Nú liggur "vel" á mér...

Ég veitiggi alveg afhverju það hefur legið svona "vel" á mér í dag, kanski því helgin var ótrúlega skemmtileg hjá okkur fjölskyldunni.  Við fórum á Skoppu og Skrítlu á laugardaginn sem krökkunum fannst æði, Theodór sem er 9 mánaða sat sem fastast og horfði á einsog algjör prins.  Stelpurnar sátu að sjálfsögðu alveg stilltar og prúðar, sungu, hlógu og skemmtu sér konunglega.  Yndislegt!!

Þess á milli sem við vorum ekki í leikhúsinu var fullt hús hjá okkur af frábæru fólki sem okkur fannst ótrúlega gaman, Hnulli, Viktor og fjölskyldur takk fyrir bakkelsið og það var ótrúlega gaman að fá ykkur í heimsókn.

Okkur var boðið á Lækjarbrekku á laugardagskvöldið og þar sátum við við frameftir, borðuðum góðan mat, mikið hlegið og skemmtum okkur mjög vel.  Alltaf gaman að komast út í góðra vina hópi, maður gleymdi sér algjörlega þegar við fórum á Lækjarbrekkuna.  Enn og aftur takk æðislega fyrir okkur!!

Heyriði svo var mín send í nudd í dag, ohh mæ hvað það var ótrúlega nice!!  Takk Ólöf mín fyrir nuddið, það hefur losað greinilega um eitthvað því mér hefur liðið eitthvað svo "vel" í dag. 

Þuríður mín Arna er reyndar ekkert súper-hress, hún hefur litla orku, er alltaf krampandi og þá verður hún ennþá orku minni.  Helgin hjá henni var slæm með krampana að gera, þeir eru að aukast hægt og rólega.  Hún skemmti sér samt ótrúlega vel um helgina og við reynum að láta henni líða sem best og gera sem mest með henni og hinum tveim.

Athugasemdir

[Vigga (IP-tala skráð) 6.11.2006 kl. 21:05]

Æðislegt að heyra að það liggi vel á þér Áslaug mín. Það er frábært að sjá hversu mikið þú nýtur litlu hlutanna. Frábær gjöf frá mágkonu þinni að gefa þér nuddið. Þú ættir kannski að fara sem oftast þar sem nudd getur verið alveg undravert. Ég veit um eina góða sem ég þarf endilega að "koma" þér til!!
Við sjáumst svo á miðvikudag.
Kv. Vigga

[Ívar, Anna og fj. (IP-tala skráð) 6.11.2006 kl. 21:55]

Það er frábært þið hafið tíma til að slappa af og njóta lífsins inn á milli. Það gefur ykkur orku til að takast á við hlutina.
Myndirnar voru æðislegar af þeim á leikritinu ég vildi næstum óska þess að Sóldís hefði aldur til að fara líka :)
Þið standið ykkur frábærlega :)
Kveðja
Anna

[Hnulli og fj. (IP-tala skráð) 7.11.2006 kl. 09:40]

Elsku fjölskylda, takk fyrir okkur, það var yndislegt að koma í heimsókn og hitta ykkur öll. Börnin ykkar eru algjörar perlur, Þuríður og Oddný þvílíkar pæjur og grallarinn Theodór er bara flottastur, algjör snúlla.
Gott að heyra að það komi líka góðir dagar hjá þér Áslaug, og vonandi verða þeir fleiri og oftar á næstunni. Börnin ykkar eru ótrúlega heppin að eiga jafn samheldna og góða foreldra eins og þið eruð, við sáum og fundum það greinilega í þessari stuttu heimsókn.
Kveðjur og knús Hnulli,Áslaug, Bryndís og Birna

[Guðrún Bergmann og co. (IP-tala skráð) 7.11.2006 kl. 09:43]

Elsku Áslaug þetta er frábært að heyra þið eigið þetta lika svo sannarlega skilið og þetta er svo nauðsynlegt þegar allt er eitthvað svo svart :-)
Maður fær líka góða orku af hamingju og hlátri ekki spurning og náttl. nuddi mar.
kv Guðrún Bergmann og co.

[Eva systir Lindu (IP-tala skráð) 7.11.2006 kl. 09:52]

Kæra fjölskylda,

Linda (Hof-Útilíf)hefur sagt mér frá ykkur og langar mig bara að senda ykkur baráttukveðjur.
Gaman að heyra að góðu dagarnir koma inná milli og að þið náið aðeins að njóta.

Kveðja
Eva

[Brynja (IP-tala skráð) 7.11.2006 kl. 10:27]

Elsku vínkona gaman að heyra hvað helgin var frábær æj það er svo langt síðan ég hef heyrt í þér. En það styttist við verðum í bandi.
kv. Brynja.
p.s. er alltaf með hugann hjá ykkur.

[Hrafnhildur Ýr (IP-tala skráð) 7.11.2006 kl. 10:40]

Rosalega gott að heyra að þetta hafi verið góðir dagar hjá ykkur.
Hlakka mikið til að koma á tónleikana annað kvöld.

[Linda (IP-tala skráð) 7.11.2006 kl. 13:21]

Já ég fylgist skmeð ykkur hérna, hún Þuríður Arna er náttúrulega algjört ljós.
Mæti á tónleikana auðvitað:)
Kv. Linda Björk

[Oddný (IP-tala skráð) 7.11.2006 kl. 14:36]

Gaman að heyra hvað helgin var frábær. Ég hugsa alltaf til ykkar og get vonandi komið í heimsókn næst þegar ég verð í RVK.
Ég kemst því miður ekki á tónleikana, þar sem ég er fyrir norðan, en mamma og Vala vinkona stefna á að koma \"fyrir mína hönd\".
Knús, Oddný