Niðurstöður

Kl 11:15 vorum við komin uppá Barnaspítala til að hitta sérfræðinginn og doktor Jón, doktor Jón tekur á móti okkur og það fyrsta sem hann spyr um "hvar er Þuríður?".  Nei við ákváðum ekki að taka hana með því við vissum EKKERT hverju við áttum von á.  Þegar við mætum í "stofuna" tekur sérfræðingurinn á móti okkur og inn koma þrír aðrir krabbalæknar, þið getið ekki ímyndað ykkur hvað hjartað fór að slá hratt þegar ég sá þá alla koma inn en það getur bara boðað EITT  hugsaði ég þegar þeir eru allir saman mættir.  Erfiðar fréttir! 

Sérfræðingurinn spyr um líðan Maístjörnunnar sem er ekki búin að vera sérlega góð undanfarnar vikur, lítil sem engin næring, mikil þreyta, hausverkur og svo lengi mætti telja og útaf þeirri líðan þá vorum við ennþá stressaðri fyrir niðurstöðunum.  Ég átti erfitt með halda haus á meðan við ræddum líðan hennar, var við það að fara æla, mig langaði mest bara að hlaupa út og öskra úr mér lungun því ég var svo hrædd við niðurstöðurnar.

Svo byrjar sérfræðingurinn að tjá sig "Bjúg hafa minnkað mjög mikið og sjálft æxlið hefur minnkað umtalsvert". Semsagt FRÁBÆRAR FRÉTTIR! Krabbalæknarnir hafa bara allir viljað vera viðstaddir svona góðar fréttir.  Markmiðið með geislameðferðinni í Svíþjóð fyrir tæpu ári síðan var að stöðva vöxt æxlisins og áttu læknarnir ekki von á því að það yrði minnkun í kjölfarið. Það má því segja að meðferðin hafi gert betur en til var ætlast og fullyrða læknarnir nú að æxlið sé dautt og að Þuríður hafi svo sannarlega unnið þessa orrustu.  Á þessari stundu brotnaði eiginmaðurinn niður af HAMINGJU, ég reyndi að herða mig sem var ofsalega erfitt, maður er alltaf að reyna vera harðari en maður er enda er ég búin að vera ofur viðkvæm síðustu vikur vegna hræðslu en tárin mín runnu samt niður AF GLEÐI, loksins græt ég gleði tárum.  Vávh hvað ég hef saknað svona stundar, ég hef þráð þessa stund í heilt ár og LOKSINS kom að henni.  Enda VEIT ég að kraftaverka Maístjarnan mín mun vinna allar sínar orrustur alveg sama hvursu margar þær verða, þá mun hún vinna þær.  Nei þetta verður aldrei búið, þetta er bara þannig tegund að æxlin geta alltaf "poppað" upp aftur og aftur en þessa orrusta er UNNIN.  Sumarið er komið!!

Ég er gjörsamlega bólgin í augunum af GLEÐI, er búin að gráta svo mikið.  Hitti foreldra mína áðan og þar var grátið, annar bróðir minn hringdi í mig og ég gat varla sagt orð því ég grét svo mikið af GLEÐI.  Þetta er alveg yndislegt og svo núna sit ég og skála við sjálfan mig í kók, átti það svo sannarlega SKILIÐ.  Að sjálfsögðu munum við halda uppá þetta um helgina á Páli Óskari og sinfó. 

Ég veit varla hvernig ég á að haga mér, en þetta voru BESTU frétti sem við gátum fengið.  Jú Maístjarnan mín getur verið að kljást við allskonar aukaverkanir vegna sterana sem hún er reyndar að gera en HEY það er nú lítil kökusneið miða við allt sem undan hefur gengið svo hún taka það með STÆL. 

Eigið góða helgi, við ÆTLUM svo sannarlega að njóta hennar.  SKÁL í kók!!

Athugasemdir

[Erla (IP-tala skráð) 10.6.2011 kl. 14:01]

Ég sit hér með tárin í augunum af gleði. Gleðilegt sumar kæra fjölskylda og hafið það gott öll sömul.

[Þórey (IP-tala skráð) 10.6.2011 kl. 14:02]

Til hamingju! Þetta er æðislegt.

[Harpa (IP-tala skráð) 10.6.2011 kl. 14:02]

En yndislegar fréttar, innilega til hamingju :) Kv Harpa (ókunnug)

[Sirrý (IP-tala skráð) 10.6.2011 kl. 14:04]

Ég hef ekki drukkið kók í 11 ár en það liggur við að ég bruni út í búð og kaupi mér eina litla í gleri og skáli við þig....svo æðislegt er tilefnið!

Framtíðin er björt fyrir hetjuna ykkar og ykkur fjölskyldan...sem er ekkert minna mögnuð en maístjarnan :)

[Helga (IP-tala skráð) 10.6.2011 kl. 14:05]

....og hér sit ég og græt af gleði :-) 

Mikið er ég glöð, þetta eru einu fréttirnar sem þið áttuð skilið eftir alla þessa baráttu.  Kraftaverk eru sífellt að gerast og það er alveg á hreinu að hún Þuríður Arna er kraftaverkakona.

Nú er bara að njóta sumarsins.  Ég vona að maður fái aðeins að fylgjast með ykkur en ég skil það líka ef þú vilt taka þér frí frá bogginu og njóta sumarsins í botn.

 Gleðilegt sumar - Helga

[Guðrún ( boston ) (IP-tala skráð) 10.6.2011 kl. 14:06]

skál í botn í kókinu og bara til lukku með þessar góðu fréttir, samgleðst innilega með ykkur þó svo ég þekki ykkur ekki neitt....

[Þórunn Katla (IP-tala skráð) 10.6.2011 kl. 14:07]

ég sit hérna með tárin í augunum, gleðitár :) ég veit ekki hvað ég á að segja nema, YNDISLEGT :)

[Maja (IP-tala skráð) 10.6.2011 kl. 14:07]

Glæsilegt innilega til hamingju

[Ingibjörg('okunnug) (IP-tala skráð) 10.6.2011 kl. 14:12]

Til hamingju;) þetta eru æðislegar fréttir.

[Mamma útí bæ sem fylgist með og sendir styrk (IP-tala skráð) 10.6.2011 kl. 14:13]

Til hamingju! Frábært, æðislegt, meiriháttar, klikkaðslega stórkostlega yndislegt. Njótið lífsins flotta fjölskylda.

Mamma útí bæ og fjölskyldan hennar

[Erna Káramamma (IP-tala skráð) 10.6.2011 kl. 14:13]

Elsku fjölskylda,  Græt af gleði með ykkur....til hamingju með daginn

[Vigdís (IP-tala skráð) 10.6.2011 kl. 14:13]

Yndislegustu fréttir í heimi, innilega til hamingju!!! Það var sko kominn tími á góðar fréttir. Ég, sem aldrei hef hitt ykkur, tárast af gleði, svo ég get rétt ímyndað mér hvernig ykkur líður.

