Helv.... djöh.... ands.....

Þetta er sko ekki búið að vera góður dagur hjá henni Þuríði minni með krampana að gera, ANDSKOTANS já ég leyfi mér bara að blóta.  Oftast hef ég nú tölu á krömpunum hennar yfir daginn en ég hef það ekki dag þeir hafa verið svo margir, þar hafa verið á milli 10-20 og ö-a nær hærri tölunni sem er bara alls ekki gott.  Þeir eru nýbúnir að stækka einn lyfjaskammtinn hennar en það kemur nottla ekki í ljós hvernig það mun ganga fyrr en vika er liðin frá stækkuninni.  Ástæðan fyrir þessari krampa fjölgun getur verið útaf lyfjameðferðinni, annars veit mar ekki neitt??  Þeir standa bara á gati, oh mæ god hvað mig langar að fara grenja.  Ömurlegt ömurlegt ömurlegt!! 

Það sem hefur hjálpað Þuríði í dag það er að hún vildi vera með höfuðhlífina enda búin að skella ansi oft á höfuðið í dag, ætlum að ræða við hjúkkuna okkar á miðvikudaginn með að láta sérsmíða höfuðhlíf á hana Þuríði okkar og ath hvort við getum fengið eitthvað Latabæjartengt eða í þá áttina, mar hlítur að gefa fengið Latarbæjarefni í svona hlíf?  Veit einhver um það?

Annars er dagurinn sjálfur búin að vera ágætur fyrirutan krampana, fullt fullt af gestum í allan dag og engin komin með matareitrun.  Svei mér þá held ég að ég muni sjá um allar veitingarnar í næsta afmæli á þessum bæ, þvílíkur kokkur/bakari hér á ferð.  Ég er meistari!!

Nýjar myndir

Nokkrar myndir komnar inn, aðallega frá heimsókninni frá honum Mark Webber formúlukappa.  Ég held svei mér þá að ég fari að fylgjast með formúlunni og haldi með honum

Svoooo myndó!!

Ég er hrikalega myndó, er með köku í ofninum.  Slurp slurp!!  Er á fullu þess á milli að skúra skrúbba og bóna, ohh mæ gerist ekki oft eheh!!  Ætla nebbla að bjóða liðinu mínu í kaffi á morgun, er með smá tilraunir í gangi þannig þá er best að byrja á mínu liði thíhí!!  Vonandi ekki mikil eitrun!! 

Annars er önnur tönnin á leiðinni upp hjá mínum manni, mikill pirringur en það er samt ekki ástæðan fyrir því að hann hefur ekki sofið í sex mánuði.  Erum að fara hitta svefnráðgjafa á mánudaginn þannig vonandi mun það eitthvað lagast eftir það, mar hefur allavega heyrt kraftaverkinn eftir funda við þessar konur.  Plííísssss!!  Langar í svefn!!

Þuríður mín Arna er að sjálfsögðu búin að vera krampandi í dag einsog alla daga, leiðinlegast í heimi!!  Finnst bara vera erfiðara og erfiðara að horfa uppá hana krampa svona, mar venst því að sjálfsögðu ekki að sjá barnið sitt þjást á hverjum degi og taka inn þessar eiturtöflur sem hún þarf að taka inn daglega.  Við vorum einmitt að taka mynd af köldskammtinum hennar til að leyfa ykkur að sjá hvursu mikið magn hún þarf að taka inn 2x á dag.  ATH þetta er BARA kvöldskammturinn hennar.  Læt vita þegar myndirnar eru komnar inn.

Kakan alveg að fara brenna og ekki vill ég bjóða liðinu mínu uppá brennandi köku ehe. 

Fyrsta tönnin

Langaði bara að deila því með ykkur en rétt í þessu var ég að finna fyrstu tönnina, rúmlega sex mánaða!!  Ótrúlega stollt!!  Ég hef sem sagt funndið allar fyrstu tennur barnanna minna, er alltaf að vonast til að ömmurnar finni þær en alltaf verð ég fátækari og fátækari eheh.  Bara gaman!!

