Ekki var það á bætandi

Einsog þið vitið þarf Þuríður mín að taka inn tonn af lyfjum morgna og kvölds, fjórar tegundir af flogalyfjum (og það er sko ekkert eitt stk fyrir hvert lyf), ógleðislyf og krabbalyfin hennar.  En einsog ástandið hennar hefur verið síðustu rúman mánuð hefur þurft að bæta á lyfjaskammtinn hennar, pensilín, einhver lyf til að auka matarlystina og svo bættist níunda lyfið við í gærdag en það er fyrir magan, einhver sýrulyf.  Finnst ykkur skrýtið að barnið fái í magan að þurfa taka þennan haug ekkert borða með því, niiiiiihh ekki alveg.  Ein lyfin gera hana líka þreyttari og það var á bætandi, ekki það að hún sé eitthvað hress fyrir eða þannig.  Hún er ekkert að rífa sig uppúr þessu, jú hún er kanski hress í klukkutíma eftir að hún vaknar og svo vill hún bara fara í náttfötin og fara sofa einsog hún orðar það sjálf.

Við hittum magalæknir í gær, frábær læknir, gott að spjalla við hann.  En við munum sjá framyfir helgi hvernig hún mun bregðast við öllum þessum lyfjum og ath hvort hún fái lystina aftur en ef ekki þarf hún að fá sonduna sem er slanga í gegnum nefið og límd við kinnina og leiðir eitthvað aftur.  Skemmtilegt?  Ég get ekki séð Þuríði mína í anda vera með einhverja slöngu hangandi á sér, hún þolir ekki slöngur sem ég skil mjög vel og yrði ö-a fljót að rífa hana af sér.  En hann vill líka ath statusinn á maganum á henni því hún kvartar mikið undan verkjum sem eru kanski bara hungurverki en gæti verið eitthvað annað sem við vonum að sjálfsögðu ekki.

Hetjan mín sefur ennþá mjög mikið enda full af einhverjum lyfjum og það er frekar erfitt að skilja hvað hún er að reyna segja sem er ofsalega erfitt og sárt.  Hún kvartar samt ekki jafn mikið í höfðinu sem er bara best, kanski er pensilínið farið að virka á kinnholsbólgurnar?  Við erum nú farin að sjá hana brosa smá sem er ennþá betra og talar mikið um það hvað henni langar að fara til Lindu sinnar og strákana (uppáhaldin sín sem er systir mömmu og strákarnir hennar) og þá vitum við að það er farið að rofa aðeins til hjá henni allavega þegar hún tjáir sig aðeins meira en venjulega og segir hvað henni langi að gera.  Frábært!  Hún orkar samt ekkert að leika við nágranna vini sína sem eru mjög dugleg að koma hingað í heimsókn og bjóða þeim systrum yfir til sín og fer að sjálfsögðu ekkert í  leikskólann enda vill stúlkan bara rólegheitin með mömmu sinni.

Skólinn hjá mér byrjar eftir viku og ég er orðin frekar spennt að reyna gleyma mér í lærdómnum og það get ég alveg þó Þuríður mín er heima því hún sefur líka svo mikið greyjið og það fer líka ofsalega lítið fyrir henni þó ég vildi að ég þyrfti að hafa meira fyrir henni því þá vissi ég líka að henni liði betur. Bið spennt eftir ofvirkninni.  Ég ætlaði mér að bæta við tveimur fögum í skólanum og þá vera í sex en svo er ég hætt við, en eftir langa umhugsun held ég að ég sleppi því mun ö-a ekki höndla það allavega ekki fá níur og tíur í sex fögum eheh.

Svo er afmæli á morgun hjá litla íþróttaálfinu mínum honum Theodóri Inga, hann á reyndar ekki afmæli fyrr en 23.jan en það er engin tími en morgundagurinn.  Það verður Bubba byggir þema, búin að panta kökuna og drengurinn himinlifandi yfir því þó hann segist ekki vilja eiga afmæli eheh.  Veit ekki alveg hvort hann sé orðinn strax hræddur við aldurinn, hmmm!! Hann er bara fynndinn, ef ég spyr hann hvort hann eigi bráðum afmæli tryllist hann alveg og segist ekkert eiga afmæli.  Skrýtinn!

Er á leiðinni til mömmu með hetjuna mína og íþróttaálfinn sem var með gubbuna í gær en er orðinn góður í dag en hér er regla á heimilinu að þú verður alltaf degi lengur heima en veikindi segja svo þú verðir ekki aftur veikur þannig það var engin leikskóli hjá honum sem honum leiddist ekkert.  Finnst svo gott að vera hjá mömmu sinni litli mömmupungurinn.  Já ég ætla alltaf að reyna fara til mömmu í hádeginu en hún er dagmamma og alltaf heitt í hádeginu handa börnunum og reyna láta hana mata/pína Þuríði mína svo hún fái krafta sína aftur.

Eigið góða helgi kæru lesendur, verið góð við hvort annað.

Athugasemdir

[Þórunn Eva , 11.1.2008 kl. 11:16]

snilldar hugmynd að fara til mömmu þinnar í hádeiginu.. þegar að þau vilja ekki borða er oft betra að fara með þau eitthvað annað og þá oft narta þau aðeins.. belive me, i know... gangi ykkur vel og vonandi borðar hún eitthvað.... koss og knús á ykkur....

