Fyrsti jólin hennar Þuríðar minnar....

....sem hún hefur getað notið í botn en samt er stúlkan sex og hálfs árs gömul.  Hún hefur sýnt allt sem öll börn sýna á þessum hátíðardögum sem er í fyrsta sinn á hennar ævi, hún er búin að vera hrikalega spennt, naut sín í botn að opna gjafir sínar og það var alveg sama hvað var í pökkunum þá kættist hún yfir því öllu.  Mamman á heimilinu var glöðust yfir því hvað börnin fengu mikið af fötum þessi jólin enda að vaxa uppúr þeim öllum og þá þarf að versla minna af þeim á útsölunum, jíííhhaaaa!!  Þuríður mín var samt spenntust yfir pakkanum sem hún gaf foreldrum sínum eða það sem hún föndraði í skólanum sínum, hún hélt fast utan um pakkan allan þann tíma sem við borðuðum og svo var hún alltaf að reyna laumast að opna hann hehe.  Var svo stollt af gjöfinni sinni sem var bara gaman að sjá og við líka ótrúlega  hamingjusöm með gjöfina hennar eða þeirra allra og það sem hin gerðu í leikskólanum.

Það er alveg ótrúlegt hvað það gefur manni mikið að horfa á börnin sín opna gjafir sínar,ég þarf sko engar gjafir það er nóg að sjá börnin sín glöð.  Ég fékk samt nokkrar og get farið í mollið eftir áramót og keypt mér föt fyrir gjafabréfin mín, reyndar ætla ég ekki að gera það fyrr en ég er orðin ánægðari með sjálfan mig eftir meðgönguna.

Annars er bara náttfatadagur hjá okkur fjölskyldunni í dag, Oddný Erla mín er reyndar að máta öll fötin sín sem hún fékk í jólagjöf, hin tvö eru bara að leika saman og hnoðrinn minn liggur í mömmukoti sem er bara yndislegast.  Á morgun eru það styrktartónleikarnir sem við Skari ætlum að sjálfsögðu að mæta á ásamt hnoðranum mínum sem verður bara með velvarin eyru.  Hlakka mikið til.  Svo fer alveg að líða að uppáhalds degi Þuríðar minnar sem eru áramótin sem ég er reyndar líka spennt fyrir.

Ætla halda áfram að horfa á möndluvinninginn minn sem er Ladda-dvd, fyrsta sinn sem ég vinn þá gjöf. Jabbadabbadú.

Athugasemdir

[Hulla Dan, 26.12.2008 kl. 18:01]

Vona að jólin verði eftirminnilegustu jól ever

Njótið ykkar í botn og látið ykkur líða vel.

Knús og kossar frá DK.

[Gudrún Hauksdótttir, 26.12.2008 kl. 18:22]

Bestu óskir um áframhaldandi gledieg jól til ykkar elskulega fjölskylda

Hjartanskvedjur frá Jyderuyp

[Aprílrós, 26.12.2008 kl. 23:36]

Frábært að Þuríður naut sín á pakkadeginum, eins og öll hin börn og foreldrar. Ekki síður minna fyrir foreldrana að fylgjast með gleði barna sinna.

Áframhaldandi jóla ást og gleði. ;)

[Hólmfríður Bjarnadóttir, 27.12.2008 kl. 01:31]

Mikið er gleðilegt að lesa um þessi góðu jól og ekki er síður ánægjulegt að uppselt sé á tónleikana. Njótið daga og nátta með ykkar yndislegu börnum. 

Skemmtið ykkur vel á tónleikunum.

[Agnes Ólöf Thorarensen, 27.12.2008 kl. 14:44]

Yndislegt að lesa færsluna þína.Gleðileg jól til þín og þinna og góða skemmtun á tónleikum..

[Agný, 27.12.2008 kl. 14:51]

Gott að lesa um það hversu spræk og fjörug Þuríður er. þannig á það að vera. Óska ykkur svo öllum bara gleði og góðs á nýja árinu.

[Kristín Gunnarsdóttir, 27.12.2008 kl. 16:10]

Yndislegt að alt gengur vel. Gleðilega jólarest. Kærleikur til ykkar

[Unna (IP-tala skráð) 28.12.2008 kl. 02:32]

Bestu jólakveðjur til ykkar yndislega fjölskylda.

[Linda Linnet Hilmarsdóttir, 28.12.2008 kl. 19:46]

Jólakvitt og ljúfar kveðjur til ykkar elsku fallega ljúfa fjölskylda:):):)