Mánuður rannsóknar

Maístjarnan mín er ofsalega hamingjusöm í nýja skólanum sínum - þar sem hún finnur sig sterka, er að leika við vinkonur í fríminútum sem hún þekkti ekki fyrir sem mér finnst BEST í heimi.  Hún er líka ofsalega þreytt þessa dagana, mikil viðbrigði að vera komin alltíeinu á fullt og þurfa vakna mjög snemma á morgnanna enda rotast hún um leið og hún leggst á koddann sinn á kvöldin.  Hún reyndar kvartar smávegis undan hausverk og mamman fær alltaf hnút í magann þegar það gerist enda mjög langt síðan hún fór síðast í rannsóknir sínar eða sjö mánuðir en hún á að fara næst 17.sept eða 24.sept.  En að sjálfsögðu kemur allt vel út en ekki hvað.

Konan var annars matgæðingur vikunnar í nýjasta tölublaði Vikunnar svo ef þig langar að eignast eitt eintak þá myndi ég hlaupa útí búð NÚNA áður en það verður uppselt.  Skemmtilegt að koma í einhverju blaði án þess að þurfa ræða veikindin - skemmtileg tilbreyting og gæti alveg hugsað mér að hafa þetta að venju þar að segja koma með uppskriftir vikulega.  Gaman að geta gleymt sér í eldhúsinu og elda góða kjúklíngarétti en ef þig vantar góða uppskrift af kjúkling þá endilega kíktu á www.vefeldhus.is en þar eru allir girnilegu réttirnir "mínir" en Holta kjúklingar hafa styrkt mig um kjúkling svo ég get glatt alla kjúklingaaðdáendur.  Ætla að reyna gera nýja rétti vikulega en krakkarnir mínir elska að smakka nýja rétti þess vegna er þetta líka svo gaman.

Verð svona í lokin að monta mig aðeins af snillingunum mínum:

Hérna er Gulldrengurinn minn á leiðinni í afmæli - hann elskar að klæða sig upp þrátt fyrir að elska líka að vera í fótboltagallanum allan daginn.  Þvílíkur töffari og hann veit alveg af því.

 

 

 

 

 

 

 

 

 

 
Gulldrengurinn minn var að keppa um helgina í svona líka skemmtilegu veðri eða þannig - þvílíkt drullumall í Mosó en honum gat ekki verið meira sama og stóð sig FRÁbærlega en ekki hvað.

 

 

 

 

 

 

 

 

 

 

 

 
Hérna er DraumaDísin mín en hún varð fjagra mánaða á föstudaginn - eftir að hún lagaðist í mallakútnum sínum þá varð hún algjör DraumaDís þrátt fyrir að leyfa ekki mömmu sinni að sofa á nóttinni þá er hún bara svo yndisleg að það er ekki hægt að kvarta undan henni.

Smá update

Fyrir einhverjum vikum ætlaði ég að fara monta mig á því að það væru liðnir heilir 23 dagar frá síðasta krampa en það var eitthvað sem sagði mér ekki að gera það því daginn eftir byrjaði Maístjarnan mín að krampa og svo leið rúm vika þanga til næst.  ARGH!!  Ég lýg því ekki en það er ofsalega erfitt og sárt að horfa uppá hana í krampa því hún er svo hrædd og farin að öskra úr sér lungun þegar hún fær þá og maður getur ekkert gert fyrir hana nema vera til staðar og haldið í hendina hennar.  Ofsalega erfitt! 

Hún er nú samt búin að vera ágætlega hress í sumar - auðvidað koma dagar sem hún vill bara liggja og hvíla sem hún fær að sjálfsögðu. Hún er dugleg að kúpla sig útur hávaða og ef hún þreytt að leika þá fer hún bara inní herbergi og lokar sig af - hún finnur alveg þegar hún þarf hvíldina sem er gott.

Maístjarnan mín er að byrja í nýjum skóla í haust eða Klettaskóla sem við erum ofsalega spennt fyrir og ég veit að þar á hún eftir að eignast góða vini og njóta þess að vera sterki einstaklingurinn en ekki ALLTAF sú lakasta í öllu.  Ég er ofsalega spennt að sjá hana blómstra því ég veit að þarna á hún "heima".

Hún átti að fara í rannsóknir sínar í þessum mánuði en einsog margir vita þá er búið að vera "rugl" í gangi hjá geislafræðingunum svo rannsóknum hennar frestast frammí sept eða við tökum ekki annað í mál að hún fari í næsta mánuði því þá er liðið meira en hálft ár síðan síðast og ég læt ekki lengri tíma líða á milli en þegar hún greindist síðast þá liðu 9 mánuðir og hún var alveg að "renna út á tíma" með að leggjast undir gammahnífinn í Svíþjóð.

