Ástandið á heimilinu

Púfffh mér var búið að kvíða fyrir deginum í gær í nokkra daga ekki það að ég vissi að sá dagur yrði einsog hann var í gær en samt búin að kvíða fyrir þessum degi sem ég vissi ekki hvenær hann kæmi?   Hún Þuríður mín nefnilega byrjaði að krampa í gær og var búin að vera krampalaus í sirka 18daga og átt yndislega 18daga en svo kom af því, því verr og miður.  Reyndar var krampinn ekki stór en þetta var samt krampi og mér leið einsog ég var að sjá fyrsta krampann hennar mér leið svo illa og brá svona líka, fór næstum því að grenja.  Ohh það var svo leiðinlegt að sjá hana byrja krampa aftur að hálfa væri miklu meir en nóg, hún er líka frekar þreytt þessa dagana þannig maður veitiggi alveg hvernig ástandið er á henni þessa dagana allavega erfitt að segja.  Sprengjan gæti verið að fara koma þar að segja æxlið fara að bólgna og kramparnir versna tífalt æjhi vona samt ekki.

Áramótin hjá henni voru æðisleg, við keyptum aðeins meiri bombur en við erum vön að gera BARA fyrir Þuríði mína litlu bombukonu mína sem elskar að horfa á ljósin og hlusta á lætin og halda á 500 stjörnuljósum.  Ohh my hvað gleðin skein af henni um áramótin, yndislegur tími!!

Theodór minn er allur að koma til, fórum með hann uppá Barnadeild í gær og hittum einn af krabbameinslæknunum hennar Þuríðar minnar, alltaf gott að hitta einhvern sem maður þekkir.  Hann er sem sagt með RS-vírusinn sem á að fara af honum á nokkrum dögum og vonandi fer hann af honum fyrir föstudaginn.  Hmm hvað skyldi vera gerast á föstudaginn?  Forvitin?

Baráttukveðjur

Mig langar að senda baráttukveðjur til litlu músarinnar minnar hennar Evu Natalíu (systurdóttir mín) en hún er komin inná Barnadeildina, var lögð inn en vonandi verður hún bara í sólarhring enda hörku kerling þessi stúlka. Elsku Eva mín láttu þér batna, leiðinlegt að þú kemst ekki í flugvélina í nótt eða vúvvvhhh einsog þú segir alltaf eheh og gerir með höndunum einsog flugvélin flýgur.   Hlakka til að knúsa þig.....

Theodór minn Ingi er búinn að sofa í ALLAN dag, hann er hrikalega lasinn greyjið með 40,1 í dag en vonandi fer hann að jafna sig annars verð ég að hringja í eitthvað af þessum læknum sem maður þekkir sem eru tilbúnir að gera allt fyrir okkur hvort sem það er Þuríður mín eða hin börnin. Ómetanlegt!!

Lasarus

Árið byrjar ekki vel hjá litla pungnum mínum sko honum Theodóri mínum ekki Óskari eheh, hann er svona líka lasinn.  Reyndar byrjaði hann að fá hita í fyrradag 39 og ekkert hefur hitinn lækkað, hækkar ef eitthvað er.  Hann á ótrúlega bágt, hann sefur vært loksins litla skinnið en annars liggur hann bara einsog eitthvað slitti í fanginu mínu og getur varla hreyft sig né grátið því honum líður svo illa.  Æjhi maður finnur alltaf svo til með þessum krílum þegar þau eru svona lasin, ekkert hægt að gera fyrir þau nema dekra við þau og gefa þeim hitalækkandi til að láta þau líða sem best.

Eva Natalía litla músarfrænka mín er líka fárveik, var farið með hana uppá Barnadeild í gærkveldi enda hitinn hækkaði bara hjá henni og hann var yfir 40 stig.  Hún er stödd uppá spítala núna en læknarnir eru að gera allt fyrir litlu músina mína svo hún komist til Kanarí á morgun, ég ætla nú að vona að hún jafni sig og komist í sólina.  Knús til þín Eva mín sæta mús!!