Erum hér enn...

Að sjálfsögðu erum við hér enn og ekkert alveg á leiðinni út eða jú reyndar í dag, átti að vera í kvöld mjög seint en held að það sé að breytast.  Átti að vera fá 24tíma vökva en hún þarf þess víst ekki, veitiggi alveg afhverju en ok.  Verðum hvorteðer komin hingað áður en við vitum af.

Kramparnir eru annars ekki að gera góða hluti.  Fékk mjög stóran og doltið skerí í gærkveldi og ég var næstum því farin að kalla á hjúkkurnar en svo lagaðist hann sem betur fer, hjartað var farið að slá 500x hraðar en venjulega.  Fékk svo annan í morgun og skall beint framfyrir sig þannig en eitt hornið hefur bæst við í safnið og sá krampi var helmingi lengri en venjulega, ekki gott!!  Ótrúlegt hvað þetta barn þolir, skil þetta ekki?

Búið auka við ein lyfin hennar, þannig það verður fróðlegt að sjá hvernig það fer í hana.  Kanski ekkert fróðlegt, kvíður frekar fyrir því að sjá það því það getur ýtt á ein lyfin sem gera hana svona og önnur hitt þannig þá verður þetta bara ein grjónasúpa enn eina ferðina.  Allt ýtir þetta á ofvirkina hennar sem er ekki skemtilegast í heimi, hún verður nebbla mjög ofvirk eftir hvern krampa.  Þetta er sko sannarlega sagan endalausa.

Í morgun kom skemtileg heimsókn hérna uppá barnaspítalan með endalaust mikið af gjöfum handa leikstofunni, eiginlega eins gott að Oddný mín Erla sá ekki hvað hann var að koma með.  Hann kom nebbla með endalaust marga og stóra kassa af playmo, hún hefði tryllst af kæti og viljað fá alla kassana með sér heim .  En þetta var engin annar en Mark Webber sem keyrir fyrir Williams og þeir frá Baugi komu og gáfu spítalanum allt þetta dót.  Þannig ef þú lest þetta  Jón Ásgeir þá langar dætrum mínum líka í playmo ehehe.  Bið samt ekki um eins mikið og þú gafst spítalanum því þá þarf ég að breyta stofunni okkar í leikherbergi.  Dóóhh!!  Well þeim finndist það sko ekki leiðinlegt en ég er samt ekki tilbúin að gera það thíhí!!

Partý hjá Viggu vinkonu í kvöld og allir að fara á Sálina eftir það á Players, hefði ekkert á móti því að mæta en mar getur víst ekki gert allt þegar mar á veikt barn eða treystir sér ekki í að gera allt.

Góða helgi alles

Ný könnun

Vávh það eru bara nokkrir gaurar að lesa síðuna mína, allt saman eiginlega kvenkyns, nema strákarnir þori ekki að viðurkenna eheh.  Endilega svarið nýju könnuninni.

VARÚÐ laaaaaaaangt!!

Einsog flestir vita fórum við fjölskyldan á Akureyri um verlsunarmannahelgina og skemmtum okkur ágætlega, sáum flottustu og lengstu flugeldasýningu ever.  Vávh hvað hún var flott.  Bara gaman!!  

Ég og Skari kíktum aðeins á tjúttið á laugardagskvöldið sem er kanski ekki frásögufærandi nema hvað þegar við erum í leigubílaröðinni hitti ég ógeðlegasta mann ever.  Ekki það hann var eitthvað ljótur eða jú hann varð ljótur eftir það sem valt útur honum.  Það sem hann var að segja við okkur Skara hefur hvílt rosalega á mér síðan við hittum hann, ég man reyndar ekki alveg orðrétt sem hann sagði enda skiptir það engu, held það bara útaf fyrir mig. (þannig ekki spurja).  Það var einsog þessi ógeða maður vissi hver við værum og vissi að við ættum veikt barn, það var einsog hann væri alltaf að tala til okkar.  Kanski var það bara einhver ímyndun í mér því ég á veikt barn en ég held samt ekki?  