Litla DraumaDísin mín er búin að vera lasin eða dagur tvö í hita og sleni - mikið rosalega finnst manni alltaf erfitt þegar þau eru lasin sérstaklega þegar þau eru svona lítil en hún er rétt rúmlega þriggja mánaða.  Hún hefur ekki mikið leyft mömmu sinni að sofa síðan hún fæddist - vaknar mjög oft og sefur lítið sem ekkert á daginn og ég get alveg viðurkennt það að mamman á ekki mikið bensín eftir. 

Annars eru allir spenntir fyrir vetrinum og við farin að telja dagana í jólin enda okkar uppáhalds tími.

Afsakið hlé...

...við erum bara að njóta lífsins. 
Litla DraumaDísin okkar orðin þriggja mánaða.

Afmæliskort og fleira....

Þá er Blómarósin mín 9 ára búin að gera afmæliskort sem hún er að selja ef ykkur langar að kaupa - 10 stk í pakka ásamt umslögum á 1500kr.  Stúlkan er að safna sér fyrir utanyfir galla í fimleikana og fleira sem tengist þeim.  Ef þú hefur áhuga þá sendu endilega á mig póst á [e-mail]












Þetta eru kortin í pakkanum.

Annars er ofsalega lítið að frétta af Maístjörnunni minni - jú hún er ennþá þreytt og leggur sig á daginn, fær krampana sína en er ofsalega fegin að vera komin í sumarfrí svo núna bíðum við bara eftir því að eiginmaðurinn fari í fæðingarorlof sem byrjar 1.júlí (í mánuð) og Blómarósin sem er alltaf á fimleikaæfingum þá getum við farið að gera "allt og ekkert".

Rannsóknir Maístjörnu minnar verða í ágúst en þá verður allt skoðað sambandi við flogalyfin og þess háttar - hvort það þurfi að gera breytingar þar sem það er frekar erfitt að halda krömpunum niðri.

Enda færsluna mína svo á einni mynd sem Blómarósin teiknaði í morgun - já ég veit ég get endalaust montað mig af því sem börnin mín gera og jú og svo einni mynd af Gull-drengnum (7 ára) sem var að keppa á Norðurálsmótinu um helgina og stóð sig hrikalega vel.

 

 

 

 

 

 

 

 

 

 

Örlítið af Maístjörnu minni....

Maístjarnan mín er ofsalega þreytt þessar vikurnar - þarf orðið að leggja sig á daginn og er samt sofnuð snemma á kvöldin þannig ég get alveg viðurkennt það að ég hafi pínu áhyggjur af henni enda búin að panta tíma fyrir hana hjá doktor Ólafi, er ekki alveg vissum að ég vilji bíða með rannsóknir frammí ágúst ef hún heldur svona áfram.  

Ég vaknaði t.d. í morgun við geðveik öskur en þá var hún að fá stóran krampa (tvo í röð) og varð svona líka hrædd.  HELV.... krampar alltaf hreint - nýbúið að stækka lyfjaskammtinn hennar, frekar erfitt að halda þeim niðri.

Hún bíður annars spennt eftir því að komast í sumarfrí en það eru bara þrír dagar eftir af skólanum og mikið rosalega ætlum við að njóta þess í sumar.  Stefnan tekin á að fara í annað umhverfi og leyfa henni að slappa af sem mest (og hinum líka) - erum komin með bústað í viku en það elskar hún.

Hún mun skipta um skóla í haust og fara í Klettaskóla sem hún er ROSAlega spennt fyrir - held að það verði bara góðar breytingar fyrir hana.  Eignast vini og finna að hún er sterk í einhverju.

Örlítið "update" af minni flottu Maístjörnu sem er nánast alltaf hamingjusöm þrátt fyrir allt.

Hún á afmæli í dag....

Elsku besta og flottasta Maístjarnan mín er 11 ára gömul í dag - hver hefði trúað því að hún myndi ná 11 ára aldri, allavega ekki læknar okkar, mikið rosalega er ég þakklát fyrir að læknar okkar vita ekki allt og ég líka aðeins of glöð með að Maístjarnan mín er sú allra þrjóskasta sem ég þekki.