Skari er á leiðinni uppá Skaga með stelpurnar í afmæli til Natta patta, til hamingju með afmælið Natti minn.  Á meðan ætla ég að dekra við drenginn minn, leggjast uppí sófa og kanski horfa á eitt stykki bíómynd eða bara dotta með Theodóri mínum þar sem hann sefur ekkert þessa dagana sem er ö-a vegna hita og verkja.

Drengurinn að vakna þannig ég verð að þjóta til hans, segi ykkur skemmtilegar fréttir á morgun.  Vííí svooo spennandi dagar framundan......

Þanga til....
Slauga slím

Myndir

Tilefni dagsins setti ég inn nokkrar myndir en áramótamyndirnar koma á næstu dögum.

Gleðilegt ár kæru vinir og lesendur.

Áramótakveðja

Ég ætlaði nú að gera einhvern áramótapistil þar að segja mánuð fyrir mánuð en er ekki alveg að nenna því þannig ég reyni að skrifa það helsta sem gerðist á árinu púfffh sem var endalaust mikið.  Ok reyni að vera eins stuttorð einsog ég get.

Árið byrjaði með stæl hjá okkur eftir mjög erfitt tímabil hjá Þuríði minni en hann Theodór minn Ingi fæddist þann merkisdag 23.janúar og við það lyftumst við aðeins upp.  Hann var nú ekki alveg á dagskránni hjá okkur en samt besta það sem gat komið fyrir hjá okkur á besta tíma.  Þvílíkur gullmoli sem fæddist þar og dreifði huga okkar á erfiðum tíma, jújú hann er ekki mikið fyrir að sofa sem hefur reyndar breyst síðustu vikuna.  Þessi drengur lætur ekki mikið hafa fyrir sér, ótrúlega rólegur og góður (fyrirutan næturnar) sem sagt alveg einsog mamma sín í skapinu.

Við fjölsyldan fórum í nokkrar utanlandsferðir á árinu sem er að líða ekki var það vegna þess að við skítum peningum, ekki alveg!!  Ástæðan er því við eigum svo endalaust marga góða að sem eru tilbúnir að gera ALLT fyrir okkur og þar á meðal að senda okkur út fyrir landsteinana og reyna láta okkur gleyma þessu slæma.  Við fórum í nokkrar ferðir á árinu einsog ég sagði en við þurftum ekki að borga krónu fyrir neina þeirra svo fólk haldi ekki annað sem margir gera. 

Mig langar t.d. að senda knús til Þórdísr sem nennti að taka á móti okkur Theodóri mínum Inga í byrjun júní, þangað fórum þegar orkan mín var alveg á þrotum og maður var langt niðri vegna Þuríðar minnar og þá var líka gott að komast í afslöppun til Þórdísar í London.  Þórdís var tilbúin að gera allt fyrir okkur Theodór, fór með okkur hingað og þangað um London og svo var bara slappað af fyrirframan imban og borða nammi.  Ekki amalegt!!  Held að ég og Oddný Erla förum að panta gistingu hjá þér Þórdís

Árið var upp og niður hjá henni Þuríði minni, hún byrjaði í harðri krabbameinsmeðferð í lok júní sem átti að ljúka í júlí á næsta ári en svo kom sprengjan um miðjan sept.  Þuríður mín varð að hætta í meðferðinni þar sem hún var ekki að gera neitt fyrir hana og æxlið hennar orðið illkynja.  Dagurinn sem okkur var tilkynnt þetta var sá versti sem ég hef upplifað það var einsog einhver hluti af mér dó, vikan eftir var sú versta en það sem hjálpaði okkur í gegnum þetta allt saman var hún Þuríður mín því hún var svo ótrúlega hress þessa viku sem æxlið hennar greindist illkynja.  Hún var alveg að krampa einsog venjulega en samt svo hress, við eigum líka svo marga góða að sem þarf því miður að koma alltaf í ljós þegar eitthvað bjátar á.  Það voru alltaf einhverjir gestir hjá okkur vikuna eftir til að létta okkur lundinn sem var ómetanlegt, við erum svo ótrúlega heppin að eiga ykkur öll að.  Þið hafið gert svo endalaust mikið fyrir okkur á þessum erfiðum tímum sem við getum aldrei þakkað nógu oft fyrir, fallegar kveðjur á bloggið mitt, andlegur stuðningur, styrkirnir sem þið hafið veitt okkur, þið hafið gert okkur það kleift að geta einbeitt okkur að veikindum hennar Þuríðar minnar.  Ef ég gæti myndi ég knúsa ykkur öll, þannig ég sendi ykkur stórt knús frá okkur öllum. 

