Toppaði allt saman

Lenti í árekstri í gær og var í órétti en ástæðan fyrir árekstrinum var að það var bíll sem svínaði fyrir mig og ef ég hefði ekki beygt til hægri hefði hann keyrt í hliðina á bílnum mínum og það vildi ég ekki þar sem ég var með dýrmætan varning með mér hana Oddnýju Erlu mína.  Djöh helv fíflið!!  Hef blótað ansi mikið að undanförnu en svona er þetta bara, fíflið sá alveg að ég keyrði á annan bíl staðin því ég sá að hann hægði á sér en ég var svo dofin eftir áreksturinn að ég fattaði ekki að taka niður númerið.  Ég er svo reið!!  Þannig bíllinn minn þarf að fara í viðgerð enda stórsér á honum, ætli þá sé ekki best að fara á klósettið og skíta nokkurum seðlum.  Aaaaaaaarghhh!!

Ég er ógeðslega pirruð að lenda í árekstri, vera í órétti sem var ekki einu sinni mér að kenna því ég var að reyna bjarga barninum mínum.  Plebbar í umferðinni!!

Ég er ógeðslega þreytt, pirruð, leið útí þennan þarna uppi.  Hvað höfum við gert til að verðskulda þetta allt saman? afhverju þarf hann að leggja svona mikið á okkur?  Við þolum ekki endalaust mikið.  Við erum sterk en ekki svona sterk.

Þuríður mín hefur ekki jafnað sig almennilega, hún er í versta þunglyndi sem til er.  Hún grætur endalaust mikið er svo óhamingjusöm enda líður henni ótrúlega illa.  Það á að fara minnka lyfin hennar enn eina ferðina svo bíðum við bara eftir myndatökunum í næstu viku og hnúturinn eykst endalaust mikið.

Farin nenni þessu ekki, veitiggi hvort ég nenni almennt að blogga meir.  Hef alltof sjaldan að segja frá einhverju skemtilegu og góðu.

Góða helgi og hafiði það yndislega gott um helgina.

Ný könnun

Fannst hin könnunin svo leiðinleg þannig ég er búin að breyta eheh!!  Greinilega margir Skagamenn sem lesa síðuna okkar mhoho!!  Skari er alltaf að reyna fá mig til að flytja þangað en því verr og miður langar mig það bara EKKERT!!  Sorrý Skagamenn missið af góðum nágranna. Ég er líka bara svo mikil mömmu og pabba-stelpa að ég vill vera helst í næsta húsi við þau en þá kemur þetta á móti "það er nú bara rúmlega 30 mínútna akstur á milli"  Haaaaalllóóó  I dont care!!  Ég vill bara hafa þær 5mín.
Takk fyrir mig!!

Meira helvítis fíflið

Ohh ég þarf alltaf að æsa mig svo mikið, kanski óþarfa mikið en þegar fólk er svona mikið fífl í þessum stigagangi þá er ekki hægt annað.  Það er ekki bara ein íbúð þær eru tvær.  Andsk helvítis plebbar!!  Afsakið orðbragðið en ég er bara svo reið og þreytt á þessu öllu saman að hálfa væri miklu meir en nóg.  Ég get ekki meir!!

Þuríður mín er bara í rólegheitunum hérna heima enda vafin í bómul, bara dekrað við prinsessuna heima og henni finnst það ekki leiðinlegt.  Reyndar er hún ekkert orðin góð, borðar ekkert en ég hef að troða í hana uppáhaldinu "kakómalti" sem er betra en ekkert.  Þarf að reyna finna eitthvað gott að borða fyrir hana, aaargh veitiggi alveg hvað það gæti verið þar sem hún borðar ekki einu sinni uppáhaldið sitt cocopuffs né ís þannig þá er eitthvað að?

Hef lítið að segja í dag, gjörsamlega búin á því að berjast við þetta plebba lið og sjá um Þuríði mína veika uppá spítala (sem betur fer komin heim).

Færsla nr.2 í dag, heppin þið!!