[Gunnar Helgi Eysteinsson, 11.1.2008 kl. 11:20]

[Bryndís R (IP-tala skráð) 11.1.2008 kl. 11:49]

Sendi ykkur mínar bestu stuðningskveðjur.

Og vona að afmælisveislan vekji nú lukku hjá töffaranum Er Bubbi byggir ekki málið hjá þessum gaurum?

[Kristín (IP-tala skráð) 11.1.2008 kl. 12:13]

 Gott hjá þér að fara til mömmu þinnar í mat með Litlu hetjuna , því það gæti örvað hana til að smakka á einhverju innanum krakkana.  Gangi ykkur vel með afmælisveisluna og góða helgi

[Halldór Jóhannsson (IP-tala skráð) 11.1.2008 kl. 13:05]

Þið eruð frábær.Kveðja

[Björk töffari (IP-tala skráð) 11.1.2008 kl. 13:51]

Góða helgi elsku Þuríður mín og megi guð gefa þér orku og styrk.Ég bið fyrir þér og kveiki á kertum og hugsa til þín.Vona að þér fari að líða betur elsku stelpa..kærleiksknús

[Þóra Pálsd (IP-tala skráð) 11.1.2008 kl. 14:00]

Kíki til ykkar daglega að fylgjast með litlu dömunni ykkar.  Kærleiks og baráttukveðja

Þóra og co. 

[Sólveig Jónsd (IP-tala skráð) 11.1.2008 kl. 14:47]

Góða helgi, kæra hetjufjölskylda.

[Halla Rós og Sturla Símon (IP-tala skráð) 11.1.2008 kl. 16:25]

Knúsar handa ykkur....

Eigið góða helgi og mikið innilega hvað við vonum að Þuríður Arna borði nú í það minnsta smá ;)

Knúsar og kram til ykkar, fallega fjölskylda        

[Brynja í vesturberginu (IP-tala skráð) 11.1.2008 kl. 17:27]

Góða helgiog vonandi fer matarlystin að verða meiri hjá dömunnikveðja úr vesturberginu

[Bergdís Rósantsdóttir, 11.1.2008 kl. 17:39]

Knús til ykkar allra.

Eigið þið yndislega helgi og vonandi fær hetjan sér smá Bubba byggir köku. 

Knús og kram.

[Linda Linnet Hilmarsdóttir, 11.1.2008 kl. 18:58]

Knús knús og kossar og góða helgi elsku fjölskylda

[Guðrún Jóna Gunnarsdóttir, 11.1.2008 kl. 19:28]

Elsku litla stelpan, kannski er hún komin með magabólgur af öllum veikindunum og lyfjunum. Nærist illa í þokkabót sem eykur enn á magavesenið, ógleðina og lystarleysið. Vítahringur sem stundum þarf að rjúfa. Kannski er það ekki það versta að hún fái sondu í stuttan tíma til að rjúfa þennan vítahring, næra hana og koma henni af stað. Sonda er auðvitað ekki fyrsta úrræðið en stundum það eina sem gagnar.

Vona að þetta hljómi ekki kalt, tala af reynslu mín kæra og meina vel. Óþægindin eru oftast ekki mikil, börnin ótrúlega fljótt að aðlagast eins og þú þekki manna best. En um leið og hún fer að fá næringu og magalyfin, kemur hitt smátt og smátt.

Til hamingju með prinsinn á morgun, vona að þið eigið góða helgi.  Skólinn mun gera þér gott, þú keppir að eigin markmiðum enda metnaðarfull fyrir sjálfa þig og þína fjölskyldu.

[Hólmfríður Bjarnadóttir, 11.1.2008 kl. 19:58]

Það er ekki nema von að Þuríður sé með verki í maganum af öllum lyfjunum, en vonandi fer hún að hressast. Sondan er ekki það versta því þá verður hægt að næra hana svo hún fari að braggast. Kanski er hún með ruglað bragðskyn af öllum lyfjunum og á erfitt með að borða vegna þess.

Rosa afmæliskveðjur til hans Theodór Inga töffara og íþróttaálfs. Gangi þér vel í skólanum. Guð veri með ykkur Fríða

[Katrín Ósk Adamsdóttir, 11.1.2008 kl. 22:23]

Góða helgi Áslaug og fjölskylda  Ég vona að hún Þuríður fari að braggast

[Calvín, 12.1.2008 kl. 00:39]

Þið mægðurnar eru báðar ótrúlegar hetjur en það er sárt að horfa upp þá sem maður þykir vænt um svona veika. Ég veit þó að með óbilandi trú ykkar og krafti þá birtir fljótt. Það er aðdáunarvert að sjá hve margir bloggarar hugsa til ykkar dag og nótt og ég veit að Guð vakir yfir ykkur og leiðir.

[Heiða (IP-tala skráð) 12.1.2008 kl. 09:28]

Baráttukveðjur til Þuríðar og knús til ykkar allra.  Eigið góðan afmælisdag
Kær kveðja, Heiða

[Calvín, 12.1.2008 kl. 12:54]

Einhverja hluta vegna þá var mér hugsað til ykkar Þuríðar litlu þegar ég hlustaði á Lara Fabian syngja Je t'aime á tónleikum. Ég tileinka lagið ykkar baráttu.