Sveitaferð...

Við skelltum okkur í sveitaferð með leikskóla strákanna í gær á Bjarteyjarsand og það var alveg yndisleg ferð.  Vorum svo heppin með veður og tekið ofsalega vel á móti okkur - við vorum svo heppin en á leikskóla strákanna eru systkini líka velkomin að koma með og að sjálfsögðu nýttum við það og skelltum okkkur öll fjölskyldan.  Skari fór reyndar ekki með okkur í rútunni því ef Maístjarnan hefði ekki meikað hálfan dag í sveitinni þá var hann tilbúinn að fara með hana heim en stúlkan var hrikalega hress allan tíman og naut sín í botn innan um öll dýrin sem var æðislegt. 

Hérna eru nokkrar myndir frá deginum í gær:

 

 

 

 

 

 

 

 

 

 

 

Maístjarnan mín haldandi á tveggja daga lambi sem henni fannst ekki leiðinlegt.






















Blómarósin mín með kanínu-unga og er búin að panta eitt stk svoleiðis.  Hún væri alveg til í að búa í sveit og vera innan um dýrin allan sólarhringinn.

 

 

 

 

 

 

 

 

Sjarmatröllið mitt og rokkari að gefa lambinu einn koss.

 

 

 

 

 

 

 

 

 

 

 

 
Gull-drengurinn minn og grallari var svona líka kátur með sveitaferðina enda ekki annað hægt í steikjandi hita og sól.






















Í svona hita varð maður að sjálfsögðu að kæla sig í sjónum en hérna er Maístjarnan mín ásamt Rögnu Sigríði vinkonu en hún er ofsalega heppin með nágranna-vinkonu sem er alltaf til í að "passa" uppá sig og er yndislega góð - ég hef aldrei kynnst annarri eins vinkonu og það bara 11 ára gömul. ALLTAF til í að leyfa Maístjörnunni að vera með sér eða í kringum sig með sínum vinkonum sem eru líka svona yndislegar við hana.

 

 

 

 

 

 

 

 

 

 

Rokkarinn mættur í fjöruna

Sem sagt FULLKOMIN sveitaferð.

Maístjarnan mín er búin að vera ágætlega hress síðustu daga - tók reyndar frekar slæman krampadag í síðustu viku og er fljót að sofna um leið og hún leggst á koddann á kvöldin.  En við ætlum sko að njóta sumarsins í BOTN og vonandi heldur það svona áfram.

Athugasemdir

[Halldór Jóhannsson, 30.5.2012 kl. 13:21]

Ef þetta er ekki meir en yndislegt...
Frábært að leyfa sytkinum að koma með í svona ferðir..

[Guðrún unnur þórsdóttir, 31.5.2012 kl. 00:26]

[Helga (IP-tala skráð) 31.5.2012 kl. 20:50]

Yndislegt :-)

[Sólveig (IP-tala skráð) 4.6.2012 kl. 13:27]

Bara gleðifréttir úr ykkar húsi þessa dagana JIBBÝ.

Vonandi hefur sá uppi komið ykkur í úrvalsflokk hjá sér núna með lífsgæðin, tími til komin, elskurnar.

SUMARKNÚS