Niðurstöður komnar

Það var ekkert athugavert við myndirnar sem er náttúrlega bara best í heimi, en læknirinn vill að sjálfsögðu fylgjast áfram með henni vegna þessara verkja sem hann veit ekki afhverju þeir koma.  Eigum að hafa samband aftur í næstu viku og þá verður líka gerð ein önnur breytingin á flogalyfjunum hennar sem sagt enn meiri minnkun, vávh hver hefði trúað því að það væri hægt að minnka lyfin hennar svona mikið og kanski í lok sumars verður hún "bara" á tveimur gerðum af flogalyfjum í staðin fjagra.  Enn eitt kraftaverkið!!

Má til með að segja frá því en í febrúar eru tvö ár síðan hetjan mín krampaði síðast, einsog hún var slæm fyrir þann tíma en svo bara eftir fyrri geislameðferðina hættu þeir.  Geislarnir hittu sem sagt akkurat á þann punkt sem þeir þurftu að hitta á, úúúfffh einsog hún var orðin veik á þessum tíma fyrir tveimur árum og átti að vera fara frá okkur.  Var líka að hugsa um tíman fyrir ári síðan þá var Þuríður mín líka mjög veik eða í þrjá mánuði nærðist hún ekkert, þá meina ég EKKERT, lá hálfmeðvitundarlaus, með mikin hita þessa mánuði og enginn læknir vissi neitt.  Það er nefnilega það versta fyrir okkur foreldrana að lifa í óvissu og fá ekkert að vita, maður vill fá að vita hlutina þó þeir séu slæmir þá vitum við allavega við hvað við erum að díla. 

En nún ári síðar er þetta kraftaverk svona líka spræk, sýnir endalausar framfarir á hverjum degi, sýnir mikin áhuga að læra lesa sem ég veit að mun koma einn daginn hjá henni enda er hún líka með frábæran stuðningsfulltrúa í skólanum sem er endalaust þolinmóð við hana og góð.  Gæti ekki verið í betri höndum.  Við höfum alltaf verið svo heppin hvað það hefur raðast gott fólk í kringum okkur í veikindum Þuríðar, það er nefnilega ekkert sjálfgefið í þessum "bransa" að fá svona fólk í kringum sig.

Hérna er svo ein af hetjunni minni á þeim tíma sem hún var að veikjast, alveg sama hvursu dópuð hún var af lyfjum þá reyndi hún alltaf að brosa og hafa það gaman.  Ég man einmitt alltaf svo vel eftir því þegar hún var í krampa og var kanski að púsla rétt áður en krampinn kom þá lét hún hann ekki stoppa sig eða reyndi allavega ekki láta hann stoppa sig og reyndi einsog hún gat í krampanum að halda áfram að púsla.  Það er alveg ótrúlegur kraftur í þessari stelpu og lætur fátt stoppa sig.

Núna er mín gjörsamlega búin á því eftir daginn, ætla að koma börnunum í háttinn og kanski reyna gera eitt skólaverkefni þar að segja ef litla rjómabollan mín "leyfir" mér það (Skari er nefnilega að vinna).  Hann er nefnilega orðinn smá mömmupungur þó svo að drengurinn sé rétt rúmlega tveggja mánaða, finnur rjómalyktina af mömmu sinni hehe.

Athugasemdir

[Hólmfríður Bjarnadóttir, 3.2.2009 kl. 20:32]

Mikið eru þetta frábærar fréttir. Hef verið að kíkja á ykkur núna seinni partinn og var að verða smá nervus (bara smá smá) vissi sem er að það er mikið að gera á stóru heimili. Góðar kveðjur og Guð blessi ykkur öll

[Guðríður Haraldsdóttir, 3.2.2009 kl. 20:39]

Bara YNDISLEGT!!! Til hamingju með þetta allt saman!

[Jóhanna (ókunnug) (IP-tala skráð) 3.2.2009 kl. 21:12]

Bara frábært. Njóttu þess að dúllast við rjómabolluna þína, skólinn getur beðið til morguns

[Kristín (IP-tala skráð) 3.2.2009 kl. 21:23]

Er búin að hugsa mikið til ykkar í dag .Til hamingju með þessar góðu fréttir, Guð geymi ykkur stóra fjölskylda.

[Bryndís Baldv. (IP-tala skráð) 3.2.2009 kl. 21:34]

Þetta er alveg frábært að heyra hún er ótrúleg þessi stelpa og greinilega ekkert smá heppin að hafa fengið ykkur sem foreldra. 