Hann var nebbla að tala illa um veik börn og það fór endalaust mikið í mig,einsog ég sagði skiptir heldur engu málið hvað hann sagði nákvæmlega en það sem hann sagði um veik börn fór endalaust mikið í mig  því það var einsog hann væri að tala um Þuríði mína.  Ef Skari hefði ekki haldið mér niðri hefði ég barið hann, án gríns og ekki er ég nein ofbeldismanneskja, jújú hann hefði bara buffað mig niður á nóinu enda miklu stærri og sterkari en mér var nákvæmlega sama bara ef ég hefði getað þaggað niður í honum.  Ég gjörsamlega brotnaði niður og skammast mín ekkert fyrir að segja frá því, ef einhver talar illa um barnið mitt eða börnin mín verð ég alveg snar og hvað þá um barnið mitt sem getur ekkert af því gert hvernig það er.  

Þessi einstaklingur situr svo fast í mér og ég hef ekki hugsað um neitt annað síðan þetta kvöld, varð bara aðeins að koma þessu frá mér.  Þið kanski skiljið ekkert um hvað ég er að tala en það skiptir kanski heldur engu máli, síðan mín er gerð fyrir mig svo mér líði betur.  TAKK!!  

Um daginn fór ég í heimsókn til frændfólks míns og á undan mér labbaði veikir einstaklingar inn um stigaganginn (væntanlega frá einhverju heimili sem kanski er aukaatriði).  Kemur þá maður á móti mér sem býr greinilega í þessum ákveðna stigangi og segir við mig “hver hleypti þessu fólki hingað inn?”, “ekki hef ég gefið þeim leyfi að koma hingað inn”.  Haaaaaaallllóóó er ekki í lagi?   Þessu fólki?  Bíddu hvað var að “þessu” fólki?  Nei hann vildi ekki fólk inní stigaganginn sinn sem átti bágt en bíddu hver átti bágt þarna?  Hann sjálfur!!  Ég varð ógeðslega reið útí þennan mann og hefði langað að berja hann (úbbs held að ég sé að verða ofbeldishneigð), eftir þetta þegar ég er að fara í heimsókn til frændfólks míns reyni ég allt að forðast þennan mann, mig langar bara að gubba á hann þegar ég sé hann allavega hef ég engan áhuga að bjóða góðan daginn við hann hvað þá að tala við hann.  Þetta er ómerkilegasti maður sem ég hef hitt.  

Það hefur alltaf farið í mig þegar fólk talar illa um fólk eða niður til fólks þegar það á eitthvað erfitt, líka áður en Þuríður mín veiktist en ég tek það kanski meira til mín eftir að hún veiktist.  Ég hef kynnst fullt af fólki sem talar svona illa til þeirra, hvað er að þessu fólki?  Að gera grín af veikum einstaklingum sem geta ekkert af þessu gert, það er eitthvað að svoleiðis fólki.  Þetta fer ótrúlega í mig!!  Aaarrghh!!  Ég verð svo reið!! 

Úfffhh held að þetta sé komið gott!!   

Takk fyrir að nenna lesa þar að segja ef þið eruð ennþá að lesa.

Doktor Þuríður

Það er komin læknir í fjölskylduna sem heitir Þuríður Arna Vorum niðrá leiksktofu áðan og Þuríður fann þenna fína læknaslopp og læknatösku og gengur um spítalan núna með töskuna sem ENGIN má snerta ehehe.  Í þessum töluðum orðum er hún að setja net yfir höfuðið og einnota hanska, bara fyndið!!  Verst að ég er ekki með myndavélina með mér og vanalega er hún alltaf í töskunni, dóóhh!!  Man eftir að koma með hana á morgun, annars er einhver formúlu-karl að koma á Barnaspítalan á morgun sem við ætlum að sjálfsögðu að hitta en ekki hvað og þá verður myndavélin að sjálfsögðu að vera til staðar. 

Hún er annars búin að vera krampa doltið mikið í dag og líður kanski ekkert ofvel, frekar ofvirk sem hún verður alltaf eftir krampana en samt ótrúlega góð.  Kvartar frekar sjaldan!!