Njótið sumarsins og samverunnar í botn:-))))

[Þórey Arna (IP-tala skráð) 10.6.2011 kl. 14:18]

Almáttugur Áslaug hvað ég er glöð að lesa þetta og tárin mín streyma líka. Knús, knús, knús, knús og smá meira knús!!!

[Erna Káramamma (IP-tala skráð) 10.6.2011 kl. 14:20]

Elsku fjölsylda, Ég græt með ykkur af gleði. Til hamingju með lífið!

[Berglind Guðmundsdóttir (IP-tala skráð) 10.6.2011 kl. 14:23]

En yndislegt :)  Njótið hekgarinnar og sumarsins :)

[Berglind í berginu (IP-tala skráð) 10.6.2011 kl. 14:25]

Vá vá vá.....þetta eru frábærar fréttir. Ég er nú bara með kökk í hálsinum af gleði....Innilega til hamingju kæra fjölskylda

 kv frá okkur í Vesturbergi

[Sigrún (IP-tala skráð) 10.6.2011 kl. 14:30]

Hamingjuóskir duglega fjölskylda! Ég græt gleðitárum með ykkur eins og örugglega 99% þeirra sem lesa þetta blogg. Frábærar fréttir!

[Lilja (ókunnug) (IP-tala skráð) 10.6.2011 kl. 14:31]

Ég sit bara hérna og tárast af gleði fyrir ykkar hönd, þekki ykkur ekkert nema að mér finnst ég þekkja ykkur vel í gegnum þessa síðu.

Frábærar fréttir!!!! Njótið sumarsins í botn :)

[Helga (IP-tala skráð) 10.6.2011 kl. 14:32]

Búin að fylgjast með lengi en aldrei skrifað. Vildi bara óska ykkur til hamingju með þessar frábæru fréttir. Njótið tónleikana.

[Sigríður (IP-tala skráð) 10.6.2011 kl. 14:32]

TIL HAMINJGU KÆRA FJÖLSKYLDA.

Ég er búin að kíkja stanslaust á síðuna síðan í gær og var farin að halda að fréttirnar væru slæmar..en boy oh boy þetta eru frábærar fréttir sem þig fenguð og þið eigið það svo sannarlega skilið öll.

Njótið sumarsins og framtíðarinnar.

Bestu kveðjur

Sigríður

[Hrafnhildur Ýr (IP-tala skráð) 10.6.2011 kl. 14:33]

Þetta eru frábærar fréttir.  Sit hérna með tárin í augunum eftir að hafa lesið þetta. Þuríður og þið öll eruð algjörar hetjur og eigið svo sannarlega skilið að eiga góða tíma fram undan.

Njótið helgarinnar og Páls Óskars í botn á morgun.

P.s. Þið getið tekið litla stubbinn með ykkur á tónleikana, ef þið viljið, því það má sitja undir 3 ára og yngri.  Alla vega mátti ég gera það þegar ég var að kaupa í miðasölunni í vor.

[Elín Helga (ókunnug) (IP-tala skráð) 10.6.2011 kl. 14:38]

Já vá æðislegar fréttir :) Ég er búin að fella nokkur tár við lesturinn, get vel skilið að þú sért bólgin í augunum. Njótið sumarsins :)

[Björg Magnúsdóttir (IP-tala skráð) 10.6.2011 kl. 14:38]

Frábærar fréttir, það má gráta, eigið góða helgi og alla daga

[Ásta (IP-tala skráð) 10.6.2011 kl. 14:38]

Vá.... Innilega til hamingju ég fékk bara tár í augun þekki ykkur ekkert en hef fylgst með ykkur lengi.  Þið eruð öll HETJUR  !!!

Njótið sumarsins öll saman :-) 

[Steinunn(ókunnug) (IP-tala skráð) 10.6.2011 kl. 14:45]

Frábærar fréttir. Njótið sumarsins.

[Hildur (IP-tala skráð) 10.6.2011 kl. 14:47]

Bestu fréttir ever! Til hamingju með þennan áfanga! :)

[Júlíana (IP-tala skráð) 10.6.2011 kl. 14:48]

Innilega til hamingju með þessar góðu fréttir þið áttuð þær sannarlega skilið.

[Kristín (IP-tala skráð) 10.6.2011 kl. 14:49]

Sit hér með tárin og kökkinn og allt, átti pepsi max og skála, til hamingju, til hamingju elsku fjölskylda.

[Linda (IP-tala skráð) 10.6.2011 kl. 14:50]

Frábærar fréttir :) Gangi ykkur vel og skemmtið ykkur stórvel á Palla og sinfó.

[Sissa (IP-tala skráð) 10.6.2011 kl. 14:52]

Yndislegar fréttir!!!

[sigga gulludóttir (IP-tala skráð) 10.6.2011 kl. 14:53]

SKÁL :) Svo sannarlega skál, trúin flytur fjöll og þið eruð búin að sanna það.

Skál í kók, gleðilegt sumar og góða helgi :)

[Edda (IP-tala skráð) 10.6.2011 kl. 14:54]

Stórkostlegar fréttir - innilega til hamingju!

[gþ (IP-tala skráð) 10.6.2011 kl. 14:55]

Hér sit ég og græt gleðitárum eins og allur heimurinn.

kv gþ

[Sveinbjörg M., 10.6.2011 kl. 15:00]

YNDISLEGT, YNDISLEGT OG AFTUR YNDISLEGT!!!

Búin að vera hugsa mikið til ykkar yndislega fjölskylda og hetjunnar. Vá, gleðitárin renna bara stríðum straumum og gæsahúðin með.

Njótið ykkar í botn og hafið það sem frábærast og góða skemmtun á Palla, hann er náttúrulega bara æði

Knús, Sveinbjörg (Óskars og Sigrúnar Birtu frænka)

[Flower, 10.6.2011 kl. 15:03]

En hvað þetta eru frábærar fréttir, samgleðst ykkur

[Unnur Ylfa (IP-tala skráð) 10.6.2011 kl. 15:04]

Innilega til hamingju með þessar stórkostlegu fréttir kæra fjölskylda. Ég man bara varla eftir að hafa fengið jafn góðar fréttir eins og þessar. Maður bara grætur af gleði.

Eigið rosalega góða helgi og loksins kemur sumarið :)

Knús á ykkur öll.

Kv.
Unnur Ylfa

[Svandís Rós Þuríðardóttir (IP-tala skráð) 10.6.2011 kl. 15:06]

ÆÐISLEGT... FRÁBÆRT... LOKSINS!

Þið eruð hetjur öll saman! Njótið helgarinnar og sumarsins!