Þuríður mín er búin með geislameðferðina sína sem hefur gert þetta flotta kraftaverk, hún hefur verið krampalaus í tvær og hálfa viku sem hefur ekki gerst í tæp tvö ár.  Núna höldum við áfram að fara með bænirnar okkar og vona að þetta haldist sem lengst, jú læknarnir voru/eru ekki búnir að gefa henni langan tíma í viðbót en ég ætla vera með keppnisskap og berjast eins lengi og ég get.  Geta ætla skal!!  Hún ætlar að vera hjá okkur næstu 80árin allavega, takk fyrir það!!

Oddný Erla mín er búin að standa sig einsog hetja þetta árið, hún hefur þurft að þroskast hraðar en önnur börn einsog þeir sjá sem þekkja hana.  Litla konan mín einsog hún er oft kölluð á heimilinu, hún veit alveg hvað á að gera þegar systir hennar fær krampa og lætur okkur alltaf vita þegar það gerist og stúlkan bara tveggja og hálfsárs.  Hún á oft á tíðum erfitt með að höndla þessa hluti, þetta hefur verið henni mjög erfitt og sýnir það líka með "leiðinlegri" hegðun og passar vel uppá mömmu sína sem má oft ekki sinna hinum systkinum hennar.  Þess vegna reyni ég að vera dugleg að sinna henni, þar að segja við tvær gerum eitthvað skemmtilegt.  Oddný Erla líka hetjan mín bara á annan hátt rétt einsog Theodór minn Ingi sem skilur ekkert hvað er að gerast í kringum sig en samt svo góður og æðislegur.

Hef reyndar ekki mikin tíma til að skrifa þar sem við erum komin á Dragó, ætli Þuríður mín vilji ekki bráðum fara út og "sprengja" nokkrar sprengjur.  Svo mikið eftir að skrifa en ég nenni því heldur ekki, púúffhh!! Segi ykkur skemmtilegar fréttir á nýju ári sem er framundan hjá okkur fjölskyldunni, segi ykkur frá geggjuðu gjöfinni sem nokkrir jólasveinar gáfu okkur.

Ég vona svo heitt og innilega að Þuríður verði betri að nýju ári og við fáum að hafa hana hjá okkur næstu 80árin, vonandi eru öll þess lyf að gera eitthvað fyrir hana.

Endalausar þakkir til ykkar allra, hvort sem við þekkjum ykkur eða ekki þá vitum við af öllu góða fólkinu í kringum okkur.  Þetta er ómetanlegur stuðningur, alltaf gott að fá góðar kveðjur.
Vonandi verður nýjar árið ykkur æðislegt, eigið gleðilegt ár og passið ykkur á sprengjunum hennar Þuríðar minnar.

