Engin fyrirsögn

Þuríður mín er ofsalega hress en samt ótrúlega þreytt, þetta eru erfiðir dagar hjá minni þar sem hún er 4x í viku í endurhæfingu sem að sjálfsögðu tekur á litla kroppinn hennar.  Hún nánast bíður eftir því að klukkan sé orðin átta á kvöldin þá fer mín að sofa og sefur til morguns, oft fer hún uppí rúm eftir skóla bara til að hvíla sig en ekki að sofa.  Hún hefur nefnilega verið að fá smá kippi í annað augað og þá fer mömmuhjartað afstað, kvíði og leiðindi, svo hrædd um að hún sé að fá krampa.  Það þarf ekki mikið að ske að allt fari í hnút hjá mér en þá er líka bara best að panta tíma hjá doktor Óla og ath þessi mál. 

Lítið annað að segja nema það er alveg brjálað að gera, Theodór minn töffari bíður eftir sinni fyrstu fótboltaæfingu sem er á mánudaginn.  Hann ætlar sér sko að safna sér fyrir hlífum og fótboltaskóm hehe en búinn að fá markmannshanskana.  Bara flottastur!!  Oddný Erla mín er á FULLU í fimleikunum og er orðin geðveikt flínk og liðug, þvílíkur munur á bara mánuði og hún hreinlega elskar þetta.  Hinrik minn er ekki lengur rjómabolla, hjúkkurnar vilja að hann fái olíu í matinn sinn en haaaaalllóóó það er ekki einsog ég sé að svelta drenginn og svo hafa öll okkar börn ekki verið með mikið utan á sér þannig þetta er bara eðlilegt.

Athugasemdir

[Ragnheiður , 1.10.2009 kl. 13:47]

ha..? rann allt af Hinrik hehe..

Rosalega líst mér vel á Theódór, ungur maður með allt á hreinu

Ég vona að ekkert sé að Þuríði annað en tímabundin þreyta.

Oddný Erla er snillingur.

Og þú sjálf ert frábær mamma !

Takk fyrir að gleðja mig í dag, fer brosandi í vinnuna mína ...

[Kristín (IP-tala skráð) 1.10.2009 kl. 14:21]

[Áslaug Ósk Hinriksdóttir, 1.10.2009 kl. 14:28]

Allt runnið af drengnum sem fer á rassinum útum allt samt borðar hann einsog hestur.

Æji takk fyrir þessa fallegu kveðju.
Knús til þín.