[Kristín Vald (IP-tala skráð) 10.6.2011 kl. 15:09]

Yndislegar yndislegar fréttir kæra fjölskylda.  Sit hér með tárin í augunum af gleði :-)

 Njótið nú dagsins og sumarsins :-)

[Steina (IP-tala skráð) 10.6.2011 kl. 15:09]

Yndislegt,ég sit hér með tárin í augunum þó að ég þekki ykkur ekki neitt:)

[Sigríður K Dagbjartsdóttir - ókunnug (IP-tala skráð) 10.6.2011 kl. 15:12]

Elskurnar hvað þetta var fráááábært  ég varð að lesa með hléum sá ekkert fyrir tárum hvað þá þið - TIL HAMINGJU DUGLEGA FJÖLSK-  þetta er bara yndislegt :) njótið ykkar í Hörpunni hjá Palla og Sinfó .. Kærleikskveðjur ykkur til handa ,þið verðið áfram i bænum mínum .

[Hófí (ókunnug) (IP-tala skráð) 10.6.2011 kl. 15:17]

Yndislegt að heyra :-) Ég er búin að fylgjast með ykkur frá upphafi og finnst, þó ég hafi aldrei hitt ykkur, ég þekkja ykkur betur en suma mér nákomna :-) Njótið sumarsins í botn!

[Sigrún og co (IP-tala skráð) 10.6.2011 kl. 15:19]

Elsku "þið öll"
ég sit hér og get ekki annað en grátið af gleði fyrir ykkar hönd - svo óumræðanlega góðar fréttir
Svo óeigingjarnt af þér elsku Áslaug að leyfa ókunnugum að fylgjast með baráttunni og maður getur ekki annað en vera með í tilfinningarsveiflunum sem þessari baráttu fylgir.
Ég bið og vona að sumarið verði ykkur sem allra best

Baráttu-gleði-kærleiksknús á línuna :)

[Elísabet (IP-tala skráð) 10.6.2011 kl. 15:23]

Frábærar fréttir, innilega til hamingju!

[Inga María, 10.6.2011 kl. 15:24]

skál í hamingju...frábært!

[Hrönn. (IP-tala skráð) 10.6.2011 kl. 15:25]

Dásamlegar fréttir!! Innilega til hamingju flotta fjölskylda.

[Ása (IP-tala skráð) 10.6.2011 kl. 15:32]

Elsku fjölskylda mikið er ég hamingjusöm fyrir ykkar hönd, búin að hugsa svo mikið til ykkar undanfarna daga. Nú má sumarið koma :) Gleðilegt sumar.

kv Ása

[Auður Lísa (IP-tala skráð) 10.6.2011 kl. 15:37]

Yndislegar fréttir :) til hamingju með þennan frábæra sigur

[Edda Björk (IP-tala skráð) 10.6.2011 kl. 15:38]

En yndislegar fréttir :-) Sit hérna með gleðitár í augunum ..... Innilega til hamingju. Njótið sumarsins í botn og njótið þess að fara á Palla og sinfó. Þið verðið sko ekki svikin - fór á miðvikudaginn og það var ÆÐI.

Til lukku ...gleði gleði

kveðja Edda sem þekkir ykkur ekkert en er samt svo glöð fyrir ykkar hönd :-) jibbíí jejjjjj

[Jóna (ókunnug) (IP-tala skráð) 10.6.2011 kl. 15:38]

Mikið var gaman að lesa þessa færslu hjá þér Áslaug.  Tárin fengu að renna ofan í kókglasið við lesturinn. 

Góða skemmtun á tónleikunum og gleðilegt sumar

[Kolbrún Helga (IP-tala skráð) 10.6.2011 kl. 15:39]

Frábært að heyra! Er búin að fara inná síðuna nokkrum sinnum í dag að bíða eftir fréttum og loxins eru þær nú góðar! Táraðist við lesturinn, af gleði að sjálfsögðu!

Innilega til hamingju með þetta!

[Nanna Þórisdóttir (IP-tala skráð) 10.6.2011 kl. 15:39]

Innilega til hamingju með sigurinn í þessari orrustu duglegu foreldrar. Bara frábært, er með tárinn í augunum af gleði fyrir ykkar hönd.

Kær kveðja

Ein sem fylgis alltaf með hetjunni og familý

[Þorbjörg (IP-tala skráð) 10.6.2011 kl. 15:42]

Til hamingju með þessar frábæru fréttir! og góða skemmtun á palla

[Birna Einarsdóttir (IP-tala skráð) 10.6.2011 kl. 15:49]

Loksins, loksins ! Frábærar fréttir. Til hamingju öll ! Mikið er hún Þuríður Arna lánsöm að eiga svona foreldra. Megið þið eiga yndislega helgi.

[Laufey (IP-tala skráð) 10.6.2011 kl. 15:50]

Innilega til hamingju elsku fjölskylda.  Mikið var að kom að góðu fréttunum.  Njótið sumarsins.  Bestu kveðjur

[Guðrún unnur þórsdóttir, 10.6.2011 kl. 15:51]

Elsku hetjan mín og fjölsylda þetta eru yndislegar fréttir og til hamingju með sigurinn knús og kram og skemtið ykkur vel á tónleikunum .

og skál í pepsi

[Ylfa Mist Helgadóttir, 10.6.2011 kl. 15:56]

ég skæli í stofunni hjá mér eins og hálfviti!! Börnin mín skilja ekkert í því hvernig ég læt. Stara bara á mig á meðan ég pikka inn, grenjandi, í tölvuna! ELSKU SLAUGA OG ÞIÐ ÖLL! INNILEGA TIL HAMINGJU MEÐ ÞENNAN STÓRA SIGUR! Ég græt af gleði fyrir ykkar hönd og svei mér ef ég gæti ekki bara GUBBAÐ af GLEÐI! :) Skítt með veðrið! Sumarið ER komið!

LOVE að vestan.

[Stella A. (IP-tala skráð) 10.6.2011 kl. 15:57]

Þetta eru  yndislegar fréttir.  Ég sit hér með tárin í augunum líka.... og óska  ykkur bara gleðilegs sumars, frábærs sumarfrís og njótið samverunnar.  Kærar kveðjur,  Stella A.

[Hrundski (IP-tala skráð) 10.6.2011 kl. 16:02]

Jiiiii sit hérna tárvot (úlfur botnar ekkert í mér núna) og ætla líka að fá mér kók og skála.

Gleðilegt sumar !!!!!! :D

[Elsa Nielsen, 10.6.2011 kl. 16:04]

Verð auðvitað líka að skrifa athugasemd hér :) Gleðitár og kók hér í vinnunni - þetta eru svoooo YNDISLEGAR fréttir!!! Góða heldi öll sömul og góða skemmtun á "Óskari" á morgun :) KNÚÚÚÚS

[Harpa Halldórdóttir ókunnug. (IP-tala skráð) 10.6.2011 kl. 16:05]

Innilega til hamingju með þessar frábæru fréttir, gleðjumst nú er sumar í hjörtum sem sinnum.

Jaxl hún dóttir ykkar Maistjarnan :)

[Anna Þorgrímsdóttir (IP-tala skráð) 10.6.2011 kl. 16:05]

Til hamingju með yndislegar fréttir og gleðilegt sumar!