Knús og kossar´
Áslaug og fjölskylda

Þuríður Arna sprengjukerlingin mikla

Við fjölskyldan höfum alltaf reynt að kíkja á flugeldasýninguna hjá Perlunni á hverju ári sem við gerðum í gær, reyndar í fyrra horfðum bara á hana gegnum gluggana uppá barnaspítala þar sem Þuríður mín var inniliggjandi en fengum þetta beint í æð í gær.  Við ákváðum að labba alveg uppað perlunni í þetta sinn til að fá ljósin og lætin alveg beint í æð þar sem stelpurnar voru hrikalega spenntar að sjá þetta allt saman.  Ohh boy lætin sem fylgdu þessu, þetta var ótrúlega flott en alltof stutt flugeldasýning.  Þuríður Arna var sko ekki sátt þegar sýningunni endaði ehehe vildi sko meira og neitaði að fara þannig það verða sko keyptar bombu fyrir hetjuna mína í dag og að sjálfsögðu styrkjum við hjálparsveitina en ekki hvað?  Ég þurfti reyndar að labba í burtu með Oddnýju mína ERlu og Theodór minn Inga þar sem þau voru ekki að fíla þessi læti thíhí, jú Oddný mín er sátt ef hún er laaaangt frá sprengjunum eða bara með stjörnuljós en var sko ekki að fíla þetta.  Sagði við mig að þetta væri ógeðslegt en þegar bomburnar voru í mikilli fjarlægð fannst henni þetta svaka stuð. 

Við erum sem sagt mikið spennt að fara seinni partinn til að kaupa bomburnar og sprengja þær á morgun, stuð stuð stuð!!  Við ætlum að eyða kvöldinu í faðmi Dragós-gengisins, Skari og pabbi elda kalkún slurp slurp!!  Ég er spenntust!!

Er á leiðinni í síðasta jólaboðið á þessu ári, þar hittast allir í mömmu family sem sagt mikill fjöldi og mikið stuð svo ætlar mín líka að fara aftur á Sálina og Gospelinn í kvöld. 

Verð víst að þjóta, skúra, skrúbba og bóna!!  Þrífa börnin og klæða!!
Bið að heilsa í bili og haldið áfram að knúsast það er bara svo gott að fá knús.

Myndin við könnuninni :)

Hvaða karlmaður í fjölsyldunni minni klæðir sig í bleika sokka á aðfangadagskvöld? ehhe!!

Að kvitta...

Fólk hefur verið að reyna kvitta hjá mér en kvartar undan því að það sé of flókið að það nennir ekki að standa í því, sko málið er að það er ekkert flókið.  Ég veit að margir halda að þau þurfa lykilorð og aðgangsorð en svo er ekki, við breyttum því þannig það væri auðveldara fyrir fólk að kvitta.  Þegar það kemur lykilorð og svoframvegis þá þurfiði bara að setja nafnið ykkar og staðfesta 2x e-mailið ykkar. 

Vonandi auðveldarar þetta ykkur að kvitta því mér finnst svo óendanlega gaman að fá "kvitt" jú þótt það sé frá ókunnugum einsog einn "kvittari" sagði að það gæfi mér nú ekki mikið ef einhver ókunnugur kvittar hjá mér en það er bara ekki rétt, það gefur mér ótrúlega mikið að fá pepp frá hverjum sem er.  Að fá falleg e- mail, símtal, bréf í pósti eða kvitt hér gefur mér ótrúlega mikið en ég/við fjölskyldan höfum fengið mjög mörg "gamaldags" bréf gegnum lúfuna okkar, e-mailin í tonnatali og hringingar frá ókunnugum síðustu vikur og það gefur okkur endalaust mikið.  Senda ykkur stórt knús fyrir fallegar hugsanir og endilega verið duglegri að kvitta ehe!!

Annars er statusinn á heimilinu ágætur, Þuríður mín hefur ekki krampað í tvær vikur og engin skilur neitt afhverju?  Einsog einn læknirinn hennar sagði við mig "stundum skiljum við þetta bara ekki", ég meina þótt þú sért læknir með 10ára nám eða 15 að baki þá geta þeir ekki vitað allt þótt við viljum að þeir viti allt.  Við höfum allavega kynnst því í rúmlega tveggja ára veikindasögu Þuríðar minnar að þeir hafa færri svör en við viljum fá því verr og miður.

