Frábær vika að líða

Rjómabollan mín alltaf jafn fallegur.

Vorum annars að koma heim úr Miðhúsaskógi en þar erum við búin að eyða vikunni, bara yndislegt.  Krakkarnir elska að vera svona í "sveitinni", fara í pottinn þegar þau vilja og bara það sem þeim langar að gera.  Sólin hefði nú mátt sýna sig meira en samt gott veður og við haft það súper.

Náði loksins einn af hópnum mínum, ótrúlega stollt af þessum hópi mínum og hrikalega montin. Það er ekki það auðveldasta í heimi að ná mynd af þeim heheh.

Oddný Erla mín elskar að týna blóm handa mömmu sinni, ég ætti ö-a blómabúð ef þau myndu lifa e-ð af viti.

Kíktum á Laugarvatn og þar fengu krakkarnir að vaða í vatninu sem Þuríði minni finnst sko alls ekki leiðinlegt en hérna er hún að kasta í vatnið sem henni fannst heldur ekkert leiðinlegt.  Eitt af því skemmtilegasta sem hún gerir er að sulla í vatni, láta kasta í vatnsblöðrum eða láta sprauta á sig vatni hehe og þar sem við verðum ekki á sólarströnd þetta sumarið verðum við að nýta öll vötn sem við sjáum og leyfa henni að sulla.

Theodór minn ætlaði nú ekki að þora í vatnið en lét svo skara skríða og fannst það ekkert leiðinlegra en systur sínar.


Skemmtileg helgi framundan hjá okkur fjölskyldunni, systir mín er að útskrifast á morgun sem Hagfræðingur og mágkona mín sem leikskólakennari.

Eigið góða helgi!!

Upptekin fjölskylda

Endalaust mikið að gera hjá okkur og nánast engin tími til að setjast hérna niður og skrifa e-h ritgerð og svo hef ég heldur ekkert svo mikið að segja sem er bara frábært því það gengur svo hrikalega vel með Þuríði mína.  Hún var einmitt að fá "inngöngu" hjá styrktarfélagi lamaðra og fatlaðra og stefnan er sett á sjúkra og iðjuþjálfun þar næsta haust sem bara flott en munum samt sakna okkar frábæra sjúkraþjálfara hjá greiningarstöðinni sem við erum að sjálfsögðu ekki búin að kveðja alveg.  Neinei hún losnar ekki svo auðveldlega við okkur.

Næstu dagar hjá okkur verða frekar uppteknir og mjög skemmtilegir.  Þuríður mín er endalaust kát einsog vanalega, það er svo gaman að vera í kringum hana og svo er hún mikill húmoristi.  Við keyptum vatnsbyssur handa liðinu og þá var Þuríður mín ekki lengi að tilkynna ömmu sinni Oddný að hún ætlaði að sprauta á hana sem hún nota bene kallar "ömmu dreka" hehe og finnst það endalaust fyndið.  Amman var þá ekki lengi að fara útí búð og keyptu stærstu vatnsbyssuna og tilbúin í vatnsslag við Þuríði mína sem henni fannst ennþá fyndnara.

Þuríði minni finnst heldur tómlegt að vera "ein" (þó hún njóti þess líka)með mömmu sinni og pabba á daginn og eftir ca tvo tíma eftir að hin eru farin á leikskólann þá er hún farin að biðja um að sækja þau sem ég skil mjög vel.  En við ætlum að leyfa þeim að vera í fríi þessa vikuna sem þau eru hrikalega spennt fyrir.

Lítið annað að segja nema að öllum líður vel.  Vill senda í lokin stórt knús til Bjarkar okkar "töffara" sem ætlum að hitta í næstu viku, ég trúi ekki öðru en þér mun ganga rosalega vel í dag elsku Björkin okkar.  Hugsum endalaust mikið til þín. 