Úffh það er svo mikið að gerjast í kollinum mínum þessa dagna en ég kem mér ekki alveg í að skrifa það núna, ligg með störu á tölvuna og puttarnir frekar máttlausir af þreytu.  Tel niður dagana að menningarnótt þegar okkur verður "hent" út af heimilinu og tengdó taka við og við verðum að gjöra svo vel að finna okkur gististað.  Bara spennt að geta sofið eina nótt án þess að þurfa vakna en verst að ég veit að ég mun ö-a liggja andvaka þessa nótt.  Dóóh!!  Stefnum á að tjútta aðeins þetta kvöld, kanski við komumst á Sálina þetta kvöld?  Never know?

Drengurinn að vakna eftir dagssvefninn sinn, jújú hann getur sofið á daginn.  Aaaaaaaaaaaaarghh!!  Best að sinna börnunum mínum og hætta þessu rugli hérna í tölvunni.
Hasta la vista!!

Þreytt.is

Ég er ótrúlega andlaus og þreytt þessa dagana að ég hef mig bara ekki í það að skrifa þótt ég hafi endalaust miklu að segja frá en þetta eru bara þessir dagar.

Theodór minn Ingi sefur orðið verr á nóttinni en hann gerði sem bætir ekki hlutina enda hefur mar ekki fengið svefn í sex mánuði aaaarghhh!!  Þegar ég mætti uppá spítala í morgun með Þuríði mína ákvað ég að láta doktorana kíkja í eyrun á litla pungnum mínum og þar var víst doltil bólga þannig mín er komin með lyf handa honum.  Ætli eitthvað breytist eftir þann lyfjaskammt?  I dont think so!!  Ég fæ líka að hitta svefnráðgjafa uppá spítala, vonandi mun hún gefa mér einhver góð ráð áður en ég fer yfirum.  Dóóhh!!  Stundum er gott að þekkja mikið af góðum læknum vildi samt óska þess að ég þekkti ekki þetta lið því þá vissi ég að Þuríði minni liði vel.

Hún er búin að vera krampa doltið í dag, meira en venjulega.  Grrrr!!  Ekki gott!!  Hún er uppá spítala að fá krabbameinslyfin sín, þvílíkur vökvi sem getur komist fyrir í þessum litla líkama.  Fyrst fær hún vökva í átta tíma, svo koma krabbameinslyfin og eftir það kemur vökvi í 24 tíma, dæsssúss mar!!  Þið ættuð að sjá allar slöngurnar sem eru tengdar í hana í dag, flækjast bara fyrir. Getur varla gengið, slöngurnar alltaf fyrir henni greyjinu. 

Einsog ég sagði þá hefur Þura tengdó verið hjá henni í allan dag og við nottla eitthvað smá, gott að fá smá pásu frá spítalanum og geta sinnt hinum börnunm.  Linda ætlar einmitt að ná í hana Oddnýju Erlu mína á morgun á leikskólan sem henni finnst ekki leiðinlegt enda þarf ég að vera uppá spítala og Skari að sinna vinnunni sinni og þá er líka gott að eiga góða að einsog við erum alltaf að kynnast meir og meir í gegnum veikindin hennar Þuríðar minnar Örnu.  Þið eruð ÖLL best!!

Best að fara hvíla lúin bein, þarf að ná kanski einum eða tveimur klukkutímum áður en litli pungurinn minn vaknar.  Ekki eðlilegt hvað hann sefur lítið, ekki alveg að skilja?

Reyni að segja ykkur einhverjar sögur á morgun eða ekki, veitiggi hvort ég hafi orku?
Góða nótt elskurnar og knúsið hvort annað ég sendi allavega eitt stórt knús til ykkar allra.

Uppá spítala

Þá erum við mætt á okkar annað heimili, Barnaspítalan.   Þuríður mín Arna verður hérna allavega fram á föstudag, tengdó verður hérna hjá henni í dag og nótt.  Reyndar ekki í einhverju bloggstuði, vonandi finn ég mig seinna í dag.