Jabbadabbadú

Mín og Skari vorum að næla okkur í miða á Sálina og Gospelinn, jíbbíjeij!!  Annar bekkur fyrir miðju, ekki amalegt!!  Geggjaðslega spennt!!

Brjálað annars að gera, fertugsammæli í kvöld.  Hmmm!!  Sýnir að mín er að eldast ehehe!!  Boðin í fertugsammæli híhí!!  Brullup á morgun hjá Ívari frænda og Önnu hans verðandi konu, allt að verða vitlaust! Endalaust stuð!

Ennþá að velta skólamálunum fyrir mér, alltof erfið ákvörðun well hef eina hálfa viku til að ákveða mig.  Dóóhh!  Kostar svoooo mikið en yrði samt þess virði.

Þuríður mín "bara" búin að krampa 1-2x yfir daginn síðustu þrjá/fjóra daga sem er frekar gott en ég er nú ekki farin að dansa af gleði enda ö-a bara tilfallandi.  Lyfin ekki að fara vel í hana, hún er gjörsamlega á útopnu heima.  Ekki gott!  ....nær sér enganvegin niður þótt hún sé að deyja úr þreytu, púffh mar veit ekkert hvað mar getur gert?

Farin, góða helgi og hafiði það yndislega gott.

Sjónvarpsstjarnan mín

Sáuði hana áðan?  ...jú og mig líka eheh!!  Ekkert tjattað um hringferðina í Ísland í bítið bara hana Þuríði mína sem fékk "hrós" vikunnar frá þeim, bara gaman!!

Mig langar í berjamó, hvar get ég farið í berjamó?

Hrós vikunnar

Þá nafnbót fékk hún Þuríður mín frá "Íslandi í bítið" rétt í þessu þegar þau runnu í hlaðið á Heklu fyrir sirka klukkustund síðan, ekki amalegt!!  Stúlkan fékk afhentan sætan blómvönd fyrir að frá hrósið.

Manni leið hálfasnalega við að taka á móti þeim áðan þar sem það voru myndavélar útum allt, jú ég hef tekið þátt í "brúðkaupsþættinu Já" en þetta var ekki svoleiðis.  Alveg sama hvern mar var að knúsa var myndavélin alveg upp við mann, mér leið einsog Micheal Jackson eða einhver í þá áttina eheh.  Þannig ef þið kveikið á sjónvarpinu í kvöld mun einhver úr familíunni birtast á skjánum.

Þeim sem sagt tókst þetta ætlunarverk sitt að aka á bílnum hringinn í kringum landið á einum tank þannig styrktarfélagið fékk afhentan bíl áðan til afnota í ár sem Skari verður akandi um vegna vinnunnar.  Glæsilegt framtak hjá Heklu!!

FArin uppá spítalan, Þuríður mín þarf að fá lyfin sín.

Gömul þjóðsaga

Segir frá barni sem var við það að fæðast.Barnið snýr sér að Guði og segir:

Mér er sagt að ég verði sendur á jörðina á morgun,en hvernig get ég lifað eins lítill og ósjálfbjarga sem ég er?

Ég hef valið engil fyrir þig úr hópi engla og hann bíður eftir þér.Þessi engill mun sjá um þig.

En segðu mér,hérna á himnum geri ég ekkert annað en að syngja og brosa og það er nóg til þess að vera hamingjusamur?

Engillinn þinn kemur til með að syngja fyrir þig,hann brosir til þín alla daga og þú verður umlukinn ást hans og þannig verður þú hamingjusamur.

En hvernig get ég skilið þegar fólkið talar við mig þar sem ég þekki ekki tungumálið sem mennirnir tala?

Engillinn þinn segir falleg orð við þig,fallegustu orð sem þú hefur nokkurn tímann heyrt og með mikilli þolinmæði og kærleik kennir hann þér að tala.

En hvað geri ég ef ég vil tala við þig?

Þá setur engillinn þinn hendurnar þínar saman og kennir þér að biðja.

Ég hef heyrt að á jörðinni séu til vondir menn.Hver getur varið mig?

Engillinn þinn mun verja þig,þó svo það kosti hann lífið.

En ég verð alltaf sorgmæddur því ég sé þig ekki oftar?

Engillinn þinn á eftir að segja þér frá mér og vísa þér veginn í áttina til mín,en þó mun ég alltaf vera við hlið þér.

Á þessu andartaki færðist ró yfir himininn og guðdómlegar raddir heyrðust og barnið sagði:

Kæri Herra,þar sem ég er að fara segðu mér,hvað heitir engillinn minn?

Nafn hans skiptir ekki máli,þú kallar hann

bara ,,mömmu"

Fréttir dagsins

Heyrði í Skara áðan og þá voru þau búin að keyra í tvo tíma og Þuríður Arna mín búin að sofa allan tíman, gjörsamlega búin á því eftir keyrsluna í gærdag og jú var búin að krampa og þá sofnar mín oftast strax.  Þuríður er búin að vera alveg yndisleg þessa keyrslu enda er hún bílvænasta barn sem ég hef kynnst, ohh mæ!!  Þótt hún getur verið oft á tíðum mjög ofvirk og erfið en þá er hún það svo innlega ekki í bíl, hún elskar að keyra um horfa á gróðurinn jú eða hlusta á Latabæ og horfa á spilarann sinn. Bara gott!!  Þau stefna að vera komin á Kirkjubæjarklaustur kl níu í kvöld, jamm það verður 10-12tíma keyrsla í dag enda mega þau bara keyra á 50-80km hraða.  Úffh hvað ég hefði ekki þolinmæði í svona.

Við hin höfum það notó hérna heima, við kíktum í húsdýragarðinn í gær og sumir voru doltið hrædd við dýrin eheh og svo urðum við smá menningarleg og kíktum á kaffihús og fengum okkur heitt kakó.  Slurp slurp!!

Var víst búin að lofa heimsókn í ísbúðina í dag og sjálfsögðu verður staðið við það, kanski við kaupum einn eða tvo límmiða, Oddný elskar að líma límmiða í límmiðabókina sína, mar verður víst að dekra aðeins við hana fyrst hin er í endalausu dekri í bílferðinni. 

"Ein" í kotinu

Þá eru Skari og Þuríður farin hringinn í kringum landið, púffh ég nenni eiginlega ekki að segja afhverju þið bara fylgist með fjölmiðlum, Rúv og stöð 2 í kvöld en það koma viðtöl við þau bæði og svo einhver blöð á morgun.  Smá samstarf á milli styrktarfélagsins og Heklu, þau koma í bæinn aftur um hádegi á miðvikudaginn þannig núna er ég, Oddný Erla og Theodór Ingi ein í kotinu og það er nú aldeilis tómlegt þegar það vantar háværasta fólkið  á heimilinu ehehe. 

Þuríður var ótrúlega heppin en hún fékk smá gjöf frá Heklu áður en það var lagt í hann, svona lítinn pc-spilara og fullt af myndum sem á að stytta henni stundir hringinn og stúlkan var himin glöð með það enda ekki hægt annað.

Við þrjú ætlum nú bara að reyna hafa það notó á meðan, ég sagði við Oddnýju mína í gær ef það yrði gott veður í dag og engin rigning ætlaði ég að fara með hana í Húsdýragarðinn.  Júmm leið og hún fór út í morgun á leiðinni í leikskólann með pabba sínum sagði hún við hann "pabbi það er gott veður og engin rigning" eheh.  Hún er bara snillingur þessi stúlka og gleymir seint hlutum sem mar er búin að lofa henni þannig stefnan er sett á Húsdýragarðinn eftir leikskóla og kíkja á hestana eða það er það helsta sem henni langar að sjá þar.  Júmm mín er nottla búin að "bjóða" sér í mat á Dragó bæði kvöldin sem við verðum home alone og setti nottla skilyrði hvað yrði í matinn ehehe!!  Að sjálfsögðu hlíðir mamma og eldar uppáhalds matinn minn en ekki hvað?

Þuríður var ágætlega hress í morgun þegar hún fór í langferðina sína, búin að krampa einu sinni og var kanski orðin smá ofvirk eftir hann og þreytt en ég var búin að lofa henni að hún mætti sofna um leið og kæmist í hinn bílinn og ég veit að hún er ö-a sofnuð núna. Að "sjálfsögðu" er hún búin að vera krampandi alla helgina en góðu fréttirnar eru að þær hafa verið aðeins færri en vanalega.

Nýjar myndir

Við fjölskyldan kíktum á róló-völlinn í dag og að sjálfsögðu fékk myndavélin að fylgja með þannig ég var að setja inn þær myndir.

Æði gæði

Við Skari áttum yndislega sólarhring í gær sem endaði að hádegi í dag, oh mæ oh mæ!!  Það var alveg æði gæði!!  Okkur var hent út af heimili okkar um kaffileytið í gær, fórum á hótel.  Jmm við gistum á hóteli í nótt í Reykjavík eheh sem var endalaust nice, röltum um bæinn og skoðuðum mannlífið. Enduðum kvöldið að fara á Sálina sem var geggjað stuð, dönsuðum af okkur lappirnar, laaaangt síðan ég hef dansað svona mikið.  Ég gæti endalaust tautað hvað það var gaman og hvað við skemmtum okkur vel, ótrúlega gaman að fara svona útaf heimilinu og fá smá brake.  Þvílík hleðsla!!

Ég hitti einmitt eina góða vinkonu mína í bænum í gær og það var eiginlega það fyrsta sem hún sagði við mig þegar við hittum "æjhi hvað er gaman að sjá þig svona glaða og brosa svona".  Já það var líka gott að geta brosað smá því oft eftir að Þuríður mín veiktist hef ég átt erfitt með að brosa enda alltaf svo illt í hjartanu enda fann ég líka hvað mar hefur gott af því að komast aðeins svona út og reyna hugsa um eitthvað annað sem er reyndar doltið erfitt en það tókst ágætlega í gær. 

Knús og kossar til tengdó sem tóku við heimilinu okkar í þennan sólarhring, gaman að vera hent svona út eheh!! 

....og Þura mér líst bara mjög vel á hugmyndina þína sem þú komst með í hádeginu, það hafa allir gott af þessu sérstaklega hin tvö börnin og fá aðeins meiri athygli foreldra sinna. 

Farin út að leika við börnin mín.

Bestu þakkir

Eins og flest ykkar vita var í gær haldið golfmót til styrktar Þuríði Örnu.  Mótið var hugarfóstur vinkonu okkar, Önnu Bjarkar Birgisdóttur og sá hún um allan undirbúning og skipulag mótsins. 
Það voru í kringum 80 manns sem tóku þátt í þessu golfmóti í gær sem var á Grafarholtsvellinum hér í Reykjavík.  Þátttakendur komu úr öllum áttum, ættingjar vinir og frábærir velunnarar.  Öllum þessum frábæru golfurum viljum við þakka fyrir að taka þátt í þessu móti og styðja þannig við bakið á okkur.
Umfram allt viljum við þó þakka Önnu Björk, okkar frábæru vinkonu fyrir að hafa staðið fyrir þessu glæsilega golfmóti, með slíkum myndarbrag að eftir var tekið.  Stuðningurinn er okkur ómetanlegur og kemur sér vel í þeirri baráttu sem framundan er.

Knús, kossar og RIIIIIIIIIIIISAA knús til viðbótar.
Kveðja
Óskar Örn, Áslaug Ósk, Þuríður Arna, Oddný Erla og Theodór Ingi.

