og kann svo miklu meira en hennar jafnaldrar, kannski því miður.

En það hefur gert hana að því sem hún er í dag fallegu kraftaverki.  Og það að hún nýtur lífsins en bara FRÁBÆRT fyrir hana og ykkur.

Sendi kærleikskveðju í húsið.

frá Sólveigu

[Hólmfríður Bjarnadóttir, 12.1.2010 kl. 15:36]

Mikið er þetta falleg mynd af stúlkunni. Henni er svo sannarlega að fara fram og það á svoo mörgum sviðum. Það er sko ekki einfalt mál að setja allan pakkann á fullt, þegar búið er að trufla stjórnkerfið á svo margan hátt. Þekki það svolítið sjálf. Ég verð að horfa á hluti sem ég held á svo ég halli þeim ekki og þá geri ég það bara, ekki flókið.

Kærleikskveðjur      

[Þórhildur Daðadóttir, 12.1.2010 kl. 22:26]

Æ, hvað þetta er sæt mynd. Og gott að allt gengur vel, þó það mælist ekki framfarir hljóta þær samt að koma. Góðir hlutir gerast hægt

Knús í klemm á hetjuna og alla hina

    

[Þorgerður (IP-tala skráð) 13.1.2010 kl. 14:41]

Gullfalleg dama og hörkudugleg.  Kveðja og knús frá Þorgerði.

[Bergljót Hreinsdóttir, 14.1.2010 kl. 22:06]

Yndisleg stelpa sem á eftir að spjara sig í framtíðinni...með þrautsegju og þolinmæði er allt hægt