:(

Ástandið á Maístjörnunni minni er ekkert svakalega gott en hún vaknaði í morgun með mikinn hita og liggur algjörlega fyrir.  Hún krampar á hverjum degi og kramparnir eru oftast orðnir tveir á dag svo þeir eru að aukast hægt og rólega.  ENN það var samt svo gaman að sjá hana í gær, undanfarnar vikur hefur hún verið að fara inní fataskápinn til þess að máta hinar og þessar flíkur því henni langar svo að klæðast í "venjuleg" föt.  Fyrir ca þremur vikum kom hún ekki gallabuxunum sínum uppfyrir mjaðmir en svo ákvað mín að máta þær aftur í gær og viti menn hún komst í þær og við höfðum að hneppa og hún lét sig svo hafa það að vera í þeim yfir daginn þó svo þröngt hefði verið um magann.  Það var alveg yndislega gaman að sjá hana í gallabuxum sem hún hefur ekki geta klæðst í síðan í desember þannig núna fer að líða að því að hún fari að geta klæðst jólagjöfunum sínum sem miðarnir hanga ennþá á.  BARA GAMAN!!  ...sterarnir þvílíkt að leka af henni.  En ég er samt ofsalega hræddum ef stúlkan heldur áfram að vera með mikin hita og svona lasin þá þurfi að fara stækka steraskammtinn aftur en það eru bara fjórir dagar þanga til það á að taka þá alveg út.   Ég er svo hrikalega stressuð bara fyrir hönd Maístjörnu minnar sem gæti ekki verið spenntari að fara klæðast jólagjöfunum sínum og fá svo eitthvað nýtt gellulegt fyrir sumarið.

Ég var annars fárveik um helgina ég sem verð ALDREI lasin og veit ekki hvað það er.  Eiginmaðurinn að vinna um helgina og Blómarósin mín að keppa svo ég varð að bíta í það súra epli að missa af móti Blómarósar minnar sem mér fannst hrikalega erfitt og svo hringja í múttu og biðja hana að taka eitthvað af krökkunum þar sem ég gat enganveginn synt þeim.  Þannig helgin var ekkert rosalega skemmtilegt hjá mér en ég er öll að koma til sem betur fer svo ég er 100% hæf að sinna Maístjörnunni minni.

Hérna er Blómarósin frá því í gær (sunnudag), hrikalega flott einsog alltaf. Hún var að sjálfsögðu tekin upp fyrir mig á video svo ég ætla að horfa á hana núna í tv-íinu.

Annars er hún að taka þátt í teiknimyndasamkeppni Stellu McCartney einsog ég sagði ykkur frá í færslunni hér á undan, þar er hún komin í þriðja sæti ef ykkur langar að gefa henni atkvæði klikkið þá hlekinn hérna og gerið "like" og svo klikki þið á "love it" sem er hægra megin við myndina hennar.  Þúsund þakkir.  http://contest.stellamccartneykids.com/littleproject/participation.php?id=418

Athugasemdir

[Hólmfríður Bjarnadóttir, 28.3.2011 kl. 12:26]

Sendi ykkur orku og batabænir

[Sólveig (IP-tala skráð) 28.3.2011 kl. 14:33]

Úbbbs, ALLS EKKI gott að heyra, en gott að heyra að þú tókst þó bara helgina í að vera lasin. 4ra barna mömmur eiga nefnilega ansi erfitt með að vera lasnar jafnvel þó stóri hópurinn sé hress.

Þú ert eins og alltaf hetja hetjanna.

Risaknús í hús

frá Sólveigu

[gþ (IP-tala skráð) 28.3.2011 kl. 16:52]

þú ert snillingur að sjá það  jákvæða í lífinu, innanum allt það erfiða, þar á ég við þegar þú segir ENN og einnig BARA GAMAN . Blómarósin gullfalleg, og Stjarnan lýsir upp skammdegið.

Kv gþ

[Sólveig Jónsdóttir (IP-tala skráð) 29.3.2011 kl. 09:37]

Blómarósin búin að fá mitt atkvæði, þó það nú væri.

Duglega fólk, risa knús á ykkur og batakveðjur.