Hitti "idolið" sitt.

Hann Theodór minn var svo heppinn að fá að hitta idolið sitt um helgina og fékk að smella nokkrum myndum af þeim félögum en þetta var sko draumur í dós fyrir hann.

Hérna er Theodór minn og Ingó "idol stjarna" Theodór míns. 

Þvílíkt hamingjusamur að fá að hlusta á hann syngja og spila.

Theodór og Þuríður fóru í útsýnisflug um helgina og skemmtu sér hrikalega vel.

Hinrik míkum fannst ekki leiðinlegt að "drullamalla" á meðan.

Oddnýju Erlu finnst nú ekki leiðinlegt að módelast fyrir mig.

Þreytt Maístjarna

Maístjarnan mín er þreytt þessa dagana, hún vill helst bara liggja fyrir og horfa á dvd.  Reyni að koma henni út að leika við krakkana en það gengur ekki, hún vill bara vera í rólegeheitunum og þá fær hún það en ég reyni samt.  Það hefur engin sjáanlegur krampi komið aftur sem betur fer.

Ég og Skari fórum í okkar fyrstu alvöru veiði í fyrradag þar sem ég var tilnefnd sem "fyrirmyndarborgari" og fékk veiði að "launum" og það var sko ekki leiðinlegt.  Ég veiddi minn fyrsta lax sem var 7 punda og Skari 5 punda, þeim var skellt á grillið í gær og foreldrum boðið í mat.  Gæti alveg hugsað mér að gera þetta aftur.

Styttist hratt í Svíþjóð, einsog ég hef sagt þá fljúgum við til Stokkhólmar á þriðjudag, Þuríður mín mætir strax daginn eftir í innskrift og svo er það "gammahnífurinn" á fimmtudag. 

Vika í brottför

Þá er vika í Svíþjóð og kvíðin er farin að hellast yfir mann. 

Við erum reyndar búin að eiga stórkostlegt tveggja vikna frí saman fjölskyldan sem reyndar endaði illa en Þuríður Arna mín er búin að vera krampalaus í heila 40 mánuði þegar hún fékk krampa núna 16.júlí.  Þær nokkru sekóndur sem krampinn stóð í var martröð, ég gjörsamlega trompaðist.  Jú við gátum alveg búist við því að hún byrjaði að krampa aftur en að sjálfsögðu vonaðist ég eftir öðru og vona það svo innilega að þetta gerist ekki aftur.  Mér fannst líka ennþá erfiðara að perlan mín hún Oddný Erla varð vitni af þessu, sjá móður sína garga á pabba sinn (láta vita af krampanum) og svo brotna niður.  Hún hefur reyndar milljón sinnum séð systur sína í krampa en það eru rúm þrjú ár síðan og þá var hún aðeins þriggja og hálfs en núna hefur hún miklu meira vit enda fara veikindi Maístjörnu minnar mjög illa í hana, þau taka virkilega á hana.  Hún fær mikið af martröðum, líður oft (alltof oft að mínu mati) illa vegna Þuríðar sinnar svo þetta var ekki alveg stund til að láta henni líða betur.

Við erum núna á leiðinni uppá spítala en hún er að fara í eitthvað "sýklatest" fyrir verðandi Svíþjóðarferð og svo seinna í vikunni hittum við taugalækninn hennar útaf krampanum.

Hérna er Þuríður mín Arna í stuði í fríinu okkar.

27.júlí

Ferðin okkar til Svíþjóðar verður 27.júlí (eða þá förum við í loftið) sem sagt tvær vikur þanga til.  Mamma ætlar að flytja inná heimilið okkar á meðan og sjá um börnin því best er að sjálfsögðu að líf þeirra raskist sem minnst við þetta.  Þuríður mín á að mæta strax daginn uppá spítala í einhver test og svo 29.júlí fer hún í "gammahnífinn".

Þessa dagana/vikurnar erum við að njóta lífsins saman og safna orku í verðandi stríð og þá tími ég heldur ekki að eyða miklum tíma í tölvunni.

Vildi bara láta vita af okkur.

Svíþjóð

Þá er búið að bóka ferðina okkar til Svíþjóðar og Tryggingastofnun voru nú svo almennilegir að þeir samþykktu okkur bæði sem kom okkur frekar á óvart.

Lítill tími til að blogga svo ég læt þetta duga í bili.

LOKSINS!!

