Sefur einsog ungabarn

Þuríður mín sefur í orðsins fyllstu merkingu einsog ungabarn þessa dagana, hún tekur sér 2-3 dúra yfir daginn og þeir eru minnst tvo tíma í einu.  Hún er einmitt núna að taka  morgundúrinn sinn en var sofnuð um níu en var vöknuð rúmlega sjö en orkan hennar endist mest í þrjá tíma.  Hún fór í sjúkraþjálfun í morgun en hafði nú enga orku í það en var pínd í 20 mín en tíminn hennar á að vera í klukkutíma en það var ekki hægt að pína hana lengur þar sem hún var að sofna standandi.  Hún er sko ekki í leikskóla-standi þessa dagana enda finnst mér líka betra að hún hvíli sig í mömmukoti þó það fari ekkert illa um hana á leikskólanum en þá er óþarfi að láta hana sofa þar þegar hún getur verið heima hjá mér.  Þetta eru sem sagt mjöööög erfiðar dagar hjá henni, þreytan er svoooo mikil að hálfa væri miklu meir en nóg en hún veit samt alltaf þegar líkaminn getur ekki meir því þá biður hún mig um að koma með sér uppí rúm og vill láta mig halda í hendina sína eða utan um sig sem maður að sjálfsögðu gerir enda er það besta í heimi að hjúfra sig að börnunum sínum og sofna með þeim.

Við áttum æðislega helgi í hvíldarbústaðnum hjá Styrktarfélaginu, fórum ekki úr náttgallanum eheh!!  Kíktum nú aðeins í pottinn, þeim fannst skemmtilegast að fara á föstudagskvöldið í pottinn þegar það var orðið dimmt og við vorum að horfa á stjörnurnar.  Þau eiga nefnilega öll eina stjörnu og finnst svo gaman að leita að henni og tala um ömmu Jó sem er að passa englana hjá guði einsog þau orða það.

Á sunnudaginn fórum við svo á Stokkseyri á svo kallaða kartöflukeppni fjölskyldunnar, nú eru ö-a allir "hmm kartöflukeppni?" eheh.  Jamm hún fellst í því að allir fjölskyldumeðlimir frá ömmu og afa og niðurúr eða þeir sem skrá sig í keppnina koma í garðinn að vori og allir setja niður eina kartöflu og svo að hausti taka allir upp sína uppskeru sem við gerðum í gær.  Svo er keppni hver fær stærstu uppskeruna og stærstu kartöfluna, allt er vigtað vel og vandlega og stórglæsileg verðlaun fyrir þetta.  Það er alltaf mikil stemmning fyrir þetta og okkur finnst þetta æðislega gaman, hvað þá börnunum.  Við vorum svo heppin með hana Þuríði mína en hún hafði að leggja sig fyrir keppnina og var hress og kát yfir það allt saman, naut sín í botn en um leið og við settumst uppí bíl rotaðist stelpan.  Hún var líka svo heppin einsog þið sáum á færslunni á undan en þá fékk hún medalíu en hún var í öðru sæti með næst þyngstu kartöfluna ehe, svaka stuð!!  Reyndar fá öll börnin verðlaun en ekki hvað.

Hérna er mynd af krökkunum mínum með kartöfluafraksturinn sinn, svakalega stollt af honum:


Meira af henni Þuríði minni en það sló algjörlega á ógleðina þegar hún fékk ógleðislyfin sín, sem betur fer.  Þannig núna sýnir hún ekki fleiri aukaverkanir af nýju krabbalyfjunum sínum en við förum með hana í blóðprufur á fimmtudaginn og vonandi stendur bara allt í stað þar, þar að segja engar lækkarnir á blóðinu og þess háttar.  Við eigum líka að fá svör frá Boston í þessari viku eða doktorinn okkar vonaðist eftir svörum frá þeim í lok vikunnar, reyndar erum við ekkert bjartsýn á að þeir vilja eða þora gera eitthvað meira fyrir hana útaf síðustu myndatökum.  Erum líka að bíða eftir svörum frá Svíþjóð og Washington en myndirnar af höfði hennar voru sendar útum allt enda erum við heldur ekki fólk að gefast upp hvað þá læknarnir okkar.

Mér gengur svakalega vel í fjarnáminu mínum, vissi eiginlega ekki að ég væri svona klár ehe!!  Ætla mér að fara reyna mæta almennilega í ræktina ef líkaminn bíður uppá það en grindin er hrikalega erfið að kljást við, aaaaaaaaaaaarghh!!  En ég veit hvað það gefur manni mikið að hreyfa sig, þá líður mér líka aðeins betur en venjulega en það tekur ofsalega á að horfa uppá hana Þuríði mína svona og líka bara hugsa um framtíðina.