Hreyfiþroskapróf búið

Þá er hetjan mín búin með hreyfiþroskaprófið sitt og þá erum við "laus" frá ÖLLU í sumar eða ég trúi ekki öðru.  Hún stóð sig að sjálfsögðu ótrúlega vel þó svo við héldum að hún væri ekki með svona mikla hreyfihömlun ..ennþá en þá bætti hún sig mjög mikið síðan í fyrra.  Ótrúlega stollt af henni!!  Ég fékk að sjá myndbönd af henni sem voru tekin fyrir tveimur árum hjá sjúkrþjálfaranum sínum og þvílíkur munur, fyrir tveimur árum gat hún ekki notað neitt hægri höndina og studdi sig ekki við neitt með henni og allt frekar erfitt fyrir hana en í dag, VÁÁÁVH!!  Þetta er mjög merkileg stúlka sem ég.  Það er margt sem hún getur engan veginn og sumt sem hún á mjög auðvelt með þannig séð en hún er samt laaaaaangt í frá að vera jöfn jafnöldrum sínum í þessu öllu.  Enn hún verður búin að ná þeim áður en hún giftir sig.

Núna verður bara gert ALLT og EKKERT, bara það sem okkur dettur í hug og engin pressa á að fara í leikskólann á morgnanna eða drífa sig úr náttgallanum.  Oh mæ god hvað ég er búin að bíða lengi eftir svona tíma, Skari í fríi og endalaust gaman.  Reyndar ætlum við að láta stelpurnar okkar fara á e-h námskeið væntanlega badminton- og reiðnámskeið, bara gaman!!

Hérna er ein af Oddnýju Erlu minni.

Vill minnar ykkar annars á "á allra vörum" glossinn sem er ennþá til sölu í Hagkaup og Lyf og Heilsu hér í bænum eða til 14.júní en verður til sölu til 1.ágúst hjá www.skb.is en þar getiði pantað og fengið hann sendan beint í lúguna.  Kostar aðeins 2500kr og rennur allur ágóðin til Styrktarfélags krabbameinssjúkra barna. 

Hjólastóll farinn :)

Jebbs hentum hjólastólnum hennar Þuríðar minnar í hjálpartækjamiðstöðina áðan sem var ákveðin léttir og við búin að týna fatlaðarmerkinu hennar eða það fauk útur bílnum einn daginn í rokinu.  Þvílíkur léttir að vera búin að skila honum og vera "laus" við merkið, mikið og stórt skref og höldum áfram að taka þessi skref.  Næst verður að losa okkur við "brunninn" hjá henni eða þar sem blóðprufurnar eru teknar hjá henni, veit nú ekki hvursu stutt er í það en vonandi ekki mjög langur tími.  Maður þorir samt ekkert að tala um þessa hluti en það eru fullt af skrefum frammá við og við höldum áfram að taka þessi skref þó þau verði bara hænuskref.  Bara gaman!!

Einsog ég sagði í gær þá fórum við í góðan og skemmtilegan göngutúr og hérna er ein af Þuríði minni frá honum en hún fór í "fýlu" held samt að hún kunni ekki að fara í fýlu því hún nennti ekki að labba meir og vildi bara snúa við og fara heim eða láta pabba sinn taka sig á háhest hún veit líka að það virkar hehe.

Einsog þið sjáið á hún mjög erfitt með að brosa ekki :)

Damn get ekki sett fleiri myndir inn.  Grrrr.

Góðir dagar

Mikið hlakka ég til þegar Þuríður mín er búin með hreyfiþroskaprófið sitt þá verðum við nefnilega "frjáls" og ætlum að gera "e-ð" eða það sem okkur dettur í hug. Svo leiðinlegt að vera bundin við eitthvað en núna ætlum við að fá að kynnast því að vera það ekki, jiiiiihaaaa!!  Við ætlum að vera í vandræðum hvað við eigum að gera því það verður svo mikið að velja úr, ekki leiðinlegt!!