Hvernig get ég gleymt aðal fréttum gærdagsins, oh mæ god "stupid me".  Hún Þuríður mín Arna var nebbla krampalaus í gær sem hefur ekki gerst í marga mánuði, man reyndar ekki daginn sem það gerðist síðast en það er mjöööööööööög laaaangt síðan.  Ég elska svona daga!!   Reyndar búin að fá tvo í dag en er ótrúlega ánægð með daginn í gær, jíbbíjeij!!

Það er alltaf svo gaman hjá okkur börnunum þegar ég keyri stelpurnar á leikskólann á morgnana, við erum nebbla alltaf með útvarp Latabæ í botni á leiðinni í leikskólanum og syngjum hátt og vel með hverju laginu sem er endalaust gaman.  Theodór Ingi byrjaði að tjútta með fyrir nokkrum vikum enda mjög tónlistaglatt barn einsog hinar tvær og svo í morgun byrjaði hann að tralla líka með og það var líka ótrúlega fyndið því hann söng svo hátt.  Þau eru æði þessi börn mín.

Svo um daginn vorum við reyndar EKKI að hlusta á útvarp Latabæ, var reyndar bara með bylgjuna í gangi og þá kemur eitt af mínum uppáhalds lögum í spilum og þá heyrist í Oddnýju Erlu
"mamma er þetta Stebbi Hilmars?"
Ég: "já þetta er hann"
Oddný: "já ok, hann er skemtilegur, mamma viltu hækka í útvarpinu".
Og svo byrjaði hún að syngja með laginu en þetta er hennar uppáhalds lag líka, æjhi gvuuuð hvað það er alveg dottið úr mér hvað lagið heitir en það er um strákinn hans. 

Afhverju má ég ekki líka hjálpa?

Það er eitt sem mér finnst doltið leiðinlegt í kringum veikindin hennar Þuríðar minnar, jú allir eru tilbúnir að hjálpa okkur og alltaf að vera tilstaðar sem mér finnst nottla æðislegt enda værum við ekki búin að geta gengið í gegnum þetta allt saman nema með ykkar hjálp meðal annars.  Takk fyrir það!!

Málið er að engin vill mína hjálp, skiljiði? Mér þætti líka vænt um það ef einhver bæði mig um hjálparhönd, eyra til að hlusta eða eitthvað annað en engin vill það því "ykkur" finnst við hafa nóg með okkur.  Að sjálfsögðu koma mjög erfiðir kaflar hjá okkur en inni á milli eru þeir líka "góðir" en að sjálfsögðu langar mig líka að hjálpa.  Vitiði það, það dreifir bara mínum huga að geta líka hjálpað ykkur ég verð líka að fá að gefa eitthvað á móti.  Fólki finnst mjög erfitt að skilja það eða allavega vill aldrei bögga okkur. 

Einsog sumar vinkonur mínar vilja ekki lengur leita til mín því þeim finnst ég hafa nóg með mitt, en ég hef gott eyra og finnst líka gott að hlusta á vandamál annarra og gefa ráð ekki bara láta hlusta á mig.

Ég einmitt skammaði frænku mína um daginn en hún er alltaf tilbúin að hjálpa mér við hitt og þetta en hún gat varla beðið mig um að passa börnin sín í smátíma eða réttara sagt átti mjög erfitt með það en að sjálfsögðu vildi ég passa enda finnst stelpunum ekki leiðinlegt að fá frændsystkin sín í heimsókn og fá ða djöflast með þeim.

Líka um daginn var ég að tala við þessa sömu frænku (vonandi fyrirgefur hún mér að segja frá þessuy eheh en þið vitið heldur ekkert hver hún er).  En þá vorum við að tjatta saman og svo segir hún mér að yngra barnið sitt sé búið að vera svo veikt, illt í eyrunum og með mikin hita og svo í miðju samtali kemur svo alltíeinu hljóð.  Þá heyrðist í henni eftir smástund "æjhi hvað er ég að kvarta, hún er ekkert jafn lasin og Þuríður".  Heyhey þá stoppaði ég hana, hurru frænka sko dóttir þín getur alveg átt bágt einsog Þuríður mín og að sjálfsögðu finnum við til með börnunum okkar þótt þau séu "bara" með flensuna en þau þjáðst og finna til þótt veikindin séu ekki sömu og Þuríðar.