[Kristín P (IP-tala skráð) 10.6.2011 kl. 16:08]

Skál í botn í kók. Innilegar hamingjuóskir með þessar gleðifréttir:)

[Karolina Anna (IP-tala skráð) 10.6.2011 kl. 16:11]

Frábærar fréttir! Táraðist af gleði og samgleðst ykkur svo innilega! Megið þið eiga FRÁBÆRT sumar og að Hetjunni ykkar líði betur með hverjum deginum sem líður :D

[Eygló (IP-tala skráð) 10.6.2011 kl. 16:14]

frábærar fréttir, áfram þið. ;-)

[Hrafnhildur Jóhannsd (IP-tala skráð) 10.6.2011 kl. 16:16]

Æðislegt að heyra til hamingju öll Þið eruð svo Sterk  og Æðisleg fjölskylda og foreldrar, Og meigi Allar góðar vættir vera með ykkur

kær kveðja...

[Linda Rós (SKB mamma) (IP-tala skráð) 10.6.2011 kl. 16:16]

Mikið eru þetta dásamlegar fréttir kæra fjölskylda!

[ella (grænu deild) (IP-tala skráð) 10.6.2011 kl. 16:18]

Váááá... YNDISLEGAR FRÉTTIR... innilega til hamingju með þessar frábæru niðurstöður kæra fjölskylda og megi þið eiga yndislegt sumar og það allra besta hingað til :)

Bestu kveðjur og góða helgi, Ella

[Sigrún Helgadóttir (IP-tala skráð) 10.6.2011 kl. 16:20]

Vei vei vei :D :D ég fékk líka tár í augun af gleði !!!! ótrúlega yndislegar fréttir !!! innilega til hamingju hetjur og gleðilegt sumar ;) njótið ykkar í botn á tónleikunum ! knús í hús :O)

[Hulda Hjálmarsdóttir (IP-tala skráð) 10.6.2011 kl. 16:32]

INNILEGA TIL HAMINGU! Þetta eru dásamlegar fregnir :) Ég samgleðst ykkur meira en orð geta tjáð!

[Jóhanna G. Ól (ókunnug) (IP-tala skráð) 10.6.2011 kl. 16:32]

Gleði gleði..... mikið voru þetta góðar fréttir. Njótið þess

[Siri (IP-tala skráð) 10.6.2011 kl. 16:38]

Þetta er yndislegt að heyra.Þið eru ótulega sterk og þetta gekk sem betur fer vel á endanum.Eigiði rosalega gott sumar saman:)

[Helga (IP-tala skráð) 10.6.2011 kl. 16:50]

mikið svakalega er ég glöð að heyra þetta :)Hafið það sem allra allra best

[Díana Guðjónsdóttir (IP-tala skráð) 10.6.2011 kl. 16:51]

Frábærar fréttir þetta er alveg geggjað. Njótið nú sumarsins í botn. Knús til ykkar allra.

kv Díana Guðjóns og fjölskylda

[ragna (IP-tala skráð) 10.6.2011 kl. 17:00]

Ég er eins og fleiri búin að kíkja oft inn og var farin að kvíða niðurstöðunum en svona frábærar fréttir koma bara tárakirtlunum í gang, meira að segja himnarnir tárast aðeins núna, og það eru örugglega gleðitár því í dag kemur sumarið örugglega líka. Vonandi eigið þið frábært sumar kæra fjölskylda .

Bestu kveðjur.

[Edda Hlíf Hlífarsdóttir (IP-tala skráð) 10.6.2011 kl. 17:02]

Innilega, innilega til hamingju með þennan frábæra sigur, varð mjög hrærð við að lesa bloggið og samgleðst ykkur af öllu hjarta. Megið þig eiga yndislegt sumar kæra fjölskylda.

[Oddný (IP-tala skráð) 10.6.2011 kl. 17:03]

Elsku Áslaug og fjölskylda. Þetta eru yndislegar og dásamlegar fréttir. Ég fékk bara tár í augun að lesa þetta. Nú hlýtur sumarið að koma :) Gangi ykkur endalaust vel! KNús, Oddný

[Þóra (IP-tala skráð) 10.6.2011 kl. 17:05]

Jeminn eini hvað ég er fegin og glöð að heyra þessar frábæru fréttir, hérna sit ég með gleði tárin í augunum. Þessar fréttir toppa helgina og sumarið. Innilega til hamingju með þetta, hún er algjör hetja litla stelpan ykkar og þið öll.

[Elín (ókunnug) (IP-tala skráð) 10.6.2011 kl. 17:06]

Yndislegar fréttir, góða skemmtun á morgun og hafið það alltaf sem best.

Kveðja

Elín.

[Guðný (IP-tala skráð) 10.6.2011 kl. 17:07]

Dásamlegar fréttir. Gleðiknús til ykkar

[Ellen (IP-tala skráð) 10.6.2011 kl. 17:10]

Innilega til hamingju með góðu fréttirnar kæra fjölskylda. Ég þekki ykkur ekki neitt en er samt að berjast við tárin....Gangi ykkur súper vel með framhaldið ;)

Kær kveðja Ellen

[Helga Kristín Helgadóttir (IP-tala skráð) 10.6.2011 kl. 17:18]

Þetta eru bestu fréttir sem koma gátu, nú verður gangan uppávið auðveldari, innilegar hamingjuóskir og knús á dömuna flottu, sem og grísina þrjá.

 kv. Helga Kristín

[Guðrún ókunnug (IP-tala skráð) 10.6.2011 kl. 17:22]

YNDISLEGT! LOKSINS góðar fréttir :) Innilega til hamingju, þið eigið þetta svo skilið !! :) Vona að þið eigið yndislega helgi og frábært sumar:)

[4 barna mamman (IP-tala skráð) 10.6.2011 kl. 17:24]

Yndislegt elsku fjölskylda....Mikið er þetta falleg færsla og nú falla tárin hjá 4 barna mömmunni.  Ég mun halda áfram að tendra ljósin og bænin mín er ykkar.  Eigið góða daga Þuríður mun halda áfram að blómstra

Kærleiksknús 4 barna mamman

[Sigurða (IP-tala skráð) 10.6.2011 kl. 17:29]

Til hamingju með þessar yndislegu fréttir, megi góður Guð vernda og vaka yfir ykkur öllum !