Þuríður mín sefur enn vært þannig ég ætla að reyna læra smá áður en hún kemur fram og biður um mat ehe litla matargatið mitt.

Athugasemdir

[Guðrún Jóhannesdóttir, 24.9.2007 kl. 10:36]

hef ekki verið dugleg að kommenta hjá ykkur en fylgst með samt, vona sannarlega að allt gangi eins og best verður á kosið, já og til hamingju með 2 sætið í kartöflukeppninni, skemmtilegur siður

[Birna (IP-tala skráð) 24.9.2007 kl. 11:23]

Ég les síðuna þína allavega einu sinni á dag stundum oftar. þið eruð svo frábær og einlæg að það er stundum alveg ótrúlegt. Gangi ykkur vel í baráttunni þið eruð svo frábær. ég knúsa börnin mín helmingi meira eftir að ég fór að lesa þessa síðu. Því að lífið er svo óútreiknanlegt.

kosssssar og knús kv Birna

[Fríða (IP-tala skráð) 24.9.2007 kl. 11:24]

Góðan daginn kartöfluhetjur

Þuríði líður vel nema að hún sefur og sefur. Er ógleðilyfin kannski að svæfa hana svona, það er það fyrsta sem kemur í kollinn minn. Ég er svosem ekki læknir, en einhvernvegin finnst mér að það sé verðið að láta hana sofa svo batinn gangi betur. Þið fyrirgefið framhleypnina, en ég fæ stundum svona hugmyndir og þetta er ein af þeim

Ef ég væri Þuríður þá vildi ég miklu frekar sofa í mömmukoti, en í leikskólanum. Getur verið að hávaði þeyti hana. Þegar kollurinn er annarsvegar þá er svo margt sem fer úr lagi. Ég hef smá reynslu af "rugluðum" kolli eftir heilablæðinguna mína 1997. Hávaðinn var eitt af því sem gerði mig þreytta fyrstu mánuðina á eftir.

Nóg af veikindatali. Til hamingju með kartöfluverðlaunin og takk fyrir myndirnar, þær eru fallegar og sýna svo vel þessi bráfallegu börn. Mikið er Theodór stoltur með sína uppskeru og Oddný ekki er hún minna montin. Það er eins og alltaf, maður sér þau varla en horfir þeim mun meira á Þuríði. Guð blessi ykkur öll. Fríða

[Björk töffari (IP-tala skráð) 24.9.2007 kl. 11:25]

Hæ elsku Slauga mín...það er svo erfitt að vita til þess að litlu hetjunni okkar líður ekki nógu vel og að þreytan er ríkjandi hjá henni.Vanmátturinn sem maður upplifir er mikill.Eina sem ég get gert er að biðja þann algóða að leiða hana áfram og ykkur öll.Gott að þið áttuð góða helgi og náðuð að næra sálina aðeins fyrir komandi viku.Cool kartöflukeppni...aldrei heyrt um svona,en þetta er frábært og öðruvísi.En eigið þið góðan dag..knús

[Sólveig (IP-tala skráð) 24.9.2007 kl. 15:06]

Leit bara við, ekki nógu gott ástandið en þú eins og alltaf "ÓTRÚLEG" með mjög jákvæðum formerkjum.

kær kveðja frá Sólveigu

[Gunnar Helgi Eysteinsson, 24.9.2007 kl. 18:48]

[Bergdís Rósantsdóttir, 24.9.2007 kl. 21:39]

OOO manni langar nú bara í svona nýjar kartöflur sem maður hefur tekið sjálfur upp.  Knús til ykkar allra

[Katrín (IP-tala skráð) 25.9.2007 kl. 09:32]

Halló kæra fjölskylda;o)

Ég kíkka reglulega á ykkur (er ókunnug) og dáist af þrekinu ykkar í þessu erfiða ástandi....það er ekki hægt að ímynda sér hversu erfitt þetta er, ég á sjálf 2 frískar dætur og þakka fyrir það.

Ég vona að Þuríði þinni fari að líða betur litla skinninu....þú ert alger súper-mamma....með svona lasið barn, tvö önnur lítil og í skóla úfff....ég bara svitna ;o)

Gangi ykkur vel ég held áfram að kíkka á ykkur.

Kveðja Katrín.