Kv.frá einni sem kíkir oft inn en kvittar ekki...

[Sædís Hafsteinsdóttir, 3.2.2009 kl. 21:36]

ÚFF var búin að bíða í allan dag.Yndislegat frettir elsku áslaug og fjölskylda.Þið eruð öll hetjur serstaklega þú áslaug,svo dugleg móðir,ert í skóla og stórt heimili.Guð blessi ykkur öll

[Helga Magnúsdóttir, 3.2.2009 kl. 21:46]

Frábært alveg hreint. Gaman þegar gengur svona vel hjá Þuríði.

[hm (IP-tala skráð) 3.2.2009 kl. 22:15]

Dásamlegt! Hún er nú alveg jaxl þessi stelpa

[4 barna mamman (IP-tala skráð) 3.2.2009 kl. 23:08]

Gott að heyra að allt sé í góðu hjá hetjunni þinni.  Falleg mynd af henni  og Hinrik Örn...ekkert smá dúlla.  Tendra ljós fyrir ykkur fallega fjölskylda og sendi ykkur kærleiksknús yfir netið.

kveðja 4 barna mamman

[Emma Vilhjálmsdóttir, 4.2.2009 kl. 00:17]

Til hamingju með þessar yndislegu fréttir!  Dóttir ykkar er svo sannarlega kraftaverk og hópurinn ykkar mjög fallegur. 

Máttur bænarinnar er sterkur og sannar það sig enn og aftur núna. 

Gangi ykkur áfram svona vel kæra fjölskylda.  Ég mun alltaf hugsa til ykkar og fylgjast með ykkur hérna á blogginu.  Er svo hamingjusöm þegar ég sé hve vel gengur, en tek það svo afskaplega nærri mér þegar fréttirnar hafa ekki verið nógu góðar.  Núna verða þær bara góðar, allt upp á við!

Enn og aftur, til hamingju með þennan mikla sigur!

Ég held áfram að biðja fyrir ykkur. 

[Aprílrós, 4.2.2009 kl. 01:33]

Góðar frettir . Glæsilegt.

[María Guðmundsdóttir, 4.2.2009 kl. 06:09]

Bara frábært  hún er bara gangandi kraftaverk thessi stúlka.

[Sólveig (IP-tala skráð) 4.2.2009 kl. 09:57]

En hvað þetta er allt frábært að heyra.

Mínar allra bestu hamingjuóskir í húsið.

frá Sólveigu

[Elsa Nielsen, 4.2.2009 kl. 13:27]

Hún er snillingur og hörkutól ... eins og mamma sín ;)

Þetta er náttúrulega bara tær snilld!!!

KNÚÚÚÚS

[ókunn (IP-tala skráð) 4.2.2009 kl. 14:34]

Kemur ekki á óvart, þvílíkur baráttujaxl hún dóttir þín er. Áfram Þuríður, þú ert laaaaaaang flottust og duglegurst og ekkert smá rík með öll þessi fallegu sysktkyn í kringum þig ;)

[ókunn (IP-tala skráð) 4.2.2009 kl. 17:02]

Vávh... Innilega til hamingju með flottar fréttir :D Gangi ykkur rosalega vel áfram :)

[Súsanna (IP-tala skráð) 4.2.2009 kl. 18:17]

Þú ert soddan rjómabolla sjálf - ekki skrítið þó gaurinn finni lyktina ;)

Ég get endalaust tárast þegar ég les yfir bloggið þegar þú ert að rifja upp - Og vá hvað tíminn líður samt hratt!!

[Þorgerður (IP-tala skráð) 4.2.2009 kl. 18:18]

Yndislegt. Til hamingju.. Kveðja Þorgerður..

[Björk töffari (IP-tala skráð) 4.2.2009 kl. 18:24]

View Raw Image" height="413" src="http://s5.tinypic.com/250l9o1.jpg" style="width: 426px; height: 314px" width="550" />

Elsku Þuríður...takk fyrir yndislega heimsókn í dag og fyrir vonina sem ég ætla að hafa um hálsinn á morgun þegar meðferðin mín hefst...þú ert flottasta hetja sem ég þekki og guð gefi að þú fáir áfram að vaxa og dafna..love you

[Gísli Reynisson, 7.2.2009 kl. 02:37]

góðar fréttir.

www.aflafrettir.com

[Bergljót Hreinsdóttir, 8.2.2009 kl. 14:54]

Algjörlega frábært!!!