Auddah vill ég líka heyra kvart og kvein frá ykkur alveg sama hvursu stórt eða smátt það sé, ég er ekki ein í heiminum.  ÞEtta dreifir bara mínum huga líka, ég vill líka að fólk finnist ég ómissandi einsog í denn.  Skiljiði hvert ég er að fara?

Þannig ef ykkur liggur eitthvað á hjarta þá megiði alveg böggast í mér líka ekki bara ég í ykkur.
Takk fyrir það!!

Annars er Þuríður mín öll að hressast, hún má meir að segja fara heim í dag.  Gildin fara hækkandi hjá henni æjhi ég er samt hrædd um að þeir eru að senda hana of snemma heim þar að segja að við verðum aftur mætt hérna á föstudaginn eða laugardag.  Æjhi frekar vill ég vera einn eða tvo daga lengur, well svona er lífið henni verður bara vafið í bómul heima.  Hún er allavega að hressast sem er gott, vííí!!

Ég er samt búin á því, algjörlega!! Hlakka til að komast í burtu í næstu viku með Skara mínum og hlaða aðeins batteríin sem þurfa virkilega á hleðslu á að halda, vona allavega að við komumst og Þuríður hressist meira. 

Farin að gefa börnunum mínum að borða þar að segja Theodór og Þuríði en við erum bara þrjú uppá spítala, Skari þarf að sjálfsögðu að sinna sinni vinnu.  Við lifum víst ekki á loftinu ehe!!
Þanga til....

Partý-myndirnar komnar inn

AFgangurinn af partý-myndunum komnar inn, endilega kíkið!!

Mjög slöpp

Þuríður mín er mjög slöpp núna, hún er reyndar hitalaus sem er gott og hún er ekki með lungabólgu sem er ennþá betra.  Hún er ennþá mjög lág í öllum gildum en þau hafa hækkað smávegis eða réttara sagt annað þeirra en í hinu er hún ennþá núllinu. 

Hún borðar ekkert né drekkur eða sama sem ekkert sem er ekki gott, reyndi meira að segja troða í hana íspinna þegar ég mætti á svæðið í morgun en það var ekkert að virka.  Mar reynir allt sem manni dettur í hug en henni greinilega líður ekki vel og er eitthvað óglatt þar sem hún neitar öllu matarkyns og öllu líka sem hún elskar.  Ekki gott!!

Einsog ég hef sagt þá er hún farin að sýna alltaf meiri og meiri lömun sem er verst í heimi.  Andsk... djöh... helv...  Höfum líka verið að ræða það EF alltaf EF þetta og EF hitt við doktorana áðan,jú að sjálfsögðu legst mar oft í það versta en vonar það besta og þá vill mar líka vita hvað þá?  En við ætlum ekkert að hugsa meira um það fyrr en annað kemur í ljós, tökum einn dag í einu.

Skil ekki afhverju það þarf að leggja svona á nokkurn mann, afhverju er lífið svona ósanngjarnt.  Afhverju getur hún ekki átt eðlilegt líf, leikið sér við krakkana á leikskólanum(eðlilega meina ég, hún kann nebbla ekkert þannig að leika sér), ekki verið alltaf undir svona stanslausu eftirliti, getum aldrei leyft henni að vera einni fyrir framan blokkina því hún getur fengið krampa og þá má hún ekki vera ein við þurfum að vera hjá henni til að halda í hendina hennar, hún er líka svo hvatvís vegna lyfjanna sem hún er á þannig mar veit aldrei hvað henni dettur í hug.  Ohh ég er svo reið!!

Hvernig fyndist ykkur að vera í fangelsi á ykkar eigin heimili vegna nágranna ykkar?  Nei ég bara spyr!!  Ég er ennþá reiðari núna, grrrrrrrrrrrr!!

Myndatökur

Þuríður mín var í röntgen-myndatökum áðan og við bíðum bara eftir niðurstöðum frá þeim.