Þuríður mín er ótrúlega hress, það er alveg yndislega gaman að horfa á hana því hún er svoooo hamingjusöm finnst svo yndislega gaman af lífinu að hálfa væri miklu meir en nóg.  Henni finnst allt svo fyndið og skemmtilegt, ef allir væru svona einsog hún er já nei það væri ö-a ekki gaman hehe.  Ég reyni samt ofsalega mikið að fagna ekki of mikið  og þó svo við séum vön að plana mikið frammí tímann en þá reyni ég ekki að hugsa of mikið um það hvenær eða hvort ég geti kanski farið að fara vinna smá aukavinnu því það er ofsalega mikill draumur hjá mér að fá að vinna smá.  Bara komast aðeins út og hitta fólk, eiga vinnufélaga og þess háttar en það þekki ég bara ekki og hef ekki þekkt í alltof mörg ár.  En ég á mér samt þann draum að komast kanski einn tvo daga í vinnu þó það væri ekki nema það, kanski ekkert merkilegur draumur fyrir marga en mjög stór hjá mér sérstaklega þegar hetjunni minni líður vel einsog henni líður í dag en oft þegar ég hef farið að dreyma þennan draum og hugsað aðeins frammí tímann þá kemur bakslag þess vegna reyni ég ekki að dreyma of mikið um þetta og hugsa ekki of mikið frammí tímann.

Ætlaði að setja inn nokkrar myndir frá deginum í dag en það er víst e-ð vesen á myndakerfinu þannig það er ekki hægt en við áttum alveg yndislegan dag við Rauðavatn og í skóginum.  Bara seinna þá!!

Fallegastar

Hvernig er hægt að skapa svona fallegar stelpur?  Oh mæ god hvað þær eru fallegar og svo góðar vinkonur, bjútí!!  Sem sagt stelpurnar mínar Þuríður Arna og Oddný Erla.

Lasarusinn mættur á svæðið

Jú veturinn hjá okkur fjölskyldunni er búin að vera "veikindalaus" og svo er sumarið rétt að byrja þá verður perlan mín hún Oddný lasin.  Náði í hana í leikskólann því hún var búin að gubba e-ð og núna liggur hún hálfmeðvitundarlaus í sófanum og það er ekki hægt að hagga við henni.  Hún sem átti að fá mömmudag á morgun, Þuríður og Theodór ætluðu uppá Skaga í pössun og hún átti að fá dekur.  Hún hefur nefnilega átt dáltið erfitt síðustu vikur og ég ætlaði að reyna kæta hana aðeins á morgun og vonandi verður hún ekki svona þá því henni var farið að hlakka svo mikið til.  Annars verðum við bara að draga dýnuna fram, horfa á imban og hafa það kósý.

Búið að útskrifa Þuríði mína úr 1.bekk, fórum á foreldrafund í morgun og allt bara stórglæsilegt einsog ég var búin að segja.  Þannig hetjan mín er komin í langt sumarfrí sem verður væntanlega mjög skrýtið bæði hjá henni og okkur en við erúm mjög spennt, við mæðgur ætlum líka að kíkja á eitt stk leikjanámskeið kanski tvö ef hún mun fíla þetta.  Þetta sumar verður það skemmtilegasta hingað til!!

Ætla núna að reyna "pota" í perluna mína og ath hvort hún vakni ekki því hún er búin að sofa núna í tvo tíma sem hún er ALLS EKKi vön að gera.

Eigið frábæra helgi!!

Flottur vitnisburður

Þuríður mín Arna fékk sinn fyrsta alvöru vitnisburð í dag úr skólanum og að sjálfsögðu var hann stórglæsilegur, hún er að standa sig stúlkan og verður bara flottari.  Svo ætlar hún líka að brillera í næstu viku þegar hún fer í hreyfiþroskaprófið sitt hjá greiningarstöðinni.  En síðasti skóladagurinn hennar er á morgun og ég einmitt spurði hana hvað henni langaði að gera í sumar fyrst að skólinn er að verða búinn jú henni langar að prjóna í ALLT sumar hehe þannig hún tekur móðir síðan til fyrirmyndar.

Hérna eru nokkrar frá deginum í dag:

Hinrik minn að leika sér á pallinum í dag í göngugrindinni sinni.

Oddný Erla mín að svala þorstann eftir hjólreiðatúr.

Þvílíkur töffari á ferð.

Þuríður Arna mín skellti sér á hlaupahjólið sitt.

Tölvan mætt á svæðið

Yeeeesss búin að endurheimta tölvuna mína og hún var í ábyrgð en samt leiðinlega við að hún "dó" er að ég tapaði öllum póstinum mínum sem ég hef fengið í gegnum veikindin hennar Þuríðar minnar sem mér þótti ofsalega vænt um.  Myndavélin líka komin, jiiiihaaa!!  Þannig við getum haldið áfram að taka myndir en þá er það helv.... bíllinn sem er kominn aftur með þessa blessuðu sveppi, ólíft í bílnum.