Tilefni dagsins fékk litla DraumaDísin okkar nafnið sitt en hún var skírð Jóhanna Ósk - Maistjarnan mín fékk að halda á henni undir skírn, Blómarósin sagði nafnið hennar og bræðurnir héldu á kerti og fengu svo að opna pakka DraumaDísinnar þannig allir voru með hlutverk í veislunni.

Yndislegur dagur að baki með okkar yndislegum ættingjum og vinum.






















Hérna er ein af okkur mæðgunum en DraumaDísin er 13 daga á myndinni en hún er ótrúlega vær og góð.

















Afmælisbarn dagsins - Maístjarnan mín.

Afmælissystur

 

 

 

 

 

 

 

 

 

 

 

Er lífið ekki dásamlegt - afmælissysturnar að kynnast.  Ég er ótrúlega heppin ef ég fæ eitthvað að halda á henni.  Þessi litla DraumaDís er ótrúlega heppin hvað hún á mörg systkin sem eru tilbúin að gera ALLT fyrir hana - verðandi dekurrós!

DraumaDísin mætt á svæðið....

Þegar við tilkynntum krökkunum okkar það að þau ættu von á systkini og ég væri sett 13.maí sagði Blómarósin okkar strax að henni langaði að fá hana í afmælisgjöf (30.apríl) og þyrfti þá sko enga afmælisgjöf frá okkur hvað þá að fara á Fabrikkuna einsog við lofuðum henni - væri nóg að eignas litla systir á afmælisdaginn.  Ég sagði henni nú að það væri frekar ólíklegt að hún kæmi á afmælisdaginn en maður vissi samt aldrei.

Viti menn 30.04.13 kl 17.12 eftir fjagra klukkutíma hríðaverki var 15 marka stúlka og 53 cm mætt á svæðið svo Blómarósin fékk ósk sína ræsta og grét af gleði í símann þegar við hringdum í hana hálftíma eftir komu hennar og ég held að hún sé ennþá grátandi af gleði.  Þvílík drauma-afmælisgjöf!! Hún fékk samt pakka frá okkur og þurftum við að sjálfsögðu að aflýsa Fabrikku-ferðinni - fyrst að DraumaDísin okkar kom á afmælisdag hennar höfum við ákveðið að nýta afmælisdag Maístjörnu okkar 20.maí til að skíra en ekki hvað? :) 

Hérna eru allir í skýjunum með nýjasta fjölskyldumeðlimin sem er hreint út æðisleg og við foreldrarnir erum frekar heppin ef við fáum að halda eitthvað á henni - sem sagt verðandi dekurdós.

 

 

 

 

 

 

 

 

 

 

 

 
DraumaDísin okkar á leiðinni heim af spítalanum fimm klukkutíma gömul enda ekkert í boði að hanga eitthvað á spítalanum þegar systkinin bíða spennt heima að hitta mann.

Örstutt....

Bara litlar fréttir þar sem það er svo langt síðan síðast - Maístjarnan mín er að krampa meira en venjulega, kvartar mikið undan hausverk og tryllist ef ég ætla að reyna setja teygju í hárið hennar.  Þannig ég fæ að setja lausa teygju í toppinn hennar svo hárið "flækist" ekki fyrir henni.  Annars er hún ágætlega hress, jú hún sofnar snemma flest kvöld og finnur alveg þegar hún er orðin þreytt um helgar og fer oftast undan systkinum sínum að sofa því hún finnur að orkar ekki meir.

Hún fékk að halda uppá afmælið sitt í vikunni þrátt fyrir að eiga ekki afmæli fyrr en 20.maí - þar að segja fyrir bekkjarsystur sínar og þar mættu 17 stk og hún skemmti sér aðeins of vel.  Æðislega gaman að sjá hvað bekkjarsystur hennar eru duglegar að mæta til hennar þrátt fyrir að hún er ekki að tengjast þeim neitt, þannig séð!  Ástæðan fyrir því að hún hélt afmælið sitt svona snemma er jú, konan er alveg að fara eiga og nennir ekki að vera með veislu(r) þegar hún er nýbúin að eiga nema kanski fyrir fjölskylduna þar sem Blómarósin fékk líka að halda afmælið sitt fyrr en hún á afmæli 30.apríl.

Skemmtilegur tími framundan og allir eru að springa úr spenning.....

Fallega Stjarnan mín

Fallega Maístjarnan mín um helgina:

 

 

 

 

 

 

 

Hún er því miður alltaf að fá krampa öðru hvoru og það er alltaf jafn erfitt - ÞOLI EKKI þá daga.