Hún er orðin miklu slappari en hún var í morgun, er að taka sinn annan dúr og klukkan bara orðin hálftvö.  ÞAnnig þið getið ímyndað ykkur hvursu slöpp hún sé allavega þeir sem þekkja hana, fékk mjög stóran krampa og er rotuð núna.  Óþolandi þessir krampar!!

Hún er farin að sýna meiri og meiri lömun, Ólafur doktor var einmitt að nefna það að hann væri farinn að sjá meiri lömun í útlimum hennar og við erum líka farin að sjá lömun í munni eftir krampa.  Ég vona svo heitt og innilega að það bendir ekki til breytinga í æxlinu sem gætu verið miklar líkur en hún er að fara í myndatökur 10.okt daginn áður en við ætlum að fara í foreldraorlofið okkar.  Við erum líka búin að nefna við alla okkar lækna að við viljum ekki heyra neinar niðurstöður fyrr en við komum heim alveg sama hvort þær séu góðar eða slæmar.  Shit hvað mér er illt í maganum orðið.  Þannig við munum fara á fund með þeim á mánudeginum 16.okt og heyra allt það helsta, oh mæ god mér verður bara óglatt við þessa tilhugsun enda hvílir þetta þvílíkt á manni.  Ég vildi óska þess að við værum bara að berjast við nágranna okkar en ekki þetta þá væri svo mikið í skýjunum.  Díssúss mar hvað þetta hvílir á manni.

Vonandi fáum niðurstöðurnar úr lungamyndatökunum sem fyrst og ég kem með fréttirnar fyrst hingað.  Vííí!!

Farin að sinna litla pung!!

pssssssss.sss ný könnun!!

Í einangrun!!

Þuríður mín er komin í einangrun uppá spítala en er samt óvenju hress miðavið aðstæður, jújú hún er slöpp en samt ekki.  Gildin hennar eru komin alveg niðrí 0 þannig hún er ekki með neinar varnir fyrir sýklum þess vegna er hún í einangrun.  Henni finnst að sjálfsögðu hundleiðinlegt að vera svona föst inná herbergi en þær eru duglegar á leikstofunni að koma með dót handa henni og tónlistarneminn er líka dugleg að koma og syngja og tralla með henni.

Þar sem hún er svona lág í öllum gildum búumst við því að vera hérna alla vikuna, við vitum líka að Þuríður er hörku kerling þannig hún verður fljót að ná sér en ekki hvað?

Theodór er hjá okkur uppá spítala og svo á eftir kemur Oddný Erla og þar á eftir ætlar Þura tengdó að mæta á svæðið og vera hjá nöfnu sinni í nótt.  Brjálað að gera hjá okkur Skara, neinei ekkert svo en alltaf gott að fá hjálp sérstaklega með tvö önnur börn þótt hinum tveimur leiðist ekkert svakalega mikið að vera hérna á spítalanum sérstaklega útaf öllu dótinu. 

Mér finnst líka mjög erfitt að vera ein heima með börnin útaf ástandinu í blokkinnni annars hefði ég ö-a bara farið á Dragó og gist þar með börnin.  Andskotans plebba lið!!  Hef mikið verið að pæla í því að hafa samband við Björgólf og ath hvort hann ætti ekki nokkrar millur í hægri vasanum og hjálpað mér að kaupa íbúð  en ætli ég geri það nokkuð þar sem ég þekki ekki manni, damn!! 

Ætli ég láti þetta ekki duga í bili, er svo ógeðslega þreytt, pirruð, reið og ennþá reiðari.

Kveðja
Slauga í íbúðarhugleiðingum (Bjöggi júhú)

Komin inná spítala :(

Jamm ég var varla búin að ýta á vista síðustu færslu þegar okkur fannst Þuríður mín vera komin með hita og mikið rétt stúlkan komin með hita og er rétt í þessu á leiðinni uppá spítala með Skara.  Ömurlegt!!  Sem sagt á að leggja hana inn og fær sýklalyf beint í æð.
Meira á morgu.......