[Valdís (IP-tala skráð) 10.6.2011 kl. 17:34]

Frábærar fréttir sem þið voruð að fá og ekki spurning um annað en að skála í kók eða coce light :).  Flott hjá ykkur að fara á Pál Óskar, hann er náttúrulega bara bestur í því að koma manni í gott skap og skemmta fólki :)

Annað en sama mál, Áslaug veistu nafnið á æxlinu sem hún Þuríður greindist með (á latínu eða á ensku) og hvar það greindist fyrst? Ég var að fá fréttir af nágránnafólki tengdaforeldra minna sem reyndar búa úti í Frakklandi en 4 ára barnabarn þeirra greindist með heilaæxli af verstu gerð aftan í hnakka og það er ekkert sem læknarnir geta gert.  Honum eru ætlaðir 3 mánuðir og er hann núþegar búin að missa mátt á sumum stöðum. Maður trúir bara ekki að það sé ekki hægt að gera neitt í þessu og því leita ég til þín. Message boxið er kannski ekki besti staðurinn, fann bara ekki emailið þitt..   Endilega sendu mér línu þegar þú hefur tíma, en samt sem fyrst ef þú hefur einhverjar upplýsingar fyrir okkur. 

Bestu þakkir með fróðlegt blogg, þið eruð hörkudugleg öll sömul og eigið sko ekkert annað skilið en hamingju og heilsu :)

Bestu kveðjur, Valdís

[Sigrún (IP-tala skráð) 10.6.2011 kl. 17:37]

til hamingju ég þekki ykkur ekki neitt nema í gegnum bloggið og þetta eru svo sannarlega gleðifréttir ,njótið sumarsins í botn frábært!!

[Steina (IP-tala skráð) 10.6.2011 kl. 17:42]

Yndislegar fréttir

[Kristín Steinarsdóttir (IP-tala skráð) 10.6.2011 kl. 17:44]

Frábært, frábært, frábært.  Innilega til hamingju jákvæða, bjartsýna flotta fjölskylda.

[Helena (ókunnug) (IP-tala skráð) 10.6.2011 kl. 17:47]

Hjartans hamingjuóskir með gleðifréttirnar. Þvílík gleði!

[Áslaug (IP-tala skráð) 10.6.2011 kl. 17:49]

Ég grét af gleði af að lesa um elsku stúlkuna ykkar, eigið bara yndislega hvítasunnuhelgi ;o)

[Hulda (IP-tala skráð) 10.6.2011 kl. 18:03]

Dásamlegar fréttir :D Gæsahúðalesning!!

Hafið það öll sem allra best!

[Laufey (ókunnug) (IP-tala skráð) 10.6.2011 kl. 18:14]

Elsku fjölskylda! Hjartanlega til hamingju með þessar fréttir! Gæsahúð og smá tár af gleði fyrir ykkark hönd fylgdi lestrinum, þrátt fyrir að þekkja ykkur ekki neitt.  þið eigið þetta svo skilið!

[Sara Björk (IP-tala skráð) 10.6.2011 kl. 18:15]

Kæra fjölskylda ..

Ég sit hérna með augun full af tárum .. sé allt bara í móðu af gleði fyrir ykkar hönd .. TIL HAMINGJU !!!

 Njótið nú sumarsins og leikið ykkur !

knúúúús

Sara Björk

[Ellen (IP-tala skráð) 10.6.2011 kl. 18:40]

Elsku hjartans Áslaug og fjölskylda, ég græt hér að gleði við að lesa þessar góðu fréttir,hún er náttúrulega hetja þessi litla Maistjarna:)

Er alveg tilefni að gera sér góðan dag með Palla ,eigið góðan dag með honum:)

[Ida (IP-tala skráð) 10.6.2011 kl. 18:51]

Æðislegt að heyra, til hamingju með þennan sigur :-)

[Sigrún Einarsdóttir (IP-tala skráð) 10.6.2011 kl. 18:55]

Þetta eru bara Stórkostlegt:)Guð er góður

[Guðmunda (IP-tala skráð) 10.6.2011 kl. 19:04]

Bestu fréttir sem ég hef heyrt í laaaangan tíma. Ég græt gleðitárum líka.

[Ásta (IP-tala skráð) 10.6.2011 kl. 19:24]

Yndislegar fréttir. Hér sit ég og græt af hamingju :-)

[Ingibjörg (IP-tala skráð) 10.6.2011 kl. 19:44]

;o)

[Edda mamma og amma (IP-tala skráð) 10.6.2011 kl. 19:44]

Alveg yndislegar fréttir, vá hvað ég er ánægð fyrir ykkar hönd, gleðilegt sumar og góða skemmtun á Páli Óskari ;)

[María Jónsdóttir (IP-tala skráð) 10.6.2011 kl. 20:01]

Yndislegt,ég samgleðst ykkur svo innilega.

Gleðilegt sumar.

Maja

[Ragga (IP-tala skráð) 10.6.2011 kl. 20:15]

Þetta er bestu fréttir sem til er!! :)Ég sit og græt af gleði. Til hamingju með lífið..og flottu Maístjörnuna, þvílík hetja.

Njótið helgarinnar

Ragga (systir Birnu)

[Fanney (IP-tala skráð) 10.6.2011 kl. 20:29]

Til hamingju með þessar fréttir. Það er ótrúlegt hvað Maístjarnan ykkar og þið öll eruð dugleg. Gleðifréttir og góð byrjun á sumri.

kv.Fanney

[Ásdís (IP-tala skráð) 10.6.2011 kl. 20:34]

Váh.... hvað þetta voru frábærar fréttir!  Ég var orðin hrædd um að fréttirnar hefðu ekki orðið svona frábærar og kveið hálfpartinn fyrir því að lesa þessa færslu  Mikið ofboðslega líður mér vel eftir að hafa lesið þetta, nú fáið þið sumarið sem þið hafið verið að bíða svo lengi eftir JIBBÝ...  Hafið það ofboðslega gott um helgina og góða skemmtun á Palla og sinfó  Hetjukveðjur til Þuríðar

[Lena Ýr (IP-tala skráð) 10.6.2011 kl. 20:48]

Skál í botn :)

Þetta eru svo frábærar fréttir :)

[Heiðdís Dögg (IP-tala skráð) 10.6.2011 kl. 20:49]

jiiii - en FRÁBÆRAR fréttir - yndislegt!! Sit hér með bros á vör & gleði-tár í augum ...ég hugsa svo endalaust oft til ykkar þó svo ég þekki ykkur ekki neitt!!

eigiði góða helgi, kæra fjölskylda, og enn betra sumar í vændum;)

[gþ (IP-tala skráð) 10.6.2011 kl. 21:07]

Mig langar bara til að segja enn og aftur, gleði, hamingja, fögnuður og bara allt. gþ

[Eyja (IP-tala skráð) 10.6.2011 kl. 21:19]

Jiii maður grætur nú bara af gleði við að lesa þetta, yndislegt, hún er sko sannkölluð kraftaverkahetja þessi stelpa. Eigið yndislega helgi og yndislegt sumar!

Kveðja úr Mosfellsbænum

[Linda (IP-tala skráð) 10.6.2011 kl. 21:23]

Æðislegar fréttir ....... ég sit hér og tárin leka.

Knús á ykkur

[Hrönn (IP-tala skráð) 10.6.2011 kl. 21:34]

Elsku bestasta fjölskylda,er ekki lífið bara dásamlegt þegar þessar bestu fréttir koma,elsku BROSdúllan nú liggur bara lífið til hins betra hjá henni,komin tími til,eigið góða helgi,kærleikskveðjur.Hrönn.