Okkur finnst Þuríður mín eitthvað að slappast núna, engir krampar sem við fögnum enn en hún er samt eitthvað að slappast.  Greinilega farin að vera þreyttari en venjulega, það hlaut að koma að því, grrrrr!!  Ætli geislarnir séu farnir að segja eitthvað til sín?  Ö-a!!  Æjhi ég fæ alveg sting í brjóstið og hnút í magan ef hún er eitthvað að slappast einsog við höldum og vanalega höfum við rétt fyrir okkur. 

Stelpurnar eru að farast úr spenning með gamlárskvöld, við áttum stjörnuljós síðan í fyrra þannig við fórum útá á pall í gær og kveiktum í nokkrum.  Oh mæ hvað þeim fannst það gaman, þær voru sko að sprengja ehehe eða það sögðu þær þannig hér verða keyptar nokkrar litlar bombur fyrir stelpurnar mínar en litli skriðdrekinn minn hann Theodór getur ekki ennþá haldið á þessu en finnst ö-a gaman að horfa á ljósið.  Bara gaman!!  Mikið er ég líka spennt fyrir áramótunum, ohh boy!!  Svooo gaman að gera eitthvað skemmtilegt fyrir þessar elskur.

Munið að svara nýju könnuninni minni, thíhí!!

Maður ársins hjá Ísafold

Mig langar að byrja á því að óska henni Ástu Lovísu hetju hjartanlega til hamingju með titilinn sem hún fékk hjá blaðinu Ísafold sem "maður ársins", þú áttir þetta svo sannarlega skilið.  Mér finnst alltaf gott þegar fólk talar opinskátt um veikindin sín, barnanna sinna eða einhvers nákomins, þetta hjálpar okkur svo ótrúlega mikið.  Til hamingju Ásta mín!!

Þið getið kosið mann ársins hjá Rúv á þessari slóð http://www.ruv.is/heim/vefir/poppland/meira/store159/item139037/

Þegar Ásta var kosin "maður ársins" fór ég að hugsa um veikindin hennar Þuríðar minnar hvað það er gott að vera ekki feimin með neitt sem tengjast veikindum manns eða barnanna sinna, "við" getum ekkert að þessu gert og afhverju þá að vera fela eitthvað?  Þá fór ég líka að hugsa til Margrétar Frímannsdóttir alþingiskonu þegar hún barðist við sín veikindi og mér fannst alltaf svo gott þegar hún koma bara hreint fram þar að segja ekki með neina hárkollu eða slæðu til að fela það að hún væri ekki með neitt hár.  Þá hugsaði ég líka með mér "þetta er ótrúlega gott hjá henni og ef ég veikist einhverntíman sem maður vonar svo sannarlega að það gerist ekki þá ætla ég að taka hana til fyrirmyndar og ekki vera fela neitt.  

En svo kom bara annað litla barnið mitt veiktist og það með illvígan sjúkdóm, hún missti hárið sitt og ég byrjaði strax á því að fela það.  Afhverju var það?  Jú því allir þá meina aðallega fullorðið fólk snéri sig úr hálslið til að horfa á hana og stundum stoppaði það til að stara betur og við þetta leið mér illa bara við að fólk starði svona á hetjuna mína sem var ekki einsog allir aðrir.  Þuríði minni leið ekki vel með slæðurnar sem ég var búin að kaupa í öllum litum en samt barðist ég alltaf við það að setja þær á hana en hún var farin að taka þær jafnóðum af sér.  Þá fór ég aftur að hugsa til hennar Margrétar Frímanns en henni var alveg sama hvað fólk hugsaði en ég man umræðuna í fólkinu "útí bæ" hvað sumum fannst þetta asnalegt af henni að hafa ekki neitt til að hylja en sumum fannst þetta frábært einsog mér og afhverju átti ég ekki að hugsa það sama um hetjuna mína?  Æjhi þetta var litla barnið mitt og mér finnst/fannst erfitt að láta alla stara svona en ég hætti því svo að lokum enda leið henni miklu betur að þurfa ekki að vera með einhverja þrönga slæðu. 

