Fer hann að sofa betur?

Fór með hann Theodór minn Inga til einn af krabbameinslæknunum hennar Þuríðar minnar en þeir eru allir með tölu alveg frábærir og ekki bara tilbúnir að sinna henni Þuríði minni eftir bestu getu heldur eru þeir líka tilbúnir að gera allt fyrir hin börnin okkar.  Þeir eru ekki skyldugir til þess en gera það samt BARA fyrir okkur og sinna þeim öllu ótrúlega vel, alltaf megum við hringja í þá hvenær sem er alveg sama hvað klukkan er.  BESTIR!!

Allavega þá skoðaði doktorinn hann útí gegn, það lekur rosalega úr öðru eyranum hans það er víst einhver bólga bakvið rörin að mig minnir þannig drengurinn fer á pensilín og eyrnadropa.  Svo vill doktor Jón láta hann fá lyf til að breyta svefn hans og koma einhverri reglu á það, þannig ég ætti kanski að byrja sofa í nótt í næstum því tíu mánuði.  Hibbhibbhúrrey!!  Hann sagði að lyfin ættu að byrja virka strax þannig ég er frekar spennt fyrir nóttinni.

Ég er gjörsamlega búin á því, núna vantar mig virklega bensín svona án gríns.  Ég geng í svefni alla daga, er einsog einhver vofa.  Ohh boy hvað svefn er mikilvægur!!  Dæssúss mar, er ekki alveg að meika þetta en það sem heldur mér gangandi er hún Þuríður mín superhetja sem er svona líka hress og farin að rífa kjaft í leikskólanu.  Held svei mér þá að það hafi aldrei gerst, foreldrar eru nú oftast ekki ánægðir með það þegar börnin sín eru að frekjast og rífa kjaft en við erum það samt því þá er hún Þuríður mín að líkjast sjálfri sér og öðrum börnum  .

Ég spurði annars aðal geislalækninn í morgun hvernig það stæði eiginlega á því að hún Þuríður mín er ekki búin að krampa í næstum því í viku?  Hmmm stórt er spurt en fátt er um svör? Hann hafði kanski ekkert eina skýringu á því en hélt kanski að geislarnir fóru beint í að drepa einhverjar frumur þarna sem valda krömpunum, vííí!!  Enn svo getur sprengjan komið og æxlið fer að bólgna og þá versna kramparnir trilljón sinnum meira þannig við njótum hvern dag fyrir sig. 

Við erum alveg meðvituð um að hún muni væntanlega byrja krampa á fullu eftir ekkert svo langan tíma en við reynum ekki að hugsa svo langt frammí tíman og njótum þessa daga í botn.  Bara gaman!!

Þá erum við fjölskyldan að fara gera okkur tilbúin á jólaball hjá styrktarfélaginu sem stelpurnar hlakka mikil til en mikið hlakka mig til að leggjast á koddan í kvöld og vonast til að fá allavega sex tíma svefn, bið ekki um meir!!

Athugasemdir

[Helga Linnet, 20.12.2006 kl. 15:45]

það er sko alveg í lagi að gefa svona grislingum eins og honum smá lyfja-aðstoð víst hann er svona slæmur. Það eru margir með fordóma gagnvart því að gefa svona litlum krílum lyf en þegar þetta er orðið að fastri rútínu er erfitt oft á tíðum að breyta því. Haldið ykkar striki og ekki láta neina kjaftakellingu segja við ykkur e-ð annað en það sem læknarnir mæla með. Þið gerið þetta á YKKAR forsendum og engum öðrum og ÞIÐ vitið hvað er best.

kannski við bara hittumst á eftir á jólaballinu, hver veit

[Anna Lilja (IP-tala skráð) 20.12.2006 kl. 15:46]

Frábært að heyra hvað Þuríður er hress þessa dagana. Vonandi fer litli kútur að sofa betur.

Knús

Anna Lilja 

[Gunnar Helgi Eysteinsson, 20.12.2006 kl. 16:21]

Sammála Helgu Linnet.
Það er svo sérstakt að maður verði glaður yfir svona smá hlutum eins og að barnið manns "rífi kjaft"...

Vonandi sefur Theodór, svo þú getir sofið...

[Þórunn Eva (IP-tala skráð) 20.12.2006 kl. 16:23]

hæ hæ  vonandi sefur Theodór í nótt... :) og hafið það gaman í dag á jólaballinu :)

kv Þórunn Eva

[Betan (IP-tala skráð) 20.12.2006 kl. 16:34]

Góða skemmtun á jólaballinu

[Petra (IP-tala skráð) 20.12.2006 kl. 19:41]

Hæhæ ég er alveg bláókunnug.. en ég fylgist samt mjög vel með hérna á síðunni og finnst alveg indislegt að heyra hvað það gengur vel og hvað þið eruð öll jákvæð og frábær, það þýðir víst ekkert annað;) ég óska ykkur gleðilegra jóla og vona að þið munuð eiga alveg yndisleg jól. Þið eruð öll hetjur;) og ég held að þið getið ekki ímyndað ykkur hvað þið kennið öðrum um lífið og hversu dýrmætt það er að njóta þess með skrifum ykkar hér.

kveðja Petra

[Bylgja (IP-tala skráð) 20.12.2006 kl. 22:28]

eg er líka bláókunug, en mikið eru þið sterk :) og algjörir gullmolar sem þið eigð =) en eg sendi þer póst var að pæla hvort þú hafir fengið hann? þarf alls ekki að svara honum en langar bara vita hvort þú hafir fengið hann? 

kv Bylgja

[Linda Birna (IP-tala skráð) 21.12.2006 kl. 00:23]

Frábært að heyra hvað Þuríður Arna er hress þessa dagana. Njótið þess á meðan það er, sem vonandi verður alltaf. En hvað varðar svefnin á litla kút, þá finnst mér æði að það sé hægt að gera eitthvað fyrir hann líka. Mikið ætla ég að vona að þú sofir líka Áslaug, því að þú ert líka komin í rútínu með lítin svefn. Vonandi var æðislegt á jólaballinu. Guð veri með ykkur.
Kær kveðja Linda Birna.

[katrín atladóttir, 21.12.2006 kl. 09:42]

jæja slumma, hvernig gekk að sofa?

hehe ég er ýkt spennt að vita.. ertu kannski bara ennþá sofandi?;)

 knús