[Ína Gests (IP-tala skráð) 10.6.2011 kl. 21:34]

Frábærar fréttir,hugsa oft til ykkar þó svo að ég þekki ykkur ekkert, en góða helgi frábæra fjölskylda

[Skúmaskot tilverunnar, 10.6.2011 kl. 21:44]

Það er til kærleiksríkur Guð sem hefur haldið sinni verndarhendi yfir ykkur. Með tár í augum af gleði til handa ykkar fjölskyldu þakka ég honum enn einn sigurinn.

[Sirry Jonasar (IP-tala skráð) 10.6.2011 kl. 21:45]

Fylgdist alltaf með þér/ykkur fyrir ca. 2 árum en datt svo út. Skráði mig á kjúklingasíðuna þína og er farin að fylgjast með aftur. Leit við í dag og er með gæsahúð og græt gleðitárum með ykkur. YNDISLEGAR fréttir.

Góða skemmtun í Hörpu um helgina. Þið verðið bara gordjöss með Palla og sinfó.

kv. Sirrý Jónasar

[Jóhanna Karlsdóttir (IP-tala skráð) 10.6.2011 kl. 21:51]

Frábærar fréttir. Yndislegt. Góða helgi og yndislegt sumar kæra fjölskylda.

Knús á ykkur öll og takk fyrir að leyfa okkur að fylgjast með ykkur.

Jóhanna.

[Kristín (IP-tala skráð) 10.6.2011 kl. 22:37]

Hamingjutár á hvörmum út um allt land.  Húrra fyrir Þuríði Örnu!  Húrra fyrir ykkur foreldrum og systkynum!

[Sóley (IP-tala skráð) 10.6.2011 kl. 22:54]

Innilega til hamingju með þessar fréttir! Þið eigið þetta svo sannarlega skilið kæra fjölskylda. Góða skemmtun á Palla á morgun, það verður svaka stuð (ég er líka að fara á morgun og get ekki beðið).

Knús á ykkur og takk kærlega fyrir að leyfa mér að fylgjast með :)

Kv. Sóley

[Tinna Ósk Björnsdóttir (IP-tala skráð) 10.6.2011 kl. 23:21]

Elsku elsku stelpan - þvílíkur harðjaxl! Innilegustu hamingjuóskir með þessar frábæru fréttir!! Samgleðst ykkur innilega!

[Gudbjörg (IP-tala skráð) 10.6.2011 kl. 23:27]

Dásamlegar fréttir :)

Gudbjörg (gamall SKB félagi sem fylgist med ykkur frá útlöndum)

[GG (IP-tala skráð) 10.6.2011 kl. 23:31]

Er með tárin í augunum, samgleðst ykkur svo innilega!

Hafið það yndislegt saman fallega fjölskylda!

kv. ókunnug :)

[Þóra (ókunnug) (IP-tala skráð) 10.6.2011 kl. 23:36]

Ég er búin að fylgjast hérna með í nokkur ár en er ódugleg við að skrifa, nú get ég bara ekki orða bundist við þessar yndislegu fréttir. Þetta var frábært að heyra og megið þið eiga súper gott sumar saman fjölskyldan því þið eigið það svo sannarlega skilið :)

kv. Þóra

[Jóhanna A (IP-tala skráð) 11.6.2011 kl. 00:02]

Innilega til hamingju með góðu fréttirnar

[Jóhanna (IP-tala skráð) 11.6.2011 kl. 00:08]

Get ekki hætt að brosa.  Yndislegt bara yndislegt.  Fljúgið kæra fjölskylda, fljúgið á vængjum hamingjunnar í sumar.  Njótið ykkar í botn:))

Guð blessi ykkur .

[Gígja (IP-tala skráð) 11.6.2011 kl. 00:11]

Awwwwwww, djís, er með tárin í augunum eftir að hafa lesið þessar fréttir!!! Var svo hrædd um að þær yrðu slæmar því það kom ekki inn færsla í gær.... Innilega til hamingju með þetta elsku fjölskylda. Hún rústar þessu stelpan ;) Njótið og fagnið og knúsist og kyssist ríka fólk ;)

[Matta (IP-tala skráð) 11.6.2011 kl. 00:44]

Vá þvílíkar gleðifréttir :) Ég átti orðið erfitt með að klára að lesa færsluna þar sem augun voru full af gleðitárum. Þetta verður án efa eitt besta sumarið ykkar þegar það byrjar svona vel.

[Kristín ókunnuga (IP-tala skráð) 11.6.2011 kl. 01:02]

Gleði. Gleði. Gleði  og meiri Gleði. Er búin að vera með hnút í maganum í dag þorði varla að opna síðuna, en svo voru þessar yndislegu fréttir að ég fann að augun fylltust af gleðitárum. Njótið sumarsins sem vonandi fer að hlýna. Stórt faðmlag á alla fjölskyldunna. Vonandi í lagi að faðma ykkur öll í huganum þó ég þekki ykkur ekki neitt ég er bara svo glöð fyrir ykkar hönd. Kveðja.

[Birna (IP-tala skráð) 11.6.2011 kl. 01:03]

Innilega til hamingju. Það besta sem mér dettur í hug að segja er: Takk Drottinn.

Birna

[Bigritta (IP-tala skráð) 11.6.2011 kl. 01:48]

Dásamlegar fréttir til hamingju með þessar frábæru fréttir......þvílík gleði´.....eigið góða helgi elsku fjölskylda þið eruð alveg dásamleg.

Kærleikskveðja til ykkar elskurnar

Birgitta

[Sólveig Jónsdóttir (IP-tala skráð) 11.6.2011 kl. 02:04]

  Yndislegt!!!! Til hamingju með Maístjörnuna ykkar!

Eigið yndislega helgi og sumarið er komið til ykkar, kæra fjölskylda.

Góða skemmtun  með Palla og sinfó, fór í gær.

GORDJÖSS!!! 

[Bergljót Hreinsdóttir, 11.6.2011 kl. 02:17]

Yndislegar fréttir..sit með hamingjuhroll og heit tár og gleðst með ykkur og Maistjörnunni. Njótið nú helgarinar sem allra allra best og leyfið gleðinni að flæða..<3

Efaðist reyndar aldrei um að þessi flotta stelpa væri algjört kraftaverk..:o)

[Sólveig Jónsdóttir (IP-tala skráð) 11.6.2011 kl. 02:21]

Ég er búin að lesa færsluna aftur!   Það er ekki hægt annað en að fella tár eða bara hreinlega gráta af gleði! Duglega, fallega Þuríður Arna, er sannkölluð kraftaverkakona!!!

[Sigurður Haraldsson, 11.6.2011 kl. 02:37]

Svona fréttir breyta dimmri og kaldri nótt í bjartan og sólríkan dagSendi hlýa strauma úr norðri.

