Einsog þið hafið tekið eftir.....

.....þá hef ég tekið út færsluna sem ég skrifaði í morgun, ástæðuna segi ég ykkur síðar

Útí annað þá líður Þuríði minni ótrúlega vel miða við allt saman, þeir sem hafa hitt hana síðustu daga hafa nefnt glampan í augum hennar.  Hún er miklu hressari en hún hefur verið síðustu vikur sem er endalaust gaman og þá líður manni líka ótrúlega vel í hjartanum.  Hún hefur "bara" verið að fá 1-2 krampa á dag sem er nottla níu sinnum minna en vanalega, æjhi það er bara gaman að sjá hana svona.

Theodór minn Ingi er að fá rör í eyrun á morgun, vonandi fer hann þá að sofa alveg allar nætur sem væri "very nice" enda er ég gangandi í svefni alla daga.  Ég þarf orðið tannstöngla til að halda augunum mínum opnum á daginn, dóóhh!!

Þuríður mín fer í þroskapróf á fimtudaginn uppá spítala, spurning hvernig það fer?  Held að hún hafi enga þolinmæði í svoleiðis vitleysu eða henni finnst það ö-a vitleysa eheh.  Erum búin að fá hjólastólinn hennar hingað heim, hún er ekkert að nota hann eða hún kanski leikur sér í honum og er ótrúlega dugleg að rúlla sér í honum.  En hún mun víst þurfa nota hann þegar á líður því verr og miður.

Ég vill þakka öllum sem hafa komið í heimsókn til okkar enn og aftur takk fyrir komuna það er ótrúlega gaman að fá ykkur öll í heimsókn, þykir mjög vænt um það.  Erum búin að fá heimsóknir á hverjum degi síðan við fengum fréttirnar og það er búið að vera ósköp notanlegt, knús og kossar!!

Ég er ennþá mjög viðkvæm og held að það lagist ekkert allavega ekki á næstunni, ég skammast mín ekkert fyrir að segja það en þá koma alltaf einhver tár á hverjum degi það þarf ekki mikið til að þau komi.

Verið dugleg að knúsa börnin ykkar eða þá sem eru næst ykkur og við segjum aldrei nógu oft hvað okkur þykir vænt um hvort annað.
Knús og kossar!!
Slauga

Athugasemdir

[Hrafnhildur Ýr (IP-tala skráð) 24.10.2006 kl. 18:12]

Frábært að heyra að Þuríði líði vel. Það hjálpar þeim sem að henni standa að takast á við lífið í dag. Vona að Theodór eigi eftir að sofa á nóttunni þegar rörin eru komin. Þau svínvirkuðu á dóttur mína þegar þau voru sett í hana 11 mánaða. Sátu föst þangað til í haust þegar það þurfti að taka þau. Orðin of stór fyrir þau.
Vona að þið og Þuríður eigi sem flesta "góða daga" fram undan. Hugsa mikið til ykkar á hverjum degi og reyni að senda góða strauma til ykkar.
Kv.Hrafnhildur Ýr

[Olof Olafsdottir (IP-tala skráð) 24.10.2006 kl. 20:20]

Haltu áfram að vera frábær..og yndislegt að Þuríði líði betur..Bkv. Ólöf..

[Elsa NIelsen (IP-tala skráð) 24.10.2006 kl. 20:24]

Ofsalega er gaman að heyra hvað Þuríður Arna er hress. Vonandi færðu svo að sofa Áslaug mín þegar rörin eru komin í Theodór dúllu ;) KNÚS

[Kristgerður Garðarsdóttir (IP-tala skráð) 24.10.2006 kl. 23:20]

Sæl.
Hef fylgst með ykkur á netinu í langan tíma. Kannast aðeins við Óskar úr sundinu og núna langar mig óskaplega að skrifa nokkrar línur. Það er ótrúlegt hvað sumt fólk má þola og nú renna tárin niður þegar maður les nýjustu færslur ykkar. Þið eruð ótrúlega strek að skirfa raunir ykkar á netið og ég held að það hjálpi ykkur þegar fram líða stundir. Það væri gaman að fá lykilorðið á myndirnar á banalandi. Ef þið viljið ekki gefa það skil ég það mjög vel. Biðjum góðan guð að styrkja ykkur í komandi baráttu og vonandi haldið þið áfram að skifa á netið.
Kveðja
Kristgerður Garðarsdóttir