Þuríður mín fór í smá tjékk uppá spítala á fimmtudaginn en það er núna búið að taka önnur flogalyfin af henni eða þau sem hafa "skemmt" mest, þar að segja hægt mest á þroska hennar enda sjáum við líka mikin mun á henni, hún er að þroskast svo mikið þessa vikurnar og orðin mikil gelgja.  Alveg yndislega gaman að fylgjast með henni.  En það á að taka núna pásu frammá haustið með lyfjaminnkun eða eftir næstu myndatökur sem við ætlum ekki að heimta fyrr en í september(ætti að vera í ágúst) því við ætlum að eiga spítalalaust sumar í fyrsta skipti síðan hún veiktist.  Enda sagði læknirinn við okkur á fimmtudaginn að hann vildi ekki sjá okkur neitt í sumar þannig það er eins gott að mæta honum ekki einhversstaðar hehe.

Þuríður mín er ótrúlega hress og þetta er bara yndislegast!!  Sumarið framundan sem við ætlum að njóta í botn enda Skari kominn í fæðingarorlof.  Jiiiiiihaaaaa!!

Svona verður sumarið okkar, bara leti og skemmtilegheit hérna á klakanum.  Theodór minn og Skari minn!!

Á allra vörum - söfnunarátak til styrktar SKB (styrktarfélagi krabbameinssjúkra barna)

Átakinu “Á allra vörum” var fyrst hrint af stað fyrir ári þegar formlega fór af stað sala á varaglossum og rann allur ágóðinn til kaupa á tækjabúnaði til greiningar á brjóstakrabbameini.  Það átak skilaði 50 milljónum króna sl. haust og yfir 20.000 varaglossar seldust.  Í beinu framhaldi af því góða gengi var ákveðið að stofna góðgerðarfélagið “Á allra vörum” sem nú hrindir af stað sínu öðru átaki.

Afrakstur átaksins í ár rennur til kaupa á nýju hvíldarheimili fyrir SKB.  Árlega greinast að meðaltali 10-12 börn og unglingar 18 ára og yngri með krabbamein á Íslandi. Mikil þörf er fyrir hvíldarheimili fyrir fjölskyldur krabbameinssjúkra barna og eru forsvarskonur átaksins afar stoltar af því að geta orðið að liði.

Verkefnið og samstarfsaðilar
Sem fyrr verður fjármunum safnað með því að selja varalitagloss frá Dior - merkt  átakinu - en allur ágóði af sölunni rennur til SKB. Heildverslun Halldórs Jónssonar, umboðsaðili fyrir Dior á Íslandi og Iceland Express eru aðal styrkaraðilar átaksins en auk þeirra studdu okkur auglýsingastofan Fíton mjög rausnarlega, Latibær, Filmus, Vörumerking, AFA á Íslandi, Gassi ljósmyndari og Edda útgáfa.

Varalitaglossin verða seld í júní og júlí 2009 um borð í flugvélum Iceland Express. Á tímabilinu frá  1. – 14. júní verða þau einnig seld í verslunum Hagkaupa, Lyf og heilsu, Hygea og hjá öðrum söluaðilum Dior snyrtivara. Fyrirtæki sem vilja styrkja átakið með kaupum á vörunni fyrir starfsfólk sitt geta einnig keypt glossin hjá SKB.  Með kaupunum styrkja fyrirtækin í landinu átakið “Á allra vörum”.  Hvert varalitagloss kostar 2.500 kr. og rennur allur ágóði til Styrkarfélags krabbameinssjúkra barna.

Von
Af þessu tilefni ætlar tónlistarmaðurinn Magnús Eiríksson að gefa lagið Von til átaksins.  Lagið Von er af nýútkomnum geisladiski Mannakorna og segir textinn allt sem segja þarf, því vonin er oft það eina sem fólk á sem berst við erfið veikindi eins og krabbamein. Pálmi Gunnarsson syngur þetta yndislega lag.

Mæli með glossnum á "allra vörum" í sumar og styrkja gott málefni.