[Bylgja (IP-tala skráð) 11.6.2011 kl. 03:01]

Best í heimi

[Dagbjört jakobsdóttir (IP-tala skráð) 11.6.2011 kl. 03:26]

yndislegar fréttir ,stórt knús   

kv Dagbjört

[A (IP-tala skráð) 11.6.2011 kl. 06:52]

Jibbý kóla og skál í kók! Þetta voru bestu fréttir sem hægt var að fá!!! Ég er búin að vera að mana mig upp í að kíkja á síðuna ykkar því að ég var með pínu kvíðahnút í maganum, það er ekki hægt að neita því, en nú er ég sko glöð :)

Nú er sumarið komið og þið skuluð sko njóta þess :)

Kv. Arna Ósk

[Ragnheiður , 11.6.2011 kl. 07:56]

Hjálpi mér hvað þetta eru dásamlegar fréttir. Ég er eins og hin, með kökk í hálsinum og tárin trítla niður kinnarnar, svo mikil gleðitár.

Þvílík hamingja

Elsku Áslaug og þið öll, minni og stærri fjölskyldan, hjartanlega til hamingju.

Litla skottið Þuríður Arna, þú ert dásamlegur baráttujaxl, flottasta smátelpan með flottustu systkinin og foreldrana.

[Áslaug (IP-tala skráð) 11.6.2011 kl. 08:49]

Vá til hamingju! Ég þekki ykkur ekki en les bloggið þitt reglulega! Hún er sko ótrúleg þessi litla hetja!

kveðja frá Áslaugu í Danmörku

[Lóa (IP-tala skráð) 11.6.2011 kl. 09:31]

Gleðitár hérna megin:) Innilega til hamingju með þennan stóra áfanga:) Þuríður hefur náttúrulega sýnt það að hún er flottasta og duglegasta stelpan í öllum heiminum! Þið eruð líka svo dugleg og flott fjölskylda. Knús úr norði..

[Ingibjörg Sig. (IP-tala skráð) 11.6.2011 kl. 09:35]

Húrra fyrir Þuríði  Skál í boðinu sem nú tekur bara engan enda, þetta sumar og öll önnur verða yfirfull af eintómri gleði ykkur til handa

Njótið hvers annars,

[Didda ókunn (IP-tala skráð) 11.6.2011 kl. 09:56]

sit hér með tár í augum, guð hvað ég samgleðst ykkur, yndislegt, það hafa margir beðið fyrir Þuríði ykkar, allir lögðust á eitt, njótið sumarsins og framtíðin verði björt og hlý, sendi ykkur allar mínar bestu kveðjur og óskir, hugsa oft til ykkar og hinna líka sem eiga erfitt, lifið heil

[Anna (IP-tala skráð) 11.6.2011 kl. 10:45]

Yndislegar fréttir sit hér með gleðitár í augunum.Sumarknús til ykkar

[Berglind (IP-tala skráð) 11.6.2011 kl. 12:57]

Tárin mín renna af gleði. Þessi orrusta er unnin. Nú verður keyptur kassi af kók í gleri og boðið á línuna :)

[Elísabet (IP-tala skráð) 11.6.2011 kl. 13:11]

Vá ég fékk gæsahúð af GLEÐI - yndislegt að fá svona góðar fréttar af dömunni!!! Hún og þið eigið það svo sannarlega skilið.  Gleðilegt sumar og NJÓTIÐ :)  Kveðja Elísabet ókunnug en fylgist samt mikið með ykkur.

[Sólveig H Sveinbjörnsdóttir, 11.6.2011 kl. 14:30]

Til hamingju.  Dásamlegar fréttir..augu mín fylltust af gleðitárum með ykkur við að lesa þetta.

[Jóna (IP-tala skráð) 11.6.2011 kl. 15:18]

Er búin að fylgjast með ykkur mjög lengi og ég gleðst innilega með ykkur  Baráttan ykkar allra er búin að vera löng og ströng. Njótið sumarsins :)

[Sæunn (IP-tala skráð) 11.6.2011 kl. 16:04]

Til hamingju kæra fjölskylda, megi allt gott vaka yfir ykkur áfram.

[Hanna (IP-tala skráð) 11.6.2011 kl. 18:24]

Dásamlegt elsku fjölskylda :)

[ingileif Finnbogadóttir (IP-tala skráð) 11.6.2011 kl. 19:15]

ÆÐISLEGAR FRÉTTIR FÉKK GÆSAHÚÐ OG TÁR GLEÐILEGT SUMAR ELSKU FJÖLSKYLDA

KV.FJOGURRA BARNA MAMMA

[Marta (IP-tala skráð) 11.6.2011 kl. 19:25]

Til hamingju með þessar niðurstöður Þetta eru yndislegar fréttir. Ég vona að þið njótið sumarsins vel, þið eigið það skilið.

[Kristín (IP-tala skráð) 11.6.2011 kl. 20:19]

Jeminn eini!!! Hvílíkar fréttir, ég sit hérna grátklökk yfir þessum fréttum. Elsku Áslaug og fjölskylda...loksins fenguð þið góðar fréttir eftir hvílíkan mótbyr:)

Njótið sumarsins saman því þið eigið það svo sannarlega skilið:)

Knús að austan;)

[Selma (IP-tala skráð) 11.6.2011 kl. 20:25]

Innilega til hamingju með frábæru fréttirnar. Ég þekki ykkur ekki neitt en hef, eins og margir, fylgst með ykkur lengi. Var sannfærð um að þið mynduð fá góðar fréttir á afmælisdaginn minn :)

[Valgý Arna (IP-tala skráð) 11.6.2011 kl. 23:19]

Vá, INNILEGA til hamingju með þessar frábæru fréttir. Njótið sumarsins!!!

[Kristín S (IP-tala skráð) 11.6.2011 kl. 23:52]

Innilega til hamingju með þessar góðu fréttir. Ykkar tími svo sannarlega kominn.

Njótið lífsins og hvers annars eins og þið best kunnið.

kær kveðja

Kristín S

[Erla Stefanía (IP-tala skráð) 11.6.2011 kl. 23:58]

Kæra fjölskylda innilega til hamingju með þessar frábæru fréttir til ykkar. Það er ómetanlegt fyrir okkur "hin" að fylgjast með baráttu ykkar og kennir okkur að njóta auknabliksins.  Njótið sem allra best í sumar. Með sumarkveðju frá einni sem þekkir ykkur ekki en hefur lært mikið af ykkur, kær kveðja Erla Stefanía

[Sigrún sól (IP-tala skráð) 12.6.2011 kl. 00:58]

Frábærar fréttir kæra fjölskylda Þið eruð hetjur við samgleðjumst ykkur svo sannarlega Gangi ykkur vel með hetjuna ykkar kveðja úr sveitinni

[Guðný Heiðbjört (IP-tala skráð) 12.6.2011 kl. 02:14]

Tár í augum og gleði í hjarta. Elskulega fjölskylda, njótið nú sumars og gleði saman :) Þið eruð öll alveg yndisleg og svo ótrúlega dugleg. Megi allir góðir vættir styðja ykkur og styrkja og hjálpa Þuríði til að ná fullum bata, því það er klárlega það sem hún ætlar að verða :) 

[Sigga (IP-tala skráð) 12.6.2011 kl. 09:02]

Það er svo skrítið hvað manni getur fundist vænt um fólk sem maður þekkir ekki neitt eða hefur nokkurn tímann hitt einu sinni, en það á við um mig og fullt af fólki hérna úti elsku Áslaug og fjölskylda

 Já ég bara brotnaði saman líka af GLEÐI.. Mikið eru þetta dásamlegar fréttir, yndislegar alveg hreint!