Við erum ekki nema búin að bíða í mánuð sirka eftir dagssetningu fyrir Maístjörnuna mína og LOKSINS er hún komin, já LOKSINS!!  Fengum hringingu frá spítalanum í dag, þurfum að mæta tveimur dögum fyrir geisla því degi undan þarf hún að fara í einhver test á Karólínskaspítalanum (í Svíþjóð sem sagt) og reyndar hérna heima líka fyrir brottför.  Maístjarnan mín veit að hún er á leiðinni til Svíþjóðar og segir sjálf til að laga krabbameinið í höfðinu hennar, þetta SKAL takast eða þetta MUN takast einsog þegar Oddný mín Erla fer með bænirnar sínar á kvöldin endar hún alltaf á því að segja "kæri Guð þú átt að láta Þuríði mína lagast í höfðinu". 

Núna þegar dagssetning er komin þá hellist yfir mann mikið stress og kvíði. Það verður líka fróðlegt að sjá hvort að tryggingarnar (tryggingastofnun) okkar samþykki að við förum bæði með henni en þeir væru vísir til að segja að það væri nóg að annað okkar færi með henni sem reyndar kæmi ALDREI til greina hjá okkur.  Við förum bæði hvort sem við þurfum að borga sjálf eðurei, það er ekki einsog þetta sé einhver skemmtiferð.

Við fjölskyldan (ásamt góðu fólki) fórum í bústað um helgina og skemmtum okkur ótrúlega vel en hérna er Maístjarnan mín í góðum fíling á milli göngutúra hjá okkur.

Theodór fótboltatöffari æfði sig í innköstunum og er orðinn mikill snillingur í boltanum. 

Oddný Erla og Hinrik Örn voru í brjáluðu stuði alla helgina reyndar einsog hin tvö.

Já það er mikill léttir að það er komin dagssetningu hjá Maístjörnunni minni þó svo hún sé ekki alveg strax en þeir eru allavega farnir að undirbúa komu hennar til sín.

Kveðja

Þá er það allavega komið á hreint að Maístjarnan mín þarf ekki aðgerð fyrir Svíþjóðarferðina sem er mjög gott en ég veit ekki hvort hún þarf að fara í hana eftir geislana, er ekki komin svo langt í umræðunum.  Geislasérfræðingarnir eru tilbúnir en það er víst svo erfitt að finna barnasvæfingalækni fyrir hana (sem okkar læknir kaupir ekki) því það þarf að halda henni sofandi yfir heilan dag.  Þetta er allavega hænuskref áfram og svo bíðum við bara eftir kallinu.

Maístjarnan mín er farin að vera lystarminni þessa dagana en maður veit ekki hvort það tengist eitthvað veikindum hennar eða einhverju öðru??

Hún skellti sér í golf í dag og var ótrúlega flott einsog alltaf, hérna sjáiði hana mjög einbeitta:


Hérna er Oddný Erla mín í brjáluðu stuði á flugi:

Biðin endalausa

Hvernig í andskotanum getur verið svona erfitt að ná í EINN mann.  Svíarnir eru nefnilega nánast búnir að samþykkja að fá Þuríði  mína til sín NEMA það þarf EINN "reynslubolti" að samþykkja hana sem er svona líka erfitt að ná í.  Arghh!!  Því þeir eru ekki vissir hvort þeir eigi að geisla bæði æxlin eða bara það "gamla" og þá eigi að fjarlægja hitt með aðgerð en það þarf þessi "reynslubolti" að samþykkja eða ákveða.  Svo er náttúrlega annað "vandamál" en skurðlæknirinn okkar fer í sumarfrí eftir næstu viku eða reyndar er hann kominn í sumarfrí en fer útá land eftir næstu viku og gerir þá engar aðgerðir og þá yrði hún aldrei skorin fyrr en í ágúst sem er náttúrlega HRIKALEGT!!  Hún má ekki bíða svona lengi.  Hva á  bara að leyfa æxlinu að stækka?  Já ég er nett pirruð eða reyndar mjög pirruð og er orðin andskotin leið á því hvað þeim er gefin langur tími, afhverju er svona hrikalega erfitt að ná í EINN mann?

Þuríði minni líður ótrúlega vel og læknirinn hennar er mjög hissa á því hvað hún lítur vel út svo æxlið er ekkert farið að bögga hana ENNÞÁ.  Eru þeir að bíða eftir því að það fari að gera eitthvað illt fyrir hana?  Nei ég bara spyr?  Já þetta er ÓÞOLANDI!!

