Ekki nema von

Það er hugarstríð,
ást og hatur alla tíð
hér í heimi, ár og síð.
Þegar myrkrið fer
eins og alda yfir sker,
þegar eitthvað út af ber.

Kannski er það von
sem fleytir ykkur yfir úfið haf.
Ekki nema von,
því hver veit nema færist þið á kaf
á morgun.
Voninn´ykkur veitir ekki af.

Það sem bjargar þér,
heldur vöku fyrir mér,
hversu lítil sem hún er,
gefur þjáðum grið,
leggur bjartsýninni lið
þegar mikið liggur við,

Kannski er það von
sem fleytir ykkur yfir úfið haf.
Ekki nema von,
því hver veit nema færist þið á kaf
á morgun.
Voninn´ykkur veitir ekki af.
Ykkur mun víst ekki veita af.

Kannski er það von
sem fleytir ykkur yfir úfið haf.
Er það nema von,
því hver veit nema færist þið á kaf.
Kannski er það von.
Á siglingunni veitir ekki af
hér að eiga von
því hver veit nema færumst við á kaf
á morgun.
Voninn´ykkur veitir ekki af.

Vonandi þið lifið þetta af.

Athugasemdir

[auður (IP-tala skráð) 12.11.2007 kl. 22:23]

þið eruð í bænum mínum daglega, baráttukveðjur inní morgundaginn :)

ég er viss um að þessi litla dásamlega stúlka þín verður að fallegri og vel gerðri ungri konu þegar fram líða stundir. hún er náttúrulega bara sætust.

knús á línuna. 

[Hólmfríður Bjarnadóttir, 13.11.2007 kl. 00:57]

Guð veri með ykkur Fríða

[hm (IP-tala skráð) 13.11.2007 kl. 07:12]

Gangi ykkur rosalega vel í dag. Þuríður Arna þú ert svo ofboðslega dugleg stelpa :)

[Gunnar Helgi Eysteinsson, 13.11.2007 kl. 08:25]

Stuðningskveðjur