Hún er svo mikið hetja hún Þuríður að ég á engin nógu sterk orð yfir það, þvílík kraftaverkadama sem þið eigið

Elsku Þuríður IDOLIÐ mitt og HETJAN mín, þú ert BEST Í HEIMI!!

Elsku fjölskylda  hjartans hamingjuóskir til ykkar allra og njótið sumarsins, sumarið er ykkar svo sannarlega  

Bestu kveðjur Sigga.

[frigg (IP-tala skráð) 12.6.2011 kl. 11:00]

Frábærar fréttir:=)

[Freydís (IP-tala skráð) 12.6.2011 kl. 16:01]

Frábærar fréttir :)

[Rúna (IP-tala skráð) 12.6.2011 kl. 16:27]

Húrra, Húrra!!!

Alveg dásamlegt, Innilega til hamingju með þessar frábæru fréttir. 

[Margrét (IP-tala skráð) 12.6.2011 kl. 20:14]

Frábærar fréttir :-)   Gleðilegt sumar og gangi ykkur sem allra, allra best.

[Silja Sigurðardóttir (IP-tala skráð) 12.6.2011 kl. 22:33]

Sit með gleðitár í augonum sem renna niður kinnarnar =)))) er svo glöð fyrir ykkar hönd, Gleðilegt sumar til ykkar allra kveðja frá Noregi

[Katrín Anna Sigurðardóttir (IP-tala skráð) 12.6.2011 kl. 22:34]

Frábært að heyra til hamingju...:) 

[Charles Geir Marinó Stout, 12.6.2011 kl. 22:57]

Til innilegrar hamingju, og megi elsku stelpan vera laus við þennan fjanda !

Veit að ég þekki þig ekkert en þessi saga snart mig frekar mikið þar sem ég á 3 vini sem hafa barist við þetta og tveir þeirra dáið.

[Charles Geir Marinó Stout, 12.6.2011 kl. 22:58]

Til innilegrar hamingju, og megi elsku stelpan vera laus við þennan fjanda !

Veit að ég þekki þig ekkert en þessi saga snart mig frekar mikið þar sem ég á 3 vini sem hafa barist við þetta og tveir þeirra dáið, sem betur fer er 3ji vinur minn á batavegi :)

[Anna Kristín (IP-tala skráð) 12.6.2011 kl. 23:15]

dásamlegar fréttir :) gleðilegt sumar

[Helga (ókunnug) (IP-tala skráð) 12.6.2011 kl. 23:45]

vá þetta eru bestu fréttir sem hægt er að fá. vona að þið hafið notið helgarinnar í botn. Ef það er einhver sem á þessar gleðifréttir skilið þá eruð það þið og kraftaverka konan. Njótið lífsins í botn og gerið það sem þið viljið gera því lífið er svo sannarlega yndislegt núna. Sólin komin og hitinn líka. takk fyrir að deilda þessari baráttu með okkur.

ég hef ekki kvittað nógu oft.

[Begga Kn. (IP-tala skráð) 13.6.2011 kl. 06:38]

VÁÁÁÁ... Þetta eru sko YNDISLEGUSTU FRÉTTIR Í HEIMI!!! :-)

Innilega til hamingju með þetta og svo geri ég bara ráð fyrir að helgin hafi verið yndisleg hjá ykkur ;o)

Kærar kveðjur frá DK

[Linda (IP-tala skráð) 13.6.2011 kl. 10:11]

vá maður táraðist bara yfir þessu. æðislegar fréttir til hamingju með það. gleðilegt sumar til ykkar

[Guðný E. Einarsdóttir (IP-tala skráð) 13.6.2011 kl. 12:36]

Ég samgleðst  svo sannarlega með ykkur. Þetta er alkveg rosalega góð&#39;ar fréttir fyrir ykkur. Þið áttuð svo sannarlega skilið að fá svona góðar fréttir kæra fjölskylda. Gangi ykkur vel með allt sem þið takið ykkur fyrir hendur kæra fjölskylda. Kær gleðikveðja Guðný sem fylgist með ykkur í gegnum bloggið.

[Dagbjört ókunnug (IP-tala skráð) 13.6.2011 kl. 15:34]

Innilega til hamingju með þetta öll sömul. Þið áttuð þetta svooo skilið ! Þið eruð hetjur öll sömul. Njótið fréttanna og sumarsins. Samgleðst ykkur af öllu hjarta.

[Ylfa P. Soussa (IP-tala skráð) 14.6.2011 kl. 01:58]

græt af gleði við að lesa þetta, innilega til hamingju elsku fjölskylda og gleðilegt sumar.  það eru engin orð..... þetta er best í heimi!

[Vigdís (IP-tala skráð) 14.6.2011 kl. 08:57]

Frábærar fréttir sem þið fenguð. Maður er bara með tárin í augunum yfir þessu. Gangi ykkur vel með framhaldið og vonandi eigið þið yndislegt sumar.
Samgleðst ykkur af öllu hjarta og held áfram að biðja fyrir Þuríðið ykkar.  Kraftaverkin eru sko til og hún er eitt þeirra.
Sumarkveðja.

[Sonja Sif (IP-tala skráð) 15.6.2011 kl. 13:14]

Dásamlegar fréttir!

[Karen Olsen (IP-tala skráð) 16.6.2011 kl. 22:24]

Til hamingju til HAMINGJU;;;;; hreint YNDISLEGT að heyra,,,, njótið nú árgangursins.. þessi stelpa er sko kraftaverk......................................

[Anna (IP-tala skráð) 18.6.2011 kl. 20:02]

Vááááá...yndislegar fréttir....ég grét bara líka,þegar ég las þetta.

Alveg frábært....sannkallað kraftaverk...þökkum guði fyrir það.

Innilegar til hamingju með frábærar fréttir...

kv Anna

[Sóley Vet (IP-tala skráð) 21.6.2011 kl. 03:37]

Var að lesa færslunar þínar núna, er í sumarfríi og ekki með aðgang að tölvu. En þvílíkar fréttir! Innilega til hamingju með þetta! Þið hafið svo sannarlega sýnt það og sannað að kraftaverkin gerast!

bestu kveðjur að vestan!