Það var ekki einsog ég skammaðist mín fyrir veikindin hennar það var bara að mér leið illa við hvað fullorðið fólk kann sig ekki, þarf að stara á lítið barn sem á erfitt.

Það hefur t.d. gerst 2x í röð að ég hef farið í Bónus í kringlunni (jájá ég nefni bara staðin) að stúlkan á kassanum hafði ekki tíma til að afgreiða mig eða renna vörunum mínum í gegn því hún þurfti að "stara" svo mikið á Þuríði mína.  Hvað er málið?  Ég er ekki vön að æsa mig yfir hlutum en ég var að rauðglóandi þarna og var alveg að fara æsa mig við hana en ákvað að sleppa því sem ég hefði samt ekki átt að gera því ég sé alltaf eftir því.  Hvað er að fólki?

Í dag leyfi henni Þuríði minni Örnu að vera einsog hún vill, ef henni líður vel þá er það náttúrlega best.  Hættum að fela þessa hluti, höldum áfram að vera einsog við erum, "við" getum ekkert að þessu gert, tölum um þetta það er ekkert að skammast sín fyrir.

Takk fyrir mig í dag!!

Nokkrar línur

Jólin hafa verið yndisleg hjá okkur fjölskyldunni, þá meina ég öllum.  Þuríður Arna mín er búin að vera súperhress, naut sín í botn að opna alla pakkana sína sem voru rosalega margir.  Systurnar voru ótrúlega góðar á aðfangadag, hjálpuðust að að raða pökkunum undir tréið og létu þá alveg í friði þanga til þeim var rétt til að opna og litli skriðdrekinn minn hann Theodór hefur meir að segja látið þetta allt saman vera.  Hefði nú reyndar ekki trúað því á drenginn þar sem hann er algjör gaur en þau koma manni alltaf meira og meira á óvart þessi snillingar.  Stelpurnar sátu bara einsog einhverjar prinsessur sem þær eru nú ehe og biðu eftir að þeim var rétt pakkarnir, ótrúlega góðar og yndislegar.

Þessi jól voru sem sagt æðisleg, gott að fá að njóta svona góðra jóla með Þuríði minni og hinum einsog ég hef oft sagt áður þá voru tvö síðustu ár hjá henni Þuríði minni um jólin mjög slæm.  Uppdópuð og gat ekki notið neins þannig þetta hefur verið alveg yndislegt.

Pælið í því að í dag eru 12dagar síðan Þuríður mín krampaði síðast og engin skilur neitt þá síst læknarnir einsog oft áður, þetta er alveg æðislegt!!  Þótt henni líði svona vel þá er einhver hnútur í maganum mínum, æjhi mér kvíður samt fyrir næstu dögum/vikum því ég er svo hrædd um að þetta sé lognuð á undan storminum.  Æxlið getur nefnilega núna farið að bólgna eftir geislana og þá versna kramparnir "tífalt" og þá verður hún líka slæm en ég ætla samt að halda áfram að njóta þessa góðu daga sem eru æðislegir.

Það er svo margt að hlakka til þannig ég ætla að reyna halda áfram að hlakka til skemmtilegu hlutana sem koma á næstu dögum og ég segi ykkur kanski frá þeim á næstu dögum.  Góðar jólagjafir sem við höfum fengið frá nokkrum "jólasveinum", vííííí!!!

...farin að sinna börnunum, ég lét nefnilega stelpurnar vera í fríi milli jóla og nýárs í leikskólanum.  Ætlum bara að njóta þess að vera saman án þess að þurfa fara uppá spítala á hverjum degi, þannig næsti leikskóladagur verður ekki fyrr en 3.janúar.

"Kristín Amelía, hún Oddný Erla mín fékk baby born dúkku í jólagjöf og veistu hvað hún skírði hana, jú Krístínu Amelíu eheh".  "Það er greinilega orðin söknuður á þessi heimili".