Restinni af fjölskyldunni líður ágætlega, Oddný Erla mín telur niður dagana þanga til hún hættir á leikskólanum og það eru sem sagt þrír leikskóladagar eftir og þá mun væntanlega hefjast talning í fyrsta skóladaginn.  Ég og hún erum búnar að liggja í upp og niður pestinni, ógeðsleg pest!!  Theodór fótboltatöffari fylgist með HM og var að eignast Brasilíubúning sem lítur á sem gullið sitt og fer ekki úr honum, endalaust flottur!!  Hinrik litli mömmupungur er að fíla sig í leikskólanum en gargar samt alltaf af gleði þegar móðirin kemur að sækja hann.

Lítið að frétta....

Fengum hringingu frá okkar frábæra skurðlækni á föstudaginn að það verður fundað um Maístjörnuna okkar á þriðjudaginn útí Svíþjóð og þá verður allt væntanlega ákveðið.  Ég vona bara svo heitt og innilega að þetta mun ganga hratt fyrir sig einsog okkar frábæri læknir vill og ýtir mikið á eftir.  Hann fer reyndar í frí eftir viku en ef Þuríður okkar þarf aðgerð áður en hún fer út kemur hann úr fríinu sínu til að skera hana.  Þetta er sko alvöru læknir sem sinnir sko sjúklingum sínum.  Ég er hrikalega ánægð með hann einsog ALLA sem hafa sinnt henni, þau gera allt svo að Maístjörnu minni líði vel.

Maístjörnunni minni líður mjög vel þessa dagana, það er sko ekki að sjá á henni að hún er veikjast aftur. 

Hérna er Maístjarnan mín að módelast fyrir mig í Heiðmörkinni en við fjölskyldan hjóluðum þar um á 17.júní sem var æði.  Tókum með okkur nesti og höfðum það kósý.  Hún hjólaði reyndar ekkert enda hefði hún ekki ráðið við það því miður en naut sín í hjólavagninum.

Hérna er fótbolta-strákurinn minn hann Theodór Ingi sem labbaði inná völlinn með Fylkismönnunum í kvöld, ótrúlega stolltur og montinn.

Núna bíð ég bara eftir þriðjudeginum og vona það svo heitt og innilega að við verðum í Svíþjóð eftir ekki svo marga daga.

Erfitt að útskýra...

Þá fundi okkar lokið með doktorunum.  Ég er gjörsamlega búin á því eftir fundinn en samt var hann ekkert átakanlegur þannig séð, jú ég barðist við ekkan í hálsinu og tárin í augunum.  Maginn búinn að vera svo þungur og síðustu vikur ógeðslega erfiðar og næstu vikur verða ekkert auðveldari. 

Æxlið hennar Þuríðar minnar er að svokallaðari gráðu 2 en þeir voru mjög hræddir að það væri orðið að gráðu 3 sem hefði náttúrlega verið verst og nánast ekkert hægt að gera við/fyrir æxlið.  Hún er önnur hér á landi sem greinist með þetta æxli sem er frekar sjaldgæft en mjög fáir í heiminum hafa greinst með það svo það er komin frekar lítil "reynsla" á það þar að segja meðferðlega séð.  Þetta er þannig æxli að það getur alltaf "poppað" upp aftur og aftur þannig við getum alltaf verið í þessari baráttu en það gæti líka bara alltíeinu horfið eða einsog læknirinn orðaði það "það gæti líka elst af henni"??  En það ætti að vera hægt að halda æxlinu niðri eða æxlunum sem myndu myndast með meðferðum eða svo segir reynslan sem er nú bara nokkra ára.

Næst á dagsskrá hjá Maístjörnu minni er væntanleg Svíþjóðarferð (geislar) og kanski stór aðgerð fyrir hana hérna heima (áður en hún færi út) en það gæti verið á næstu tveim/þrem vikum.  Þetta mun gerast mjög hratt þegar þetta er farið afstað en vonandi fáum við símtal frá Svíþjóð á föstudaginn.  Einsog læknirinn sagði þá er ekki gott að bíða of lengi og leyfa kanski æxlinu að stækka meira og þá gætu aðstæður líka breyst varðandi meðferð.  Við treystum á þessa geisla í Svíþjóð.

Við hefðum geta fengið verri fréttir en mig hefði samt langaði í betri.  Ég skil bara ekki þennan tilgang hjá þessum þarna uppi?  Hann ætlar ekki að gera lífið auðvelt hjá Maístjörnunni minni en að sjálfsögðu mun hún rúlla í gegnum þessa meðferð einsog allar aðrar sem hún hefur gengið í gegnum.

Núna ætla ég að plana einhverja skemmtilega hluti fyrir okkur, virkilega núna þarf ég á einhverju til að hlakka til.