Helgin og fleira

Jeh dúddamía barasta komin helgi og það skemtileg helgi framunda eða sem ég hef beðið eftir í þrjá mánuði, án gríns sko!!  Fyrir þremur mánuðum ákváðum við Skari að fara á tjúttið þessa helgi og búin að panta næturpössun fyrir börnin eheh, við erum frekar skipulögð .  Við þurfum reyndar að vera mjög skipulögð vegna veikinda Þuríðar minnar, við erum líka búin að gera dagatal fyrir okkur fjölskylduna þar sem við sjáum hvort það væri einhver smuga gera e-ð þessa helgi eða einhverja aðra en það er allt í kringum lyfjameðferð Þuríðar minnar. 

Áformin breyttust reyndar lítilega þar sem okkur verður hent útaf heimilinu á morgun og við verðum að gjöra svo vel að finna okkur gistingu annarsstaðar og jú við lendum ekki á götunni aðra nótt, búin að finna okkur fína gistingu.  Bara gaman!! 

Stefnum að fara snemma að heiman á morgun eða svona sirka um kaffileytið, verðum á kaffihúsarölti og svo bara rólegheit en stefnum svo á að kíkja á Sálina um kvöldið.  Reyna að ná svona sirka einu Sálarballi áður en ég verð aftur ólétt thíhí, .....eða ekki!!  Ég nebbla hef "alltaf" orðið ólétt þegar við höfum náð einu Sálarballi eða svo en það verður ekki núna, annars veit mar aldrei hverju manni sé ætlað ehe.  Pabbi hefur tilkynnt mér það ég muni koma með fjórða barnið á næsta ári, ég veit ekki alveg hvort pabbi sé búinn að breyta pillunni minni í einhverja sykurmola?  ...er hann skyggn?  ....er hann með einhver plön svo þessi ósk hans rætist?  Erfitt að segja en við skulum samt vona að honum verði ekki "ósk" sinni að þessu sinni annars er ég tilbúin að gera allt annað fyrir hann. ehe!!

Í kvöld ætlar mín að bjóða Viggu vinkonu í "la Áslaug Italiano" og stelpurnar bíða spenntar eftir henni, tala ekki um annað og pakkan sem þær ætla að gefa henni.  Skari verður sem sagt ekki heima þar sem karlinn verður að keppa á golfmóti sem hefst nákvæmlega eftir klukkutíma til styrktar Þuríðar Örnu minnar.  Endalaust stórt knús og margir kossar til þín Anna Björk okkar.  Þú ert ÆÐI!!  Við ætlum að kíkja á mótið þegar við verðum búin að næra okkur á ítölsku pasta og Vigga ætlar að hjálpa mér með börnin og fær pasta að launum ehehe!!

Annars er statusinn ekkert sérlega góður á henni Þuríði minni, hún er súper þreytt og krampandi einsog venjulega og hef ekkert meir um það að segja. Jú læknarnir vita ekki afhverju hún sé svona?  ....er það lyfjameðferð?  ....eru það kramparnir?  ...það eru allavega ekki flogalyfin því statusinn þar er í góðu lagi well reyndar búið að stækka ein lyfin hennar þannig það gæti verið að koma í ljós núna þreyta og ennþá meiri þreyta útaf því, það sem á að stækka þau lyf enn meira ö-a í næstu viku.  Ég bíð ekki í það!!

Best að hætta að sinni, orðin nett stressuð að fara frá börnunum á morgun, well veit að þau eru í góðum höndum.  Veit að við höfum gott af þessu eða er allavega að sannfæra mig um það thíhí, höfum ekki farið barnlaus eitthvað ég veit ekki hvað lengi allavega ekki síðan Theodór fæddist og hann er almost sjö mánaða en ég veit að það miklu miklu miklu lengra síðan.

Njótið helgarinnar, við fjölskyldan ætlum allavega að gera það.  Sjáumst kanski í bænum á morgun jú eða á Nasa, hlakka endalaust